2018 ජාතික හා ජාතික කනිෂ්ඨ පිහිනුම් ශූරතාවලියේ දෙවන දිනය අද (2) අවසන් වූ අතර වත්මන් ශූරයින් වන Killer Whale ක්‍රීඩා සමාජය හා 2017 අනුශූරයින් වූ කොළඹ විශාඛා විද්‍යාලය මේ වසරේදීත් ජාතික ශූරතා දිනා ගැනීමට තවත් පියවරක් ළං වීම විශේෂත්වයක්.
කවින්ද්‍ර හා කයිල් පළමු දිනයේම රන් පදක්කම් දිනයි
2018 ජාතික හා ජාතික කනිෂ්ඨ පිහිනුම් ශූරතාවලිය ඊයේ (1) කොළඹ සුගතදාස ගෘහස්ථ ක්‍රීඩාංගණයේ දී ආරම්භ විය. තියුණු ඉසව් 11කට පසු වත්මන් පිරිමි කාණ්ඩයේ…
වසරේ අවසන් පිහිනුම් තරගාවලිය වන මෙම තරගාවලිය ඊයේ (01) සුගතදාස ගෘහස්ථ පිහිනුම් තටාකාංගනයේ දී ආරම්භ වූ අතර ක්‍රීඩා සමාජ හා පාසල් නියෝජනය කරමින් ක්‍රීඩක ක්‍රීඩිකාවන් 3000ක් පමණ තරගාවලියට එක්වී තිබේ.
වත්මන් පිරිමි ශූරයින් වන Killer Whale පිහිනුම් ක්‍රීඩා සමාජය පළමු දිනයේ දී රන් පදක්කම් දෙකක් හා රිදී පදක්කම් දෙකක් දිනා ගනිමින් ලකුණු සටහනේ පෙරමුණ ගත් අතර කයිල් අබේසිංහ Killer Whale ක්‍රීඩා සමාජය වෙනුවෙන් රන් පදක්කමක් දිනා ගැනීමට සමත් විය. යොවුන් ක්‍රීඩක අබේසිංහ දෙවන දිනයේ දී තවත් ඉසව් දෙකක් ජය ගත් අතර ඒ සමඟින් Killer Whale ක්‍රීඩා සමාජය ආනන්ද විද්‍යාලය පසුකර යන්නට සමත් විය.
පිරිමි මීටර 200 නිදහස් ආර ඉසව්ව මිනිත්තු 1:57.31කින් නිමා කරමින් කයිල් දෙවන දිනයේ සිය පළමු පදක්කම දිනා ගත් අතර ඔහුගේම ක්‍රීඩා සමාජයේ කවින්ද්‍ර නුගවෙල 1:58.08කින් ඉසව්ව නිමා කරමින් දෙවන ස්ථානය දිනා ගැනීමට සමත් විය.
පිරිමි මීටර 400 කේවල මෙඩ්ලි ඉසව්ව Killer Whale ක්‍රීඩා සමාජය සම්පූර්ණයෙන් සිය ග්‍රහණයට ගත් අතර කයිල් අබේසිංහ (4:59.33) පළමු ස්ථානයත්, අරුක්ශාන් පාවලචන්ද්‍රන් දෙවන ස්ථානයත් (5:02.66,) අම්ජාඩ් හසන් (5:04.50) තෙවන ස්ථානයත් දිනා ගන්නා ලදි.
Killer Whale ක්‍රීඩා සමාජය මනෝජ් අබේසිංහ මහතා විසින් මෙහෙයවන අතර එම ක්‍රීඩා සමාජය පිරිමි සහය පිහිනුම් ඉසව් සම්පූර්ණයෙන්ම සිය ග්‍රහණයට ගත්තේ මීටර 800 නිදහස් ආර හා මීටර 200 නිදහස් ආර ඉසව් ජය ගනිමිනි.
8:26.69කින් පිරිමි මීටර 800 නිදහස් ආර ඉසව්ව නිමා කරමින් ඔවුන් එම ඉසව්වේ රන් පදක්කම දිනා ගත් අතර ඔවුන් හමුවේ ආනන්ද විද්‍යාලයීය කණ්ඩායම (8:27.04) දෙවන ස්ථානයට පත් විය. තෙවන ස්ථානය 8:38.52කින් ඉසව්ව නිමා කළ සාන්ත ජෝසප් විද්‍යාලය විසින් දිනා ගන්නා ලදි.
පිරිමි මීටර 200 නිදහස් ආර සහය දිවීමේ ඉසව්වෙන් ද ජය හිමි කර ගැනීමට Killer Whale ක්‍රීඩා සමාජය සමත් වූ අතර ඔවුන් එම ඉසව්ව ජය ගත්තේ 1:41.00ක කාලයකිනි. දෙවන ස්ථානය 1:42.88කින් නිමා කළ කොළඹ ගේට්වේ ජාත්‍යන්තර පාසලට හිමි විය.
මැතිව් ශ්‍රී ලංකා පිහිනුම් ඉතිහාසය අලුත් කරයි
ශ්‍රී ලංකා පිහිනුම් ඉතිහාසයේ නව පිටුවක් පෙරළමින් පළමු වරට ආසියානු ක්‍රීඩා උළෙලක පිහිනුම් අවසන් තරගයක් සඳහා සුදුසුකම් ලබා ගන්නට මැතිව් අබේසිංහ සමත් වුනා.
දෙවන දිනය අවසන් වෙද්දී Killer Whale ක්‍රීඩා සමාජය පිරිමි අංශයේ ලකුණු 147ක් සමඟින් පෙරමුණේ සිටින අතර ආනන්ද විද්‍යාලය ලකුණු 67ක් සමඟින් දෙවන ස්ථානයේ ද, කොළඹ ගේට්වේ ජාත්‍යන්තර පාසල ලකුණු 51ක් සමඟින් තෙවන ස්ථානයේ ද රැඳී සිටියි.
