ආසියානු වොලිබෝල් සංගමයේ පූර්ණ අනුදැනුම සහිතව ශ්‍රී ලංකා වොලිබෝල් සම්මේලනය හා Dialog 4G Home Broadband එක්ව පළමු වරට සංවිධානය කරන පිරිමි ආසියානු වොලිබෝල් අභියෝගතා කුසලාන තරගාවලියේ දෙවන දිනය අද (16) නිමා විය.
ශ්‍රී ලංකාව අද සිය දෙවැනි තරගය සඳහා මලයාසියාව සමඟින් තරග වැදුණු අතර තරග වට 3-0ක් ලෙස ජයග්‍රහණය වාර්තා කිරීමට ශ්‍රී ලංකා ක්‍රීඩකයින් සමත් විය. තරගාවලිය සුගතදාස ගෘහස්ථ ක්‍රීඩාංගණයේ දී පැවැත්වේ.
සත්කාරක ශ්‍රී ලංකාවෙන් ආගන්තුක හොංකොංට හොඳ පිළිගැනීමක්
ආසියානු වොලිබෝල් සංගමයේ පූර්ණ අනුදැනුම සහිතව ශ්‍රී ලංකා වොලිබෝල් සම්මේලනය හා Dialog 4G Home Broadband එක්ව පළමු වරට සංවිධානය කරන පිරිමි…
රටවල් අටක සහභාගීත්වයෙන් තරගාවලිය ඊයේ (15) ආරම්භ වූ අතර පළමු දිනයේ දී හොංකොං කණ්ඩායම වට 3-0ක් ලෙස පරාජය කරමින් ජයග්‍රහණය හිමිකර ගැනීමට ශ්‍රී ලංකා කණ්ඩායම සමත් විය.
මේ තරගය ශ්‍රී ලංකා කණ්ඩායමට ඉතා වැදගත් වූයේ මලයාසියාව ආසියානු ශ්‍රේණිගත කිරීම්වල ශ්‍රී ලංකාවට වඩා ඉදිරියෙන් සිටීම නිසාවෙනි.
පළමු වටය ආරම්භයේ දී ශ්‍රී ලංකා ක්‍රීඩකයින් පසුකළ මලයාසියානු ක්‍රීඩකයෝ ලකුණ 1-3ක් හා ලකුණු 3-5ක් ලෙස දෙවරක්ම ඉදිරියට ඇදුනත්, ශ්‍රී ලංකාවේ ප්‍රධානතම කෙටි පන්දු ප්‍රහාරකයෙකු වන වසන්ත ලක්මාල් ප්‍රමුඛ අනෙක් ප්‍රහාරයක ක්‍රීඩකයන් ඔවුන්ට වැඩි වේලාවක් පෙරමුණේ සිටීමට ඉඩ ලබා දුන්නේ නැත.
ජනිත සුරත්ගේ පන්දු පිරිනැමීම් ඉතා හොඳ මට්ටමක තිබුණු අතර මලයාසියාව පන්දුව ලබා ගැනීමේ දී දිගින් දිගටම අතපසුවීම් සිදු කරනු දක්නට ලැබුණි. එහි ප්‍රතිඵලයක් ලෙස කෙමෙන් කෙමෙන් ලකුණු 20-13ක්, 22-14ක් ලෙස ඉදිරියට යමින් ලකුණු 25-16ක් ලෙස පළමු වටය ජය ගැනීමට ශ්‍රී ලංකා කණ්ඩායම සමත් විය.
දෙවන වටයේ පළමු පන්දු පිරිනැමීම මලයාසියාවට භාර වූ අතර ශ්‍රී ලංකා පන්දු ඔසවන්නන් විසින් පන්දුව ඔසවා දීමෙන් අනතුරුව ගුවනට නැගුණු දීප්ති රොමේෂ් දෙවන වටයේ පළමු ලකුණ වාර්තා කළේ දර්ශනීය කෙටි පන්දු ප්‍රහාරයකින්.
පෙර වටයේ මෙන් නොවී ශ්‍රී ලංකා ක්‍රීඩකයෝ මුල සිටම දැඩි ප්‍රහාරයක් එල්ල කරමින් ලකුණු 5-2ක්, 7-3ක් සහ 9-3ක් ලෙස ඉදිරියට ඇදුණේ විශිෂ්ට කෙටි පන්දු ප්‍රහාරයන් හා පිරිනැමීම් සමඟිනි.
>> තරග සියල්ල සජිවීව නරඹන්න මෙතින් පිවිසෙන්න <<
මැලේසියානු ක්‍රීඩකයින් ලකුණු 10-4 සිට කෙමෙන් කෙමෙන් ලකුණු 11-8ක් දක්වා ඉදිරියට පැමිණි අතර මේ තරග වටයේ දී මැලේසියානු පන්දු පිරිනමන්නන් වේගවත් පන්දු පිරිනැමීම එල්ල කරනු දක්නට ලැබුණි.
