தசுன் ஷானக்கவின் மிரட்டல் அரைச்சதம், கமில் மிஷார மற்றும் வனிந்து ஹஸரங்க ஆகியோரது அசத்தல் ஆட்டம் என்பவற்றுடன் துணையோடு இலங்கை அணி மேற்கிந்திய தீவுகள் உடனான இரண்டாவது T20I போட்டியில் 37 ஓட்டங்களால் வெற்றி பெற்றுள்ளது.
மேலும் இந்த வெற்றியுடன் மூன்று போட்டிகள் கொண்ட T20 தொடரினையும் இலங்கை 1-1 என சமநிலை செய்திருக்கின்றது.
>> அவிஷ்கவின் அதிரடி சதத்துடன் இலங்கை A அணிக்கு இலகு வெற்றி
நேற்று (13) ஜமெய்க்காவில் ஆரம்பமான இந்தப் போட்டியில் நாணய சுழற்சியில் வென்ற மேற்கிந்திய தீவுகள் அணியானது முதலில் பந்துவீச்சினைத் தெரிவு செய்து கொண்டது.
தீர்மானம் கொண்ட இப்போட்டிக்கான இலங்கை அணியானது இரண்டு மாற்றங்களை மேற்கொண்டிருந்தது. கமில் மிஷார மற்றும் துனித் வெல்லாகே ஆகியோர் அணியில் இணைக்கப்பட்டிருந்தனர்.
இலங்கை XI: பெதும் நிஸ்ஸங்க, குசல் மெண்டிஸ் (தலைவர்), கமில் மிஷார, பவன் ரத்நாயக்க, கமிந்து மெண்டிஸ், தசுன் ஷானக்க, வனிந்து ஹஸரங்க, மஹீஷ் தீக்ஷன, துஷ்மன்த சமீர, எஷான் மலிங்க, துனித் வெல்லாலகே
மேற்கிந்திய தீவுகள் XI: ஷாய் ஹோப் (தலைவர்), பிரண்டன் கிங், ஷிம்ரன் ஹெட்மேயர், ரொஸ்டன் சேஸ், ஷெர்பேன் ரூதர்போர்ட், ரொவ்மன் பவல், ஷமார் ஸ்பிரிங்கர், ரொமாரியோ ஷெப்பர்ட், மெதிவ் போர்ட், அகீல் ஹொசைன், ஷமார் ஜோசப்
நாணய சுழற்சியின் பின்னர் முதலில் துடுப்பெடுத்தாடிய இலங்கை அணி குசல் மெண்டிஸ் மூலம் இம்முறையும் சிறந்த ஆரம்பம் பெற்றது. அவர் 19 பந்துகளில் 2 சிக்ஸர்கள் மற்றும் 2 பௌண்டரிகள் அடங்கலாக 31 ஓட்டங்கள் பெற்றிருந்தார்.
அவரின் பின்னர் கமில் மிஷார அதிரடி கலந்த நிதானத்துடன் அணிக்காக ஓட்டங்கள் பெறத் தொடங்கினார். இவருடன் பிந்தைய ஓவர்களில் மைதானத்தினை சிக்ஸர்கள் மூலம் அலங்கரித்த தசுன் ஷானக்கவின் ஆட்டத்தோடு இலங்கை அணியானது 20 ஓவர்கள் நிறைவில் 6 விக்கெட்டுக்களை இழந்து 194 ஓட்டங்கள் பெற்றது.
இலங்கை அணியின் துடுப்பாட்டத்தில் ஆட்டமிழக்காது இறுதி வரை நின்ற கமில் மிஷார 3 சிக்ஸர்கள் மற்றும் 4 பெளண்டரிகள் அடங்கலாக 61 ஓட்டங்கள் பெற்றார். அதேநேரம் வெறும் 19 பந்துகளில் அரைச்சதம் பெற்ற தசுன் ஷானக்க 4 சிக்ஸர்கள் மற்றும் 5 பௌண்டரிகள் உடன் 24 பந்துகளில் 58 ஓட்டங்கள் எடுத்தார்.
மேற்கிந்திய தீவுகள் பந்துவீச்சில் ஷாமர் ஜோசப் 32 ஓட்டங்களுக்கு 3 விக்கெட்டுக்களைச் சாய்க்க, மெதிவ் போர்டே 38 ஓட்டங்களுக்கு 2 விக்கெட்டுக்களைச் சுருட்டினார்.
பின்னர் போட்டியின் வெற்றி இலக்காக நிர்ணயிக்கப்பட்ட 195 ஓட்டங்களை 20 ஓவர்களில் எட்ட துடுப்பாடிய மேற்கிந்திய தீவுகள் அணி 18.1 ஓவர்களில் அனைத்து விக்கெட்டுக்களையும் இழந்து 157 ஓட்டங்கள் எடுத்து போட்டியில் தோல்வி அடைந்தது.
