விறுவிறுப்பான போட்டியில் கடற்படையை வீழ்த்திய இராணுவம்

4

முதற்தர கழக றக்பி அணிகளுக்கு இடையிலான டயலொக் கழக றக்பி லீக் தொடரின் 10வது வாரத்துக்கான போட்டிகள் நேற்று முன்தினத்துடன் (19) நிறைவுக்கு வந்தன. தொடரின் இரண்டாவது கட்டத்துக்கான இந்த வார போட்டிகளில், CH&FC, கண்டி விளையாட்டுக் கழகம், ஹெவ்லொக் விளையாட்டுக் கழகம் மற்றும் இராணுவப்படை விளையாட்டுக் கழகம் என்பன தங்களுடைய வெற்றிகளை பதிவு செய்துள்ளன.

சொந்த மைதானத்தில் இராணுவப் படையிடம் வீழ்ந்த கண்டி அணி

முதற்தர கழக றக்பி அணிகளுக்கு இடையிலான ..

CH&FC எதிர் விமானப்படை SC

CH&FC மற்றும் விமானப்படை அணிகளுக்கு இடையில் கடந்த 18ம் திகதி நடைபெற்ற போட்டியில், 29-22 என்ற புள்ளிகள் கணக்கில் CH&FC அணி வெற்றிபெற்றது.

போட்டியின் ஆரம்பத்தை பொருத்தவரை, விமானப்படை அணி முன்னேற்றம் கண்டது. முதற்பாதியில் 17-14 என்ற புள்ளிகள் கணக்கில் முன்னிலை வகித்த விமானப்படை அணி, இரண்டாவது பாதியின் சறுக்கலினால் தோல்வியை கண்டது. இரண்டாவது பாதியில் விமானப்படை அணிக்கு சவாலைக் கொடுத்த CH&FC அணி, 15 புள்ளிகளை மேலதிகமாக பெற்று, அபார வெற்றியினை பெற்றுக் கொண்டது.

முடிவு – CH&FC 29-22 விமானப்படை SC

கண்டி SC எதிர் பொலிஸ் SC

கொழும்பு பொலிஸ் பார்க் விளையாட்டு அரங்கில் நடைபெற்ற கண்டி மற்றும் பொலிஸ் அணிகளுக்கு இடையிலான போட்டியில், கண்டி அணி, 27-20 என்ற  புள்ளிகள் வித்தியாசத்தில் வெற்றிப் பெற்றது.  

முதற்பாதியில் சிறப்பாக ஆடிய கண்டி அணி 24-10 என்ற மிகப்பெரிய முன்னிலையைப் பெற்ற நிலையில், தங்களுடைய வெற்றியை எளிதாக்கிக்கொண்டது. எனினும், இரண்டாவது பாதியில் கண்டி அணியால் 3 புள்ளிகளை மாத்திரம் பெறமுடிந்ததுடன், பொலிஸ் அணி, மேலதிகமாக 10 புள்ளிகளை பெற்றும், 7 புள்ளிகள் வித்தியாசத்தில் தோல்வியடைந்தது.

முடிவுகண்டி SC 27-22 பொலிஸ் SC

அபார வெற்றிகளுடன் வருடத்தை ஆரம்பித்துள்ள கண்டி, ஹெவ்லொக் அணிகள்

இலங்கையில் உள்ள முதற்தர றக்பி அணிகளுக்கு..

கடற்படை SC எதிர் இராணுவப்படை SC

கடற்படை மற்றும் இராணுவப்படை அணிகளுக்கு இடையில் வெலிசறை மைதானத்தில் நடைபெற்ற விறுவிறுப்பான போட்டியில், 27-25 என்ற புள்ளிகள் கணக்கில் இராணுவப்படை அணி வெற்றிபெற்றது.

போட்டியின் முதற்பாதியில் 17-14 என்ற மூன்று புள்ளிகள் முன்னிலையில், கடற்படை அணி தங்களுடைய சொந்த மைதானத்தில் முன்னிலை வகித்த போதும், இரண்டாவது பாதியில் சிறப்பாக ஆடிய இராணுவப்படை அணி, போட்டியை 27-25 என நிறைவு செய்து 2 புள்ளிகள் வித்தியாசத்தில் த்ரில் வெற்றிபெற்றது.

இது இராணுவப்படை அணி அடுத்தடுத்து தொடர்ச்சியாகப் பெற்ற மூன்றாவது வெற்றியாகும். ஏற்கனவே, இவர்கள் தொடர்ந்து 2 வருடங்களாக தோல்வியை சந்திக்காத கண்டி விளையாட்டுக் கழகத்தையும் வீழ்த்தியிருந்தமை குறிப்பிடத்தக்கது.  

முடிவுகடற்படை SC 25-27 இராணுவப்படை SC

ஹெவ்லொக் SC எதிர் CR&FC

தங்களுடைய சொந்த மைதானத்தில், CR&FC அணியை எதிர்கொண்ட ஹெவ்லொக் அணி, 31-24 என்ற புள்ளிகள் கணக்கில் வெற்றிபெற்றது.

போட்டியின் முதற்பாதியில் இருந்து ஆதிக்கம் செலுத்திய ஹெவ்லொக் அணி, 2 ட்ரைகள் மற்றும் 2 கன்வேர்சன்கள் ஊடாக 14 புள்ளிகளை பெற, CR&FC அணி, ஒரு ட்ரை மற்றும் ஒரு கன்வேர்சன்கள் ஊடாக 7 புள்ளிகளை பெற்றது. தொடர்ந்து இரண்டாவது பாதியில் ஹெவ்லொக் அணி மேலதிகமாக 3 ட்ரைகள் மற்றும் 1 கன்வேர்சன்கள் அடங்கலாக 31 புள்ளிகளை குவிக்க, CR&FC அணி மொத்தமாக 24 புள்ளிகளை பெற்று தோல்வியடைந்தது.

முடிவுஹெவ்லொக் SC 31-24 CR&FC

>> மேலும் பல சுவையான செய்திsகளைப் படிக்க <<