2018 ආසියානු ක්‍රීඩා උළෙල සහ ශ්‍රී ලංකාව

174
2018 Asian Games

නිමා වූ ආසියානු ක්‍රීඩා උළෙලේ දී ශ්‍රී ලංකාව පදක්කම් කිහිපයක් ජය ගනීවි යැයි බොහෝ ක්‍රීඩාලෝලීන් බලාපොරොත්තු තබා සිටිය ද එකදු පදක්කමක් හෝ දිනා ගැනීමට ශ්‍රී ලංකාවට නොහැකි විය. ඒ අනුව නිමා වූ 18 වැනි ආසියානු ක්‍රීඩා උළෙල ශ්‍රී ලංකාවට ඉතා ඛේදනීය ඉරණමක් අත්කර දුන් අතර ඒ පිළිබඳ සිදුකරන පසුවිමරමකි මේ.

නූලෙන් පදක්කමක් අහිමි වේ

ඉන්දුනීසියාවේ ජකර්තා හි පැවැත්වෙන 18 වන ආසියානු ක්‍රීඩා උළෙලේ 12 වන දිනයේ…

18 වැනි ආසියානු ක්‍රීඩා උළෙල

18 වැනි ආසියානු ක්‍රීඩා උළෙල අගෝස්තු 18 සිට සැප්තැම්බර් 2 දක්වා ඉන්දුනීසියාවේ ජකාර්තා සහ පැලම්බන්ග් නගර දෙකෙහි ඉතා සාර්ථකව පැවැත්විය. නගර දෙකක දී ආසියානු ක්‍රීඩා උළෙලක් පැවැත්වූ පළමුවැනි අවස්ථාව ද මෙය වේ.

නොකඩවා 10 වැනි වතාවටත් ආසියානු ක්‍රීඩා උළෙලේ පදක්කම් සටහනේ පෙරමුණ ගැනීමට චීනය සමත් විය. ඒ රන් පදක්කම් 132ක් හිමිකර ගනිමිනි. ජපානය සහ දකුණු කොරියාව පිළිවෙළින් දෙවැනි සහ තුන්වැනි ස්ථාන හිමිකර ගන්නා ලදි.

“මෙවර ආසියානු ක්‍රීඩා උළෙලේ පදක්කම් සටහනේ මුල් ස්ථාන 10 හිමිකරගත් රටවල්”

මෙවර ආසියානු ක්‍රීඩා උළෙලේ දී ක්‍රීඩා 42ක් යටතේ තරග ඉසව් 484ක් පැවැත්විය. එම තරග ඉසව් සඳහා රටවල් 45ක් නියෝජනය කරමින් සහභාගී වූ ක්‍රීඩක ක්‍රීඩිකාවන්ගේ සංඛ්‍යාව 11,646කි. එම ක්‍රීඩක ක්‍රීඩිකාවන් සඳහා හෙක්ටයාර 10ක අති විශාල භූමි ප්‍රමාණයක ක්‍රීඩා ගම්මානයක් ඉදිකිරීමට ද ඉන්දුනීසියාව කටයුතු කර තිබුණි.

මෙවර ආසියානු ක්‍රීඩා උළෙලේ දී ලෝක වාර්තා 6ක්, ආසියානු වාර්තා 18ක් සහ ආසියානු ක්‍රීඩා උළෙලේ වාර්තා 86ක් බිඳ හෙළනු ලැබීය. තරගාවලියේ වටිනාම ක්‍රීඩකයාට/ක්‍රීඩිකාවට හිමි සම්මානය හිමිකර ගනු ලැබුවේ, මෙවර ක්‍රීඩා උළෙලේ දී රන් පදක්කම් 6ක් දිනාගත්, (එක් ආසියානු ක්‍රීඩා උළෙලක දී තනි ක්‍රීඩකයෙක් හෝ ක්‍රීඩිකාවක් විසින් ජයග්‍රහණය කරන ලද වැඩිම රන් පදක්කම් සංඛ්‍යාව මෙය වේ.) ජපානයේ පිහිනුම් ශූරී රිකකෝ අයිකී විසිනි.

රටවල් 9ක් කිසිදු පදක්කමක් ජයග්‍රහණය කර නොමැත.

(en.asiangames2018.id)

මෙවර ආසියානු ක්‍රීඩා උළෙලේ නිල වෙබ් අඩවියෙහි පළවූ ලිපියක මුල් ඡේදය ඉහත දැක්වේ. ඒ අනුව ශ්‍රී ලංකාව ද ඇතුළු මෙවර ආසියානු ක්‍රීඩා උළෙලේ දී කිසිදු පදක්කමක් ජයග්‍රහණය නොකළ රටවල් 9 එහි දැක්වේ. එම රටවල් 9 අතරින් ද වැඩිම ක්‍රීඩක ක්‍රීඩිකාවන් සංඛ්‍යාවක් ආසියානු ක්‍රීඩා උළෙලට ඉදිරිපත් කළ රට වූයේ ද ශ්‍රී ලංකාවයි.

