නිපුන් ඇතුළු සාන්ත ජෝසප් වාස් ක්‍රීඩකයෝ සහිරාවරුන්ව හඬවති

92

වයස අවුරුදු 19න් පහළ පළමු පෙළ දෙදින පාසල් ක්‍රිකට් තරගාවලියේ තවත් එක් තරගයක් වෙන්නප්පුව සාන්ත ජෝසප් වාස් විද්‍යාලය හා මරදාන සහිරා විද්‍යාලය අතර ඊයේ සහ අද (6) පැවැත්විය. එම තරගයෙන් කඩුලු 8ක විශිෂ්ට ජයක් ලබා ගැනීමට සාන්ත ජෝසප් වාස් විද්‍යාලය සමත් විය. 

මේ තරගාවලිය සිංගර් ශ්‍රී ලංකා ආයතනය හා ශ්‍රී ලංකා පාසල් ක්‍රිකට් ආයතනය එක්ව වාර්ෂිකව සංවිධානය කරනු ලබයි.

සාන්ත තෝමස් විද්‍යාලයට දැවැන්ත ජයක්

සිංගර් ශ්‍රී ලංකා ආයතනය හා ශ්‍රී ලංකා පාසල් ක්‍රිකට් ආයතනය එක්ව වාර්ෂිකව…

D කාණ්ඩයේ තරගයක් ලෙස සහිරා විදුහල් ක්‍රිකට් පිටියේ දී පැවති මේ තරගයේ කාසියේ වාසිය දිනා ගත්තේ වෙන්නප්පුව සාන්ත ජෝසප් වාස් විද්‍යාල නායක නිපුන් ධනංජයයි (ශ්‍රී ලංකා වයස අවුරුදු 19න් පහළ ක්‍රිකට් කණ්ඩායමේ වර්තමාන නායකයා ද ඔහුයි). 

ඔහු සත්කාරක සහිරා විද්‍යාලයට ඔවුන්ගේ පළමු ඉනිම දියත් කිරීම සඳහා ආරාධනා කළ අතර මෙනූෂ පෙරේරා ඇතුළු සාන්ත ජෝසප් වාස් විද්‍යාලයේ දක්ෂ පන්දු යැවීම නිසා සහිරා පළමු ඉනිම ලකුණු 77කට සීමා විය. මොහොමඩ් ඩිල්හාඩ් ලකුණු 23යි.

අනතුරුව පිටියට පැමිණි සංචාරක සාන්ත ජෝසප් වාස් විද්‍යාල ක්‍රීඩකයෝ ඔවුන්ගේ පිළිතුරු පළමු ඉනිම වෙනුවෙන් සියල්ලන්ම දැවී ලකුණු 157ක් ලබා ගත්තේ පන්දුවාර 56කුත් පන්දු 3ක් තුලයි. 

එහි දී නායකත්වයේ පිතිකරණයක නිරත වූ වමතින් පිත්ත හසුරුවන නිපුන් ලකුණු 41ක් ලබා ගත් අතර අනෙක් අන්තයෙන් ඔහුට සහය වූ මෙනූෂ පෙරේරා ලකුණු 40ක් වාර්තා කරගත්තේ පන්දු යැවීමෙන් දැක්වූ දස්කම්වලට අමතරවයි.

ලකුණු 80ක පළමු ඉනිමේ අවාසියක් සහිතව සිය දෙවන ඉනිම ආරම්භ කළ සහිරා විද්‍යාලය ඊයේ දිනය සඳහා තරගය නවතා දමන විට පන්දුවාර 5ක් තුල කඩුලු 2ක් දැවී ලකුණු 13ක් ලබාගෙන තිබුණි. දෙවන දිනය වූ අද දිනයේ පළමු තරග කාල සාමය තුල දී සහිරා දෙවන ඉනිම ලකුණු 114කට සීමා කිරීමට දකුණතින් පිට දඟපන්දු යවන නිපුන් සහ මෙනූෂ ඇතුළු සාන්ත ජෝසප් වාස් ක්‍රීඩකයෝ සමත් වූහ. මොහොමඩ් ශමාස් ලකුණු 32යි.

