79 වැනි බ්‍රැඩ්බි පලිහ සටනේ පළමු තරග අදියර ඊයේ (23) පල්ලෙකැලේ දී ක්‍රියාත්මක වුනා.
මෙම තරගය සඳහා සහභාගී වූ ත්‍රිත්ව ක්‍රීඩකයින් මෙවර රග්බි ලීගයේ ශූරයින් ලෙස මෙන්ම, වත්මන් බ්‍රැඩ්බි කිරුළේ හිමිකරුවන් ලෙස ද තරග බිමට පිවිසුණු අතර, රාජකීයයන් විසින් තමන්ගෙන් ගලවා ගත් අභිමානය නැවත සොයායමින් ත්‍රිත්ව ක්‍රීඩකයින්ට අභියෝග කිරීමට ඉදිරිපත් වුනා.
එවන් වටපිටාවක් තුළ ආරම්භ වූ තරගයේ ආරම්භයේ සිටම ත්‍රිත්ව ක්‍රීඩකයින්ට ඉතා හොඳ අභියෝගයක් ලබා දෙමින් තරගයට අවතීර්ණ වීමට රාජකීයයන් විසින් සමත් වූ අතර, ත්‍රිත්ව ක්‍රීඩකයින්ට ලකුණු ලබා ගැනීමට තිබූ ආසන්න අවස්ථාවක් ශාන් අල්තාෆ් අතින් ගිලිහී යාමත් සමඟ රාජකීයයන් තවත් තරගයේ ග්‍රහණය තමන් සතු කර ගැනීමට සමත් වුනා.
ඒ අනුව තරගයේ පළමු අර්ධය තුළ රාජකීය විද්‍යාලය විසින් උත්සාහක දිනුම් දෙකක්, එක් ප්‍රවර්ථනයක් මෙන්ම එක් දඬුවම් පහරක් ද සාර්ථක කර ගනිමින් ලකුණු 15ක් ලබා ගැනීමට සමත් වූ අතර, ත්‍රිත්ව ක්‍රීඩකයින් එක් උත්සාහක දිනුමක් පමණක් සාර්තක කර ගනිමින් ලකුණු 05ක් ලබා ගැනීමට සමත් වුනා.
- CR & FC තවමත් අපරාජිතයි; පොලිසියෙන් විශිෂ්ට නැගී සිටීමක්
- CR & FC නොනැවතී ඉදිරියට; මහනුවර නැවතත් සුපුරුදු රිද්මයට
- CR & FC ඉතිහාසගත ජයක් ලබමින් අපරාජිත ව ඉදිරියට
- CR & FC සහ මහනුවර අපරාජිත ගමනක; නාවික හමුදාව තවමත් ජයක් සොයයි
- මහනුවර, පොලිස්, CR&FC සහ Havelock ජයග්‍රාහීව තරගාවලිය අරඹයි
තරගයේ දෙවැනි අර්ධය තුළ රාජකීය විද්‍යාලය සිය ක්‍රීඩා රටාව තරමක් වෙනස් කිරීමට තීරණය කළ බව පෙනෙන්නට තිබුණා. තරගයේ පළමු අර්ධය තුළ ලබා ගත් ලකුණු 10ක වාසිය සිය ජයග්‍රහණයට හේතුවක් කර ගැනීමේ අරමුණින් යුතුව රාජකීය ක්‍රීඩකයින් තරමක් ආරක්ෂාකාරී සහ ත්‍රිත්ව ක්‍රීඩකයින්ව ලකුණු ලැබීමෙන් වලකාලන තරග රටාවක් දියත් කළ අතර, මේ නිසාම තරගයේ දෙවැනි අර්ධය තුළ එකදු ලකුණක් හෝ වාර්තා වුනේ නැහැ.
- රාජකීය විද්‍යාලය 15 (2T, 1C, 1P) – ත්‍රිත්ව විද්‍යාලය 05 (1T)
- තරගයේ වීරයා – අමික සමරසිංහ (රාජකීය විද්‍යාලය)
දේශීය පාසල් රග්බි පිටියේ සියලු උණුසුම් තතු විත්ති ඔබ වෙත සමීප කිරීමට ThePapare සූදානම්, රැඳී සිටින්න ශ්‍රී ලංකාවේ අංක එකේ ක්‍රීඩා නාලිකාව ThePapare සමඟින්.
>> තවත් රග්බි පුවත් සඳහා පිවිසෙන්න <<
 පල්ලෙකැලේ දී ක්‍රියාත්මක වුනා. ){kind=link}