ඒ අනුව කිසිදු පදක්කමක් දිනා ගැනීමට ශ්‍රී ලංකාවට නොහැකි වූවද අප රටේ නම මේ ආකාරයෙන් හෝ එම නිල වෙබ් අඩවියෙහි සඳහන් වීම පිළිබඳව ශ්‍රී ලංකාවේ බලධාරීන් සතුටු වනු ඇත.  

වොලිබෝල් හා හොකී ක්‍රීඩකයින් පෙරළිකාර ජයග්‍රහණ වාර්තා කරයි

ඉන්දුනීසියාවේ පැවැත්වෙන 18 වන ආසියානු ක්‍රීඩා උළෙලේ අටවැනි දිනය වූ ඊයේ (26) දිනයේත්…

මෙවර ආසියානු උළෙලට සහභාගී වූ ශ්‍රී ලංකා කණ්ඩායම

“හංසනී ගෝමස්”

මෙවර ආසියානු උළෙල සඳහා ක්‍රීඩක ක්‍රීඩිකාවන් 172ක්, නිලධාරීන් සහ පුහුණුකරුවන් 60 දෙනෙකුගේ කණ්ඩායමක් ශ්‍රී ලංකාවෙන් ඉන්දුනීසියාව බලා පිටත්ව ගියහ. එතෙක් මෙතෙක් ඉතිහාසයේ ආසියානු උළෙලක් සඳහා ශ්‍රී ලංකාවෙන් සහභාගී වූ වැඩිම ක්‍රීඩක සංඛ්‍යාවක් සහභාගී වූයේ මෙවර වීම ද විශේෂයකි.

සමාරම්භක උළෙලේ දී ශ්‍රී ලංකා ධජය ගෙනයා මේ භාග්‍යය හිමි වූයේ බර ඉසිලීමේ ක්‍රීඩිකා හංසනී ගෝමස්ටයි.

යම් තරමකින් හෝ දක්ෂතා දැක්වූ ක්රීඩා ඉසව්

මෙවර ක්‍රීඩා උළෙලේ දී ශ්‍රී ලංකාවේ ක්‍රීඩක ක්‍රීඩිකාවන්ට පදක්කමක් ජයග්‍රහණය කිරීමට නොහැකි වූවද, අපගේ ක්‍රීඩක ක්‍රීඩිකාවන් යම් තරමක හෝ දක්ෂතා පෙන්වූ ක්‍රීඩා ඉසව් කිහිපයක් ද තිබේ.

ඉන් ප්‍රධානතම ක්‍රීඩා ඉසව්ව වන්නේ පිරිමි සත් සාමාජික රග්බි ය. ක්‍රීඩා උළෙලේ අවසාන දිනය දක්වාම ශ්‍රී ලංකාවේ පදක්කම් බලාපොරොත්තු ඉතිරි කළ ක්‍රීඩා ඉසව්ව වන්නේ පිරිමි සත් සාමාජික රග්බි ය. එහි දී අවසන් පූර්ව වටයේ දී ආසියාවේ ප්‍රබලයන් වන ජපානයට ප්‍රබල අභියෝගයක් එල්ල කිරීමට ශ්‍රී ලංකාවට හැකි වූවත් ලෝකඩ පදක්කම සඳහා පැවති තරගයේ දී දකුණු කොරියාව හමුවේ පරාජය වීමට සිදු විය. (පසුගිය 2014 වසරේ දී ද මෙම ඉසව්වේ ලෝකඩ පදක්කම සඳහා පැවති තරගයෙන් ශ්‍රී ලංකාව දකුණු කොරියාවට පරාජය විය.)

පිරිමි මීටර් 400 සහය දිවීමේ කණ්ඩායම ද ඔවුන්ගේ උපරිමය ලබා දුන් අතර ඔවුන්ට ලෝකඩ පදක්කම අහිමි වූයේ ඉතා කුඩා කාල පරාසයකිනි.

මැතිව් අබේසිංහ විසින් පිරිමි මීටර් 100 නිදහස් ආර පිහිනුම් අවසාන තරගයට සුදුසුකම් ලබාගෙන එහි 6 වැනි ස්ථානය දිනා ගත්තේය. ශ්‍රී ලංකා පිරිමි හොකී කණ්ඩායමට ද සැලකිය යුතු ජයග්‍රහණ දෙකක් ලබා ගැනීමට හැකි විය.