2017 කාන්තා අනුශූරයින් වූ විශාඛා විද්‍යාලය සාර්ථක දින දෙකක් අවසානයේ ප්‍රසාද ලකුණු 124ක් සමඟින් කාන්තා අංශයේ පෙරමුණේ රැඳී සිටියි. 20 වතාවක් සමස්ත ලංකා පාසල් ශූරියන් වූ මහනුවර මහමායා විද්‍යාලය ලකුණු 65ක් සමඟින් දෙවන ස්ථානයේ ද, වත්තල ලයිසියම් ජාත්‍යන්තර පාසල ලකුණු 52ක් සමඟින් තෙවන ස්ථානයේ ද පසුවේ.
විශාඛා විද්‍යාලය කාන්තා මීටර 200 නිදහස් ආර සහය පිහිනුම් ඉසව්ව 1:56.62කින් නිමා කරමින් එම ඉසව්වේ රන් පදක්කම දිනා ගත් අතර දෙවන ස්ථානය මහමායා විද්‍යාලයටත් (2:03.50), තෙවන ස්ථානය මියුසියස් විද්‍යාලයටත් (2:04.22) හිමි විය.
මීටර 50 පසුපස ආර ඉසව්වෙන් විශාඛා විද්‍යාලයේ ගංගා සෙනෙවිරත්න රිදී පදක්කම දක්වා ඇද දැමීමට විනොලි කළුආරච්චි සමත් වීම විශේෂත්වයකි. විනොලි 31.97කින් ඉසව්ව නිමා කරමින් රන් පදක්කම දිනා ගත් අතර ගංගා 32.51කින් ඉසව්ව නිමා කරමින් දෙවන ස්ථානය දිනා ගන්නා ලදි.
2018 කනිෂ්ඨ ජාතික වයස් කාණ්ඩ ශූරයෙකු වූ නාලන්දා විද්‍යාලයේ අමෝද්‍ය දුල්ශාන් සිය පළමු ඉසව් දෙකෙන් රන් පදක්කමක් හා රිදී පදක්කමක් දිනා ගැනීමට සමත් විය. පිරිමි වයස අවුරුදු 15න් පහළ මීටර 400 කේවල මෙඩ්ලි ඉසව්ව 5:19.37කින් නිමා කරමින් ඔහු එම ඉසව්වේ රන් පදක්කම දිනා ගත් අතර මීටර 50 පසුපස ආර ඉසව්ව 29.98 නිමා කරමින් ඔහු එම ඉසව්වේ රිදී පදක්කම දිනා ගන්නා ලදි. මීටර 50 පසුපස ආර ඉසව්වේ රන් පදක්කම ද මැසනොද් විද්‍යාලයේ ආදිත්‍ය පෙරේරා (29.55) දිනා ගන්නා ලදි.
නාලන්දා විද්‍යාලයීය කණ්ඩායම මීටර 400 නිදහස් ආර ඉසව්ව 4:07.73කින් නිමා කරමින් රන් පදක්කම දිනා ගත් අතර සාන්ත පීතර විද්‍යාලය (4:10.24) දෙවන ස්ථානයත්, ආනන්ද විද්‍යාලය (4:18.98) තෙවන ස්ථානයත් දිනා ගන්නා ලදි.
විසාකා සහ සාන්ත ජෝසප් විදුහල් පිහිනුම් ශූරතා දිනයි
නොබෝදා අවසන් වූ 44 වන ජාතික වයස් කාණ්ඩ පිහිනුම් ශූරතාවලියේ ශුරතා දිනා ගැනීමට විසාකා විද්‍යාලය හා සාන්ත ජෝසප් විද්‍යාලය සමත් විය. තරගාවලිය සුගතදාස…
නාලන්දා විද්‍යාලයේ කනිෂ්ඨ ක්‍රීඩකයෝ දෙවන දිනය අවසානයේ පිරිමි කණ්ඩායම් ශ්‍රේණිගත කිරීම්වල පළමු ස්ථානයට පත් වුණේ ප්‍රසාද ලකුණු 77ක් සමඟිනි. සාන්ත ජෝසප් විද්‍යාලය (66.5) දෙවන ස්ථානයේත්, ආනන්ද විද්‍යාලය (46) තෙවන ස්ථානයේ ද රැඳී සිටියි.
වත්තල ලයිසියම් ජාත්‍යන්තර පාසල කාන්තා කණ්ඩායම් අංශයේ පළමු ස්ථානයේ (81) රැඳී සිටින අතර සිරිමාවෝ බණ්ඩාරනායක විද්‍යාලය (70) දෙවැනි ස්ථානයේත්, සාන්ත බ්‍රිජට්ස් කන්‍යාරාමය තෙවන ස්ථානයේත් (56), විශාකා විද්‍යාලය ලකුණු 50 ක් සමඟින් සිව්වැනි ස්ථානයේත් රැඳී සිටියි.
තරගාවලියේ තවත් තොරතුරු සඳහා රැඳී සිටින්න ThePapare.com සමඟින්.
>> තවත් පුවත් සඳහා පිවිසෙන්න – මුල් පිටුවට <<
 අවසන් වූ අතර වත්මන් ශූරයින් වන Killer Whale ක්‍රීඩා සමාජය හා 2017 අනුශූරයින් වූ කොළඹ විශාඛා විද්‍යාලය මේ වසරේදීත් ජාතික ශූරතා දිනා ගැනීමට තවත් පියවරක් ළං වීම විශේෂත්වයක්.){kind=link}