සිල්වා සහ දේශප්‍රිය ශ්‍රී ලංකාව අවසන් තරගයට ගෙන එයි

ශ්‍රී ලංකා, එංගලන්ත සහ ඉන්දීය දෘශ්‍යාබාධිත ක්‍රිකට් කණ්ඩායම් අතර පැවැත්වෙන තුන් කොන් විස්සයි විස්ස ක්‍රිකට් තරගාවලියේ අවසන් තරගය සඳහා සුදුසුකම් ලබා ගැනීම වෙනුවෙන් අද (12) ගොවේ නගරයේ දී පැවති තරගයේ දී එංගලන්ත දෘශ්‍යාබාධිත ක්‍රිකට් කණ්ඩායමට එරෙහි  කඩුලු 10ක විශිෂ්ට ජයග්‍රහණයක් වාර්තා කිරීමට ශ්‍රී ලංකා දෘශ්‍යාබාධිත ක්‍රිකට් ක්‍රීඩකයෝ සමත් වූහ.

ඒ අනුව ඔවුන් හෙට (13) මෙම ක්‍රීඩාංගණයේ දී ම ඉන්දියාව හා සමඟ පැවැත්වෙන  අවසාන මහා තරගයට සහභාගී වීමට සුදුසුකම් ලබා ගත්හ.

ශ්‍රී ලංකාව එංගලන්තය අභිබවා යයි

ශ්‍රී ලංකා, එංගලන්ත සහ ඉන්දීය දෘශ්‍යාබාධිත ක්‍රිකට් කණ්ඩායම් අතර පැවැත්වෙන තුන්කොන් විස්සයි විස්ස ක්‍රිකට්

දෙපිලටම තීරණාත්මක වූ මෙම තරගයේ දී පළමුවෙන් පන්දුවට පහර දුන් එංගලන්ත දෘශ්‍යාබාධිත ක්‍රීඩකයෝ කඩුලු 7ක් දැවී ලකුණු 179ක් ලබා ගත්හ. ඊට පිළිතුරු ලෙසින් ශ්‍රී ලංකා කණ්ඩායම කිසිවෙක් නොදැවී ලකුණු 181ක් ලබා ගත්තේ ඉනිමේ 16 වැනි පන්දු වාරය ක්‍රියාත්මක වෙද්දී ය.  

ශ්‍රී ලංකා ඉනිමේ දී කේ. ඒ. සිල්වා ශතකයක් ලබා ගනිමින් ද චන්දන දේශප්‍රිය අර්ධ ශතකයක් ලබා ගනිමින් ද දක්ෂතා දැක්වූහ.

කාසියේ වාසිය දිනූ ශ්‍රී ලංකා දෘශ්‍යාබාධිත ක්‍රිකට් කණ්ඩායමේ නායක ප්‍රියන්ත කුමාර සහ එංගලන්ත දෘශ්‍යාබාධිත ක්‍රිකට් කණ්ඩායමේ නායක ඊ. හොසේල් කාසියේ වාසිය උරගා බැලීමට පිටියට පිවිසියේ අවසාන තරගය සඳහා සුදුසුකම් ලබා ගැනීමේ තම තමන්ගේ අරමුණ ඉටුකර ගැනීමට කාසියේ වාසිය ද ඉවහල් කර ගැනීමට ය. එහි දී කාසියේ වාසිය අත්කර ගත්තේ ශ්‍රී ලංකා නායකයා ය. ඒ අනුව ඔහුගේ තීරණය වූයේ ප්‍රතිවාදීන්ට පළමුව පන්දුවට පහර දීමට අවස්ථාව ලබා දීමයි.

ශ්‍රී ලංකා නායකයාගේ බලාපොරොත්තුව සඵල කරමින් එංගලන්ත ඉනිමේ පළමු කඩුල්ල ඉනිමේ දෙවැනි පන්දුවාරයේ දී දවා ගැනීමට දිනේෂ් මතුගම සමත් විය. ඒ වෙද්දී එංගලන්ත ලකුණු පුවරුව ලකුණු 9 නතර වී තිබුණි.

එතැන් සිට වඩාත් පරිස්සමෙන් පන්දුවට පහර දීමට එංගලන්ත ක්‍රීඩකයෝ ගිවිස ගත්තා සේ කටයුතු කෙරුණි. ඒ අනුව දෙවැනි කඩුල්ලට එක්වූ ලකුණු සංඛ්‍යාව 34කි. එහි දී ආරම්භක පිතිකරු එම්. ඩීන් ලකුණු 19ක් ලබා සිටිය දී දුවද්දී දවා ගැනීමට ශ්‍රී ලංකා ක්‍රීඩකයෝ සමත් වූහ.

