அவுஸ்திரேலிய அணியின் முன்னணி வேகப்பந்துவீச்சாளரான மிச்சல் ஸ்டார்க், தற்போது நடைபெற்று வரும் இந்திய பிரிமீயர் லீக் (IPL T20) தொடரில் பங்கேற்பதற்காக இந்தியா செல்ல அவுஸ்திரேலிய கிரிக்கெட் வாரியம் (CA) அனுமதி அளித்துள்ளது.
>>பாக். வீரர் மொஹமட் நவாஸ் மீது போதைப்பொருள் குற்றச்சாட்டு<<
இறுதியாக நடைபெற்று முடிந்த ஆஷஸ் டெஸ்ட் தொடரின் ஆட்டநாயகன் விருதினை வென்றிருந்த ஸ்டார்க் பிக் பேஷ் லீக் (BBL) தொடரில் முழங்கை மற்றும் தோற்பட்டை உபாதை காரணமாக கிரிக்கெட் போட்டிகளில் இருந்து சிறிது காலம் ஓய்வில் இருந்தார்.
விடயங்கள் இவ்வாறு காணப்பட்டிருக்க தற்போது பூரண உடற்தகுதியினைப் பெற்றிருக்கும் அவர் டெல்லி கெபிடல்ஸ் அணிக்காக ஒப்பந்தமாகியிருந்த நிலையில், இந்தியா சென்றதன் பின்னர் மே 1ஆம் திகதி தொடக்கம், டெல்லி அணி பங்கேற்கும் IPL போட்டிகளில் விளையாட வாய்ப்புள்ளதாக தெரிவிக்கப்படுகின்றது.
36 வயது நிரம்பிய ஸ்டார்க் தவிர ஆஸி. அணியின் மற்றுமொரு முக்கிய வீரரான பேட் கம்மின்ஸ் உபாதைகள் காரணமாக சன்ரைஸர்ஸ் ஹைதராபாத் அணிக்காக சில ஆரம்ப போட்டிகளில் ஆடும் வாய்ப்பினை இழந்திருந்தார். கம்மின்ஸ் இந்த வார இறுதியில் தனது முதல் போட்டியில் விளையாடுவார் என்று எதிர்பார்க்கப்படுகின்றது.
ஸ்டார்க் இல்லாத நிலையில் அவரின் இடத்தினை தென்னாபிரிக்க கிரிக்கெட் அணியின் லுன்கி என்கிடி டெல்லி கெபிடல்ஸ் அணியில் நிரப்பியிருந்தமை குறிப்பிடத்தக்கது.
டெல்லி கெபிடல்ஸ் இந்த பருவத்திற்கான IPL தொடரில் முதல் இரண்டு போட்டிகளில் வெற்றி பெற்று அபாரமான ஆரம்பம் பெற்ற போதும் தாம் விளையாடிய அடுத்த நான்கு போட்டிகளில் மூன்றில் தோல்வியடைந்து பின்னடைவைச் சந்தித்துள்ளது. ஸ்டார்க்கின் வருகை டெல்லி கெபிடல்ஸ் அணியின் பந்துவீச்சை வலுப்படுத்தும் என்று எதிர்பார்க்கப்படுகிறது.
>>மேலும் கிரிக்கெட் செய்திகளைப் படிக்க<<
 தொடரில் பங்கேற்பதற்காக இந்தியா செல்ல அவுஸ்திரேலிய கிரிக்கெட் வாரியம் (CA) அனுமதி அளித்துள்ளது.){kind=link}