වරින්වර මැලේසියානු ක්‍රීඩකයින් තරගයට පිවිසෙන බව පෙනෙන්නට තිබුණ ද ඔවුන් ලකුණක් දෙකක් ලබා ගන්නා විට ඔවුන්ගේ ලකුණු ලබා ගැනීම බිඳ දමන්නට ශ්‍රී ලංකා ක්‍රීඩකයෝ සමත් වූහ. (18-12)
ශ්‍රී ලංකා කණ්ඩායමට වටය ජය ගන්නට ලකුණු හතරක් පමණක් ඉතිරිව තිබිය දී මැලේසියාව ද ප්‍රබල සටනකට අවතීර්ණ වූ නමුත් සිය අත්දැකීම් මනා ලෙස භාවිතා කර වේගවත් පන්දු ප්‍රහාර හා වේගවත් පිරිනැමීම් මගින් ලකුණු 25-18ක් ලෙස දෙවන වටය ද ජය ගන්නට ශ්‍රී ලංකා ක්‍රීඩකයෝ සමත් වූහ.
වොලිබෝල් පුහුණුකරුගේ නොසතුට සාධාරණ ද?
පළමුවැනි වතාවට පවත්වනු ලබන ආසියානු පිරිමි වොලිබෝල් අභියෝගතා කුසලාන තරගාවලියේ දී සත්කාරක ශ්‍රී ලංකාව සහභාගී වූ පළමු තරගය ඊයේ (15) හොංකොං දේශයත් සමඟින් පැවැත්විය.
තෙවන හා අවසන් වටය ආරම්භයේ දී ද පළමු වටයේ ආරම්භයේ දී මෙන්ම ලකුණු 5-4ක් ලෙස මලයාසියානු ක්‍රීඩකයින් කරට කර සටනක් පිවිසුණු නමුත් කෙමෙන් කෙමෙන් මලයාසියානු කණ්ඩායම පසුකරමින් 10-6ක්, 13-9ක් ලෙස ඉදිරියට ඇදෙන්නේට ශ්‍රී ලංකාව සමත් විය.
ශ්‍රී ලංකා ක්‍රීඩකයින්ගේ උස මලයාසියානු ක්‍රීඩකයින්ට ප්‍රබල ගැටලුවක් වූ අතර ශ්‍රී ලංකාවේ ආවරණ හා කෙටි පන්දු ප්‍රහාර වැළැක්වීමට ඔවුන්ට මහත් පරිශ්‍රමයක් දැරීමට සිදු විය.
කෙමෙන් කෙමෙන් මැලේසියානු ක්‍රීඩකයින් ශ්‍රී ලංකා ක්‍රීඩකයින්ට ප්‍රබල අභියෝගයක් එල්ල කළේ ලකුණු 21-19ක් ලෙස ඉතා ආසන්නයට පැමිණෙමිනි.
ශ්‍රී ලංකා පුහුණුකරු ක්ෂණිකව තාක්ෂණික කෙටි විවේකයක් ගනිමින් මලයාසියානු ආක්‍රමණය නැවැත්වූ නමුත් මලයාසියානු ක්‍රීඩකයෝ 23-21ක් ලෙස ශ්‍රී ලංකාව පසුපසින්ම සිටියහ.
මලයාසියාව ඉතා ප්‍රබල සටනක් දුන් නමුත් 25-23ක් ලෙස තෙවන වටය ද ජය ගත් ශ්‍රී ලංකා කණ්ඩායම තරගයේ ජය හිමිකර ගැනීමට සමත් විය.
ලකුණු සාරාංශය,
- පළමු වටය ශ්‍රී ලංකාව 25 – 16 මලයාසියාව
- දෙවන වටය ශ්‍රී ලංකාව 25 – 18 මලයාසියාව
- තෙවැනි වටය දෙවන වටය ශ්‍රී ලංකාව 25 – 23 මලයාසියාව
අද දිනයේ උදෑසන පළමු තරගය ලෙස එක්සත් අරාබි එමීර් දේශය හා බංගලාදේශය තරග වැදුණු අතර බංගලාදේශ ක්‍රීඩකයින් වට 3-0ක් ලෙස තරගාවලියේ පළමු ජය වාර්තා කිරීමට සමත් විය. තරගයේ ලකුණු සටහන දැක්වුණේ 22-25ක්, 16-25ක් හා 18-25ක් ලෙසය.
දිනයේ දෙවන තරගයේ දී ප්‍රබල ඉරාකය හමුවේ මොන්ගෝලියාව වට 3-0ක් ලෙස පරාජය විය. වට තුනේ ලකුණු සටහන දැක්වුණේ 14-25ක්, 20-25ක් හා 19-25ක් ලෙසයි.
දිනයේ අවසන් තරගය, පෙර තරග ත්‍රිත්වයටම වඩා තරගකාරී වූ අතර සවුදි අරාබිය හමුවේ වට 3-1ක් ලෙස හොංකොං පරාජයට පත් විය. එම තරගයේ ලකුණු සටහන දැක්වුණේ 18-25ක්, 25-22ක්, 22-25ක් හා 15-25ක් ලෙසයි.
>> තවත් වොලිබෝල් පුවත් සඳහා පිවිසෙන්න – වොලිබෝල් පිටුවට <<