සාන්ත ජෝසප් වාස් විද්‍යාලය පළමු ඉනිමේ දී ලකුණු 80ක වාසියක් ලබා ගත් නිසාවෙන් තරගය ජයග්‍රහණය සඳහා සිය දෙවන ඉනිම තුල වාර්තා කරගත යුතුව තිබුණේ ලකුණු 35ක් වැනි සුළු ලකුණු ප්‍රමාණයකි. 

කෙසේ නමුත් සවස් කාලය වන විට වර්ෂාවෙන් බාධා එල්ල වීමට යම් ඉඩක් තිබුණු නිසා ඔවුන් තමන් වෙත ලැබුණු ඉලක්කය පන්දුවාර 6කුත් පන්දු 5ක් අවසානයේ සපුරා ගැනීමට සමත් විය. 

කෝඩුකාර සිංහයෝ අංක එකේ විස්සයි විස්ස කණ්ඩායම හඬවති!

ආරක්ෂාව පිළිබඳ ගැටලු මැද, ප්‍රවීණයින් සියලු දෙනාම පාහේ නොමැතිව…

නැවතත් නායකත්වයේ වගකීම අකුරටම ඉටු කළ නිපුන් සිය විද්‍යාල දෙවන ඉනිම වෙනුවෙන් නොදැවී ලකුණු 33*ක් ලබා ගන්නා ලදි. ඉමිතියාස් ස්ලාසා හට තරගය පුරාවටම දවා ගැනීමට හැකි වූයේ කඩුලු 4ක් පමණි. කෙසේ නමුත් නිපුන් ප්‍රමුඛ සාන්ත ජෝසප් වාස් විද්‍යාල ක්‍රීඩකයින් මේ ලබාගත් ජය මෙවර තරගාවලිය සඳහා ඔවුන්ට ඉතාමත් වැදගත් වූයේ මේ තරගය මූලික වටයේ ප්‍රසාද ලකුණු සඳහා බලපෑමක් සිදු කරන නිසයි. 

සහිරා විද්‍යාල පළමු ඉනිම – 77 (27.3): මොහොමඩ් ඩිල්හාඩ් 23, මෙනූෂ පෙරේරා 4/06, අචින්ත ප්‍රනාන්දු 2/04, කවිඳු මදුරංග 2/07.

සාන්ත ජෝසප් වාස් විද්‍යාල පළමු ඉනිම – 157 (56.3): නිපුන් ධනංජය 41, මෙනූෂ පෙරේරා 40, ඉශාඩ් රොහෙයිම් 3/13, රිස්වාන් රාහීඩ් 2/16, ඉමිතියාස් ස්ලාසා 2/20.

සහිරා විද්‍යාල දෙවන ඉනිම – 114 (30.4): මොහොමඩ් ශමාස් 32, රිස්වාන් රාහීඩ  20, නිපුන් ධනංජය 4/25, මෙනූෂ පෙරේරා 4/41, තරුෂ ප්‍රනාන්දු 2/28.

සාන්ත ජෝසප් වාස් විද්‍යාල දෙවන ඉනිම – 38/2 (6.5): නිපුන් ධනංජය 33*, ඉමිතියාස් ස්ලාසා 2/17.

සාන්ත ජෝසප් වාස් විද්‍යාලයට කඩුලු 8ක ජයක්

තරගාවලියේ උණුසුම් තතු, තරග වාර්තා, තරග සේයා රූ ඇතුළු තවත් බොහෝ දේ  ඔබේ වෙතට සමීප කිරීමට ThePapare.com සූදානමින් සිටියි. රැඳී සිටින්න අප සමඟම.

>> තවත් ක්‍රිකට් පුවත් සඳහා පිවිසෙන්න <<