ශ්‍රී ලංකාවේ සැම්බෝ සම්මේලනය නියෝජනය කරමින් පළමු වතාවට 2016 ආසියානු සැම්බෝ ශූරතාවලිය සදහා සහභාගී වූ ශ්‍රී ලංකා කණ්ඩායම විසින් ලෝකඩ පදක්කම් 06 ක් දිනාගැනීමට සමත් විය.
මෙම තරගාවලිය තුරුක්මෙනිස්ටාන්හි (Turkmenistan) ඇස්කබාට් (Ashgabat) නගරයේ ඔලිම්පික් ගම්මානයේදී මැයි මස 26 දින සිට 30 වන දින දක්වා පැවැත්වුණි.
මෙම තරගාවලිය නියෝජනය කල රටවල් 17 ක් අතරින් පහත සදහන් ක්‍රීඩක ක්‍රීඩිකාවන් ශ්‍රී ලංකාව වෙනුවෙන් ලෝකඩ පදක්කම් දිනා දෙන ලදි.
-
එම්.පී.ජී.ඩිලානි මිය 48kg
-
ඩිනුෂිකා ප්‍රියදර්ශනී මිය 52kg
-
දිනේෂා මල්කාන්ති මිය 60kg
-
නර්මදා සදමාලි මිය 68kg
-
ඩබ්.ටී.ආර්.ප්‍රණාන්දු මයා 78kg
-
හිලරි රොද්‍රිගෝ මයා 74kg
මෙම ආසියානු සැම්බෝ ශූරතාවය ක්‍රීඩා කළ ක්‍රීඩක ක්‍රීඩිකාවන් කොළඹ තරුණ ක්‍රිස්තියානි සංගමයේ සාමාජිකයින් වන අතර මෙම පදක්කම් ලබා ගැනීමට විශේෂ පිටුවහලක් වුයේ කොළඹ YMCA ආයතනයෙන් ලැබුණු පහසුකම් සහ සහයෝගය නිසා බව ශ්‍රී ලංකා සැම්බෝ සම්මේලනයේ සභාපති කිත්සිරි ද සොයිසා මහතා විසින් පවසන ලදී.
ශූරතාවලිය සදහා ශ්‍රී ලංකා සැම්බෝ සම්මේලනයේ සභාපති කිත්සිරි ද සොයිසා මහතා ඇතුළු නිළධාරීන් පිරිසක් සහභාගී විය.