එයට අමතරව පිරිමි වොලිබෝල්, කාන්තා කබඩි, පිරිමි යුගල බැඩ්මින්ටන්, කාන්තා ටයිකොන්ඩෝ (කිලෝ ග්‍රෑම් 49), පිරිමි වූෂු (කිලෝ ග්‍රෑම් 60) යන ඉසව්වලින් ද යම් දක්ෂතා දැක්වීමට අපගේ ක්‍රීඩක ක්‍රීඩිකාවන්ට හැකි විය.

ආසියානු පරාජය හමුවේ කබඩි සභාපති ඉල්ලා අස්වෙයි

ආසියානු ක්‍රීඩා උළෙලේ දී ශ්‍රී ලංකා කබඩි කණ්ඩායම් ලද පරාජය හේතුවෙන් ශ්‍රී ලංකා..

පෙර එසේ නොවීය

ඉහත රූප සටහන්වල දැක්වෙන්නේ 1951 වසරේ සිට (ආසියානු ක්‍රීඩා උළෙල ආරම්භ වූයේ 1951 වසරේ දී ය.) 2010 වසර දක්වා ආසියානු ක්‍රීඩා උළෙලේ දී ශ්‍රී ලංකාව දක්වා තිබෙන දක්ෂතාය. ඒ අනුව විවිධ නැගීම් සහ බැසීම් ද මධ්‍යයේ ශ්‍රී ලංකාවේ දක්ෂතා ක්‍රමයෙන් වර්ධනය වී ඇති බවක් පෙනේ.

1998, 2002 ආසියානු ක්‍රීඩා උළෙල දෙකෙහි දී ශ්‍රී ලංකාව උපරිම මට්ටමට පැමිණ ඇති බව පෙනුනත්, ඉන්පසු මේ දක්වා ක්‍රමයෙන් දක්ෂතා අඩුවීමක් පැහැදිලිවම පෙන්නුම් කෙරේ. 2014 වසරේ ආසියානු ක්‍රීඩා උළෙලේ දී ශ්‍රී ලංකාව රන් පදක්කමක් සහ ලෝකඩ පදක්කමක් ලබා ගත්ත ද එම පදක්කම් ද්විත්වයම අප රට ජයග්‍රහණය කරන ලද්දේ ක්‍රිකට් ක්‍රීඩාවෙනි.

එදා සුගත් තිලකරත්න, සුසන්තිකා ජයසිංහ, දමයන්ති දර්ශා වැනි ක්‍රීඩක ක්‍රීඩිකාවන් ආසියාව ජයගෙන රන් පදක්කම් අප රටට රැගෙන ආව ද වර්තමානයේ එවැනි ජයග්‍රහණ ශ්‍රී ලංකාවට නොලැබීම කනගාටුවට කරුණකි.

වරද කොතැන ද?

වර්තමානයේ ලෝකයේ බොහෝ රටවල් ඔවුන්ගේ රටේ ක්‍රීඩාව දියුණු කිරීම සඳහා බොහෝ දෑ සිදුකරමින් පවතී. හොඳ තරගාවලි සංවිධානය කරමින්, ක්‍රීඩක ක්‍රීඩිකාවන්ට ප්‍රතිලාභ ලබා දී, ක්‍රීඩාංගණ ඇතුළු අනෙකුත් පහසුකම් වැඩිදියුණු කරමින්, වඩාත් හොඳ පුහුණුකරුවන්ගේ සේවය ලබා ගනිමින්, රටේ ජනතාව එම තරගාවලි නැරඹීම සඳහා උනන්දු කිරීමට විවිධ ආකර්ෂණීය වැඩපිළිවෙළ සකසමින්, එම තරගාවලි විකාශය කරමින්, හොඳ අනුග්‍රාහකයන් සොයා ගනිමින් අති විශාල කාර්ය භාර්යයක් ලෝකයේ බොහෝ රටවල් විසින් සිදු කරමින් පවතී.

නමුත් අප රටේ? ලෝකය ඉදිරියට ගමන් කරන විට අප ගමන් කරන්නේ පිටුපසටය. අතීතයට ය. ගල් යුගයට ය.

එමගින් අප රටෙහි ක්‍රීඩාව වර්ධනය වීමක් සිදුනොවන අතර දිනෙන් දින ක්‍රීඩාව කඩා වැටෙන බව පමණක් මෙවැනි පදක්කම් රහිත ක්‍රීඩා උළෙල මඟින් පැහැදිලිවම ප්‍රත්‍යක්ෂ වන කරුණක් වේ.

>> තවත් පුවත් සඳහා පිවිසෙන්න – මුල් පිටුවට <<