ඉතාලියේ දී පැවැත්වුණු Meeting Giuseppe Tomassoni මලල ක්‍රීඩා උළෙලේ මීටර් 100 ඉසව්ව නියෝජනය කළ ශ්‍රී ලංකාවේ යුපුන් අබේකෝන් විශිෂ්ට ජයක් ලබා ගැනීමට ඊයේ (11) සමත් වුනා.
මෙම මීටර් 100 ඉසව්ව මූලික වටයේ තරග 19කින් මෙන්ම, අවසන් වටයේ තරග දෙකකින් ද සමන්විත වූ දැවැන්ත ඉසව්වක් ලෙසයි ක්‍රියාත්මක වුනේ.
මෙහි මූලික වටයේ දී ශ්‍රී ලංකා ධාවන ශූර යුපුන් අබේකෝන් පළමු මූලික වටයේ තරගයට සහභාගී වුනා. එහි දී ඔහු විසින් තත්පර 10.30ක කාලයක් සමඟ දෙවැනි ස්ථානය හිමි කර ගත් අතර, මූලික වටයේ තරග 19ක් අවසන් වන විට ක්‍රීඩකයින් 110 දෙනෙකු අතුරින් දෙවැනි ස්ථානයේ රැඳීමට ද සමත් වුනා.
- Nadalට පරාජයක්, රුමේනියාවට ඉතිහාසගත ජයග්‍රහණයක්!
- පිහිනන්න නොදැන ඔලිම්පික් ගිය පිහිනුම් ශූරයා
- ගංගා සිය තරග වටයේ පළමු ස්ථානයට!
- ඉන්දියාව පළමු පදක්කම දිනයි, බ්‍රසීලයට නොසිතූ පරාජයක්!
- විරේන්ට පළමු තරගයෙන් පරාජයක්
මේ අනුව කිසිඳු අපහසුතාවකින් තොරව ඉසව්වේ අවසන් වටයට සුදුසුකම් ලබාගත් යුපුන් දෙවැනි අවසන් තරගයට සහභාගී වුනා.
මෙවර ඔහු විසින් සිය තරග නිමි කාලය ලෙස තත්පර 10.21ක් වාර්තා කිරීමට සමත් වෙමින් පළමු ස්ථානය තහවුරු කර ගත් අතර, අවසන් වටයට සහභාගී වූ ක්‍රීඩකයින් 12 දෙනෙකු අතුරින් ඔහු කිසිඳු අභියෝගයක් නොමැතිවම පළමු ස්ථානය හිමි කරගත්තා.
පළමු වැනියා වූ යුපුන් තත්පර 10.21ක කාලයක් වාර්තා කරනා විට දෙවැනි ස්ථානයට පත් වූ ඉතාලි ක්‍රීඩකයා වාර්තා කළ තරග නිමි කාලය තත්පර 10.29ක් ලෙසයි සටහන් වුනේ.
දිනෙන් දින උණුසුම් වන දෙස්, විදෙස් මලල ක්‍රීඩාවේ උණුසුම් තතු විත්ති ඔබ වෙත සමීප කිරීමට Thepapare සූදානම්, රැඳී සිටින්න ශ්‍රී ලංකාවේ අංක එකේ ක්‍රීඩා නාලිකාව ThePapare සමඟින්.
>>තවත් මලල ක්‍රීඩා පුවත් සඳහා පිවිසෙන්න<<
 සමත් වුනා. ){kind=link}