පළමු තරගය වර්ෂාවෙන් හෙදී ගියත් ශ්‍රී ලංකා බලාපොරොත්තු ඉහළ තැනක

1982 සිට ක්‍රියාත්මක වන ශ්‍රී ලංකා – එංගලන්ත එක්දින ක්‍රිකට් තරගාවලිවල පැවති 70 වැනි එක්දින ක්‍රිකට් තරගය

එංගලන්ත ඉනිමේ තෙවැනි කඩුල්ලට එකතු වූ ලකුණු සංඛ්‍යාව  63ක්. එය එංගලන්ත ඉනිමේ හොඳම කඩුලු සබඳතාව විය. එහි දී එල්. සුග් සහ  පී. බ්ලුයිට් එම සබඳතාව සඳහා එක්වූහ. ඉනිමේ තෙවැනි කඩුල්ල ලෙසින් අර්ධ ශතකයක් ලබා සිටි පී. බ්ලුයිට් පන්දු 36කට මුහුණ දී හතරේ පහරක් සමඟින් ලකුණු 54ක් ලබා සිටිය දී දැවී ගියේය.

අනතුරුව සිව්වැනි කඩුල්ලේ දී ද ලකුණු 35ක සබඳතාවක් එක් කිරීමට එංගලන්ත පිතිකරුවෝ සමත් වූහ. එතැන දී ක්‍රියාත්මක වූයේ එස්. මුරේ සහ එල්. සුග් ය. මුරේ හතරේ පහර 3ක් සමඟින් පන්දු 9ක දී ලකුණු 17ක් ලබා සිටිය දී පැතුම් සමන් කුමාරගේ පන්දුවකට Hit Wicket වෙමින් දැවී ගියේය.

එතැන් සිට තරගය තරමක් ශ්‍රී ලංකාව දෙසට ඈදා ගැනීමක් පෙන්නුම් කළ ද නැවත හයවැනි කඩුල්ලේ දී සක්‍රීය වීමට එංගලන්ත ක්‍රීඩකයෝ සමත් වූහ. එතෙක් වේලා සාර්ථකව පන්දුවට පහර දෙමින් සිටි එල්. සුග් ලකුණු 49 දී දවා ගැනීමට කේ. ඒ.  සිල්වා සමත් වීමත් සමඟින් එම කඩුල්ලේ සබඳතාව ද බිඳ වැටුණි. සුග් තමන්ගේ ඉනිම සඳහා පන්දු 39ක් වැය කර තිබූ අතර හතරේ පහර 4ක් එම ඉනිමට ඇතුළත් කරගෙන තිබුණි.

එංගලන්ත ඉනිම නතර වෙන විට නායක ඊ. හොසේල් පන්දු 10කට මුහුණ දී හතරේ පහරක් සමඟින් නොදැවී ලකුණු 18ක් ලබා සිටියේය.

පන්දු යැවීමේ දී දිනේෂ් මතුගම, පැතුම් සමන් කුමාර සහ කේ. ඒ. සිල්වා කඩුල්ල බැගින් දවා ගත්හ.

පිළිතුරු ඉනිම වෙනුවෙන් පිටියට පිවිසි ශ්‍රී ලංකා දෘශ්‍යාබාධිත ක්‍රිකට් ක්‍රීඩකයෝ තරගය අවසන් වීමට තවත් පන්දු 21ක් ඉතිරිව තිබිය දී ජයග්‍රහණය වාර්තා කළහ. ඔවුන්ගේ ඉනිමේ පළමු ලකුණු 50 පන්දු 28ක දී ද, දෙවැනි ලකුණු 50 තවත් පන්දු 29ක දී සහ තෙවැනි ලකුණු 50 තවත් ලකුණු 25ක දී වාර්තා කරමින් ජයග්‍රාහී ගමන ගියහ.

තරගයේ වීරයා වූ කේ. ඒ. සිල්වා පන්දු 51කට මුහුණ දෙමින් හතරේ පහර 10ක් සමඟින් නොදැවී ලකුණු 104ක් ලබා ගත්තේය. චන්දන දේශප්‍රිය තම ලකුණු 66 වාර්තා කළේ පන්දු 48කට මුහුණ දෙමිනි. එම ඉනිමට හතරේ පහර 7ක් අතුලත්ව තිබුණි.  

එංගලන්ත දෘශ්‍යාබාධිත ක්‍රිකට් කණ්ඩායම; කඩුලු 7ක් දැවී 179 (20.0) එම්. ඩීන් 19,  පී. බ්ලුයිට් 54, එල්. සුග් 49, ඊ. හොසේල් නොදැවී 18, කේ. ඒ. සිල්වා 1/08

ශ්‍රී ලංකා දෘශ්‍යාබාධිත ක්‍රිකට් කණ්ඩායම; කිසිවෙක් නොදැවී 181 (15.5) චන්දන දේශප්‍රිය නොදැවී 66, කේ. ඒ. සිල්වා නොදැවී 104

දෘශ්‍යාබාධිත තුන්කොන් විස්සයි විස්ස තරගාවලියේ අවසාන තරගයේ උණුසුම් පුවත් දැන ගැනීමට රැඳී සිටින්න ThePapare.com අප සමඟම.

>> තවත් ක්‍රිකට් පුවත් සඳහා පිවිසෙන්න <<