மேற்கிந்திய தீவுகளின் துடுப்பாட்டத்தில் அதிகபட்சமாக ரொவ்மன் பவல் 26 பந்துகளுக்கு 43 ஓட்டங்கள் பெற்றது. அதேநேரம் சிம்ரொன் ஹெட்மேயர் 36 ஓட்டங்கள் எடுத்திருந்தார்.
இலங்கை அணியின் பந்துவீச்சில் வனிந்து ஹஸரங்க மற்றும் துஷ்மன்த சமீர ஆகியோர் தலா 3 விக்கெட்டுக்கள் வீதம் சுருட்டினர். அத்துடன் துனித் வெல்லாலகே 2 விக்கெட்டுக்களை எடுத்திருந்தார். போட்டியின் ஆட்டநாயகன் விருது தசுன் ஷானக்கவிற்கு வழங்கப்பட்டிருந்தது.
போட்டியின் சுருக்கம்
Result
| Batsmen | R | B | 4s | 6s | SR | |
|---|---|---|---|---|---|---|
| Pathum Nissanka | c Shamar Joseph b Matthew Forde | 7 | 10 | 1 | 0 | 70.00 |
| Kusal Mendis | c Akeal Hosein b Shamar Joseph | 31 | 19 | 2 | 2 | 163.16 |
| Kamil Mishara | not out | 61 | 40 | 4 | 3 | 152.50 |
| Pavan Rathnayake | c Shai Hope b Shamar Springer | 1 | 6 | 0 | 0 | 16.67 |
| Kamindu Mendis | c Sherfane Rutherford b Matthew Forde | 24 | 20 | 0 | 2 | 120.00 |
| Dasun Shanaka | c Shimron Hetmyer b Shamar Joseph | 58 | 24 | 5 | 4 | 241.67 |
| Dunith Wellalage | b Shamar Joseph | 1 | 2 | 0 | 0 | 50.00 |
| Extras | 11 (b 0 , lb 5 , nb 1, w 5, pen 0) |
| Total | 194/6 (20 Overs, RR: 9.7) |
| Bowling | O | M | R | W | Econ | |
|---|---|---|---|---|---|---|
| Akeal Hosein | 2 | 0 | 11 | 0 | 5.50 | |
| Matthew Forde | 4 | 0 | 38 | 2 | 9.50 | |
| Romario Shepherd | 3 | 0 | 41 | 0 | 13.67 | |
| Shamar Joseph | 4 | 0 | 32 | 3 | 8.00 | |
| Shamar Springer | 4 | 0 | 40 | 1 | 10.00 | |
| Roston Chase | 3 | 0 | 27 | 0 | 9.00 | |
| Batsmen | R | B | 4s | 6s | SR | |
|---|---|---|---|---|---|---|
| Brandon King | lbw b Dushmantha Chameera | 2 | 3 | 0 | 0 | 66.67 |
| Shai Hope | lbw b Dunith Wellalage | 6 | 4 | 1 | 0 | 150.00 |
| Shimron Hetmyer | run out (Pavan Rathnayake) | 36 | 26 | 4 | 2 | 138.46 |
| Rovman Powell | c Wanindu Hasaranga b Maheesh Theekshana | 43 | 26 | 5 | 2 | 165.38 |
| Sherfane Rutherford | c Pathum Nissanka b Wanindu Hasaranga | 14 | 11 | 0 | 1 | 127.27 |
| Roston Chase | c Kamindu Mendis b Dushmantha Chameera | 17 | 17 | 0 | 1 | 100.00 |
| Romario Shepherd | lbw b Wanindu Hasaranga | 0 | 1 | 0 | 0 | 0.00 |
| Matthew Forde | c Dushmantha Chameera b Dunith Wellalage | 8 | 6 | 0 | 0 | 133.33 |
| Shamar Springer | c Pavan Rathnayake b Dushmantha Chameera | 1 | 6 | 0 | 0 | 16.67 |
| Akeal Hosein | c Kamil Mishara b Wanindu Hasaranga | 14 | 6 | 0 | 2 | 233.33 |
| Shamar Joseph | not out | 11 | 4 | 1 | 1 | 275.00 |
| Extras | 5 (b 0 , lb 1 , nb 1, w 3, pen 0) |
| Total | 157/10 (18.1 Overs, RR: 8.64) |
| Bowling | O | M | R | W | Econ | |
|---|---|---|---|---|---|---|
| Dunith Wellalage | 3 | 0 | 28 | 2 | 9.33 | |
| Dushmantha Chameera | 3.1 | 0 | 9 | 3 | 2.90 | |
| Eshan Malinga | 3 | 0 | 41 | 0 | 13.67 | |
| Maheesh Theekshana | 4 | 0 | 34 | 1 | 8.50 | |
| Wanindu Hasaranga | 4 | 0 | 38 | 3 | 9.50 | |
| Dasun Shanaka | 1 | 0 | 6 | 0 | 6.00 | |
>> மேலும் கிரிக்கெட் செய்திகளைப் படிக்க <<
