Karthikව ගේන්න du Plessis සැරසුණ හැටි; වනිඳු ගැනත් පැසසුම්

5332

ප්‍රහාරක ක්‍රීඩකයෙක් පිටියට ගෙන ඒම සඳහා පිටියේ සිටින පන්දුවට පහර දෙන ක්‍රීඩකයෙක් විශ්‍රාම ගැනීම IPL තරගාවලියේ සාමාන්‍ය දෙයක් බවට පත් වෙමින් තිබෙනවා.

Sunrisers Hyderabad කණ්ඩායමට එරෙහිව ඉරිදා (08) පැවැත්වුණු තරගයේ දීත් Dinesh Karthikව පිටියට ගෙන ඒම සඳහා RCB නායක Faf du Plessis පන්දුවට පහර දීමෙන් විශ්‍රාම ගැනීමට උත්සහ කළ බව වාර්තා වෙනවා.

මේ තරගයේ දී Karthik පන්දු 8කින් ලකුණු 30ක් රැස් කළේ RCB ලකුණු පුවරුව කඩුලු 3කට ලකුණු 192ක් බවට පත් කරමින්.

ඔහු ඒ වගේ හයේ පහර ගහනවා නම් ඔහුට වැඩි කාලසීමාවක් දෙන්න ඕනේ පිතිකරණයේ යෙදෙන්න. අවංකවම කියනවා නම් මම ගොඩක් මහන්සි වෙලා හිටියේ මම උත්සහ කළේ දැවී ගිහින් හරි Karthik ව පිටියට ගේන්න. පන්දුවට පහර දීමෙන් විශ්‍රාම ගැනීම (retiring) ගැනත් මම සිතා බැලුවා”, එම තරගයේ දී පන්දු 50කින් ලකුණු 73ක් රැස් කළ du Plessis පවසා සිටියා.

තරගය අවසානයේ මාධ්‍ය හමුව මෙහෙයවමින් සිටි Harsha Bhogle පන්දුවට පහර දීමෙන් විශ්‍රාම ගැනීම පිළිබඳව ඔහුගෙන් විමසා තිබුණා. “විශ්‍රාම ගැනීම? ඔව්”, du Plessis පවසා සිටියා. “නමුත් ඒ වෙලාවේ අපේ කඩුල්ලක් දැවී ගියා. ඔව්. DK හොඳ රිද්මයක සිටින්නේ. ඒ පිටියේ පන්දුවට පහර දීම අපහසුයි. DK නම් නොවේ අනෙක් අයට. ගොඩක් අය පළමු පන්දු කිහිපයේ අමාරුවෙන් ක්‍රීඩා කළේ. DKගේ උඩ පන්දුව මඟහැරීමෙන් අනතුරුව ඔහු ප්‍රතිවාදීන්ව විනාශ කළා.”

පසුගිය මාසයේ පැවැත්වුණු තරගයක දී R Ashwin පිටියෙන් විශ්‍රාම ගෙන Riyan Parag හට පන්දුවට පහර දීමේ අවස්ථාව ලබා දුන්නා. IPL ඉතිහාසය තුළ එවන් අවස්ථාවක් වාර්තා වුන පළමු අවස්ථාව වුනේ මෙයයි.

RCB විසින් කණ්ඩායම ඉන්දීය රුපියල් කෝටි 10.75කට මිල දී ගත් සුපිරි ශ්‍රී ලංකා ක්‍රීඩක වනිඳු හසරංග Sunriesrs කණ්ඩායමට එරෙහිව කඩුලු 5ක් දවා ගත්තා. මේ වන විට ඔහු කඩුලු 21ක් දවාගෙන වැඩිම කඩුලු ලාභීන්ගේ ලැයිස්තුවේ දෙවැනි ස්ථානයේ රැඳී සිටිනවා.

මම වනී ගැන බොහොම සතුටුයි”, du Plessis පවසා සිටියා. “මම පෞද්ගලිකව සිතනවා පිතිකරණ ලැයිස්තුවක් තනිවම බිඳ දැමිය හැකි තරගයක් ඔහු සොයමින් සිටියා. ඔහුට ඒ දෙය කරන්නට පුළුවන් බව කිහිපවරක්ම පෙන්වූවා. මම බොහොම සතුටුයි මේ රාත්‍රිය ඒ රාත්‍රිය වුන එක ගැන. ඔහු විශේෂ පන්දු යවන්නෙක්. ඔබට ඔහුව තේරෙන්නේ නැති නම් අවසන් පිතිකරුවන් ඉක්මනින් දවා ගන්න ඔහුට පුළුවන්.”

Cricinfo ඇසුරින්