சுற்றுலா அயர்லாந்து A அணி மற்றும் இலங்கை A அணிகளுக்கு இடையிலான உத்தியோகபூர்வமற்ற டெஸ்ட் தொடரின் முதல் போட்டியில் இலங்கை A அணி மிலிந்த சிறிவர்தன, லசித் எம்புல்தெனிய, மொஹமட் சிராஸ் மற்றும் கமிந்து மெண்டிஸ் ஆகியோரின் சிறப்பாட்டத்தோடு 10 விக்கெட்டுக்களால் அபார வெற்றியினை பதிவு செய்துள்ளது.
வெற்றியை நெருங்கியிருக்கும் இலங்கை A கிரிக்கெட் அணி
சுற்றுலா அயர்லாந்து A அணி மற்றும் இலங்கை A அணிகள்..
இலங்கைக்கு சுற்றுப் பயணம் மேற்கொண்டுள்ள அயர்லாந்து A அணி தமது இலங்கை சுற்றுப் பயணத்தில் முதற்கட்டமாக விளையாடும் உத்தியோகபூர்வமற்ற டெஸ்ட் தொடரின் இந்த முதலாவது போட்டி கடந்த சனிக்கிழமை (5) கொழும்பு SSC மைதானத்தில் ஆரம்பமாகியிருந்தது.
நான்கு நாட்கள் கொண்ட இந்தப் போட்டியின் நாணய சுழற்சியில் வெற்றிபெற்ற அயர்லாந்து A அணித்தலைவர் ஹர்ரி டெக்டர் முதலில் துடுப்பாடும் சந்தர்ப்பத்தினை தனது தரப்பிற்காக தெரிவு செய்தார். இதன்படி முதலில் துடுப்பாடிய அயர்லாந்து A அணி தமது முதல் இன்னிங்ஸிற்காக 153 ஓட்டங்களை பெற்றது.
அயர்லாந்து A அணியின் முதல் இன்னிங்ஸ் துடுப்பாட்டம் சார்பாக ஜேம்ஸ் மெக்கல்லம் 76 ஓட்டங்களை குவிக்க இலங்கை A அணியின் பந்துவீச்சு சார்பில் லசித் எம்புல்தெனிய மற்றும் மொஹமட் சிராஸ் ஆகியோர் தலா 4 விக்கெட்டுக்கள் வீதம் சாய்த்திருந்தனர்.
இதன் பின்னர் தமது முதல் இன்னிங்ஸ் துடுப்பாட்டத்தை ஆரம்பித்த இலங்கை A அணி தேசிய அணி வீரரான மிலிந்த சிறிவர்தன பெற்றுக்கொண்ட சத்தத்தின் உதவியோடு 77.1 ஓவர்களில் அனைத்து விக்கெட்டுக்களையும் பறிகொடுத்து 308 ஓட்டங்களைப் பெற்றுக் கொண்டது.
Photo Album – Ireland A Team Tour to Sri Lanka 2018/19 – 1st Four Day Game – Day 2
இலங்கை A அணியின் துடுப்பாட்டத்தில் சதம் பெற்ற மிலிந்த சிறிவர்தன 103 ஓட்டங்களை குவிக்க, கமிந்து மெண்டிஸ் 91 ஓட்டங்களைப் பெற்றுத்தந்திருந்தார். இதேநேரம், அயர்லாந்து A அணியின் பந்துவீச்சுக்காக ஜேம்ஸ் கெமரூன் டோவ் 7 விக்கெட்டுக்களை கைப்பற்றியிருந்தது குறிப்பிடத்தக்கது.
Photos: Ireland A Team Tour to Sri Lanka 2018/19 | 1st Four Day Game | Day 3
இதன் பின்னர் 155 ஓட்டங்கள் பின்தங்கியவாறு தமது இரண்டாம் இன்னிங்ஸ் துடுப்பாட்டத்தை ஆரம்பம் செய்த அயர்லாந்து A அணி, இலங்கை A அணியினை விட வெறும் 27 ஓட்டங்களால் முன்னிலை பெற்று தமது இரண்டாம் இன்னிங்ஸிற்காக 182 ஓட்டங்களுக்கு 9 விக்கெட்டுக்களை இழந்து காணப்பட்டிருந்த போது போட்டியின் இரண்டாம் நாள் ஆட்டம் நேற்று (6) நிறைவுக்கு வந்தது. அயர்லாந்து A அணியின் துடுப்பாட்டத்தில் ஜொனதன் கார்த் 9 ஓட்டங்களுடனும், ஜேம்ஸ் கேமரூன் டோவ் 11 ஓட்டங்களுடனும் ஆட்டமிழக்காமல் களத்தில் நின்றிருந்தனர்.
பின்னர் இன்று (7) போட்டியின் மூன்றாம் நாளில் தமது இரண்டாம் இன்னிங்ஸ் துடுப்பாட்டத்தை தொடர்ந்த அயர்லாந்து A அணி 54.3 ஓவர்களில் 196 ஓட்டங்களுக்கு அனைத்து விக்கெட்டுக்களையும் பறிகொடுத்ததோடு போட்டியின் வெற்றி இலக்காக இலங்கை A அணிக்கு 42 ஓட்டங்களை மட்டுமே நிர்ணயம் செய்தது.
அயர்லாந்து A அணியின் இரண்டாம் இன்னிங்ஸ் துடுப்பாட்டத்தில் ஜேம்ஸ் சன்னோன் 32 ஓட்டங்களுடன் அதிகபட்ச ஓட்ட எண்ணிக்கையினை பதிவு செய்ய இலங்கை A அணியின் பந்துவீச்சாளர்களில் லசித் எம்புல்தெனிய 5 விக்கெட்டுக்களையும் மொஹமட் சிராஸ் 2 விக்கெட்டுகளையும் கைப்பற்றி அதிரடியான முறையில் செயற்பட்டிருந்தனர்.
ஒருநாள் அரங்கில் வரலாறு படைத்த திசர பெரேராவின் சாதனைத் துளிகள்
நியூசிலாந்து கிரிக்கெட் அணிக்கு எதிரான இரண்டாவது..
இதன் பின்னர் அயர்லாந்து A அணியினால் நிர்ணயம் செய்யப்பட மிகவும் சவால் குறைந்த இந்த வெற்றி இலக்கினை, அடைவதற்கு பதிலுக்கு தமது இரண்டாம் இன்னிங்ஸில் துடுப்பாடிய இலங்கை A அணி வெறும் 6.5 ஓவர்களில் விக்கெட்டுக்கள் எதனையும் பறிகொடுக்காமல் 44 ஓட்டங்களுடன் வெற்றி இலக்கினை அடைந்தது.
இலங்கை A அணியின் வெற்றியினை ஆரம்ப துடுப்பாட்ட வீரர்களாக வந்திருந்த பெதும் நிஸ்ஸங்க 26 ஓட்டங்களுடனும், அவிஷ்க பெர்ணாந்து 16 ஓட்டங்களுடனும் ஆட்டமிழக்காமல் நின்று உறுதிப்படுத்தியிருந்தது குறிப்பிடத்தக்கது.
இவ் வெற்றியுடன் இலங்கை A அணி அயர்லாந்து அணியுடனான உத்தியாகபூர்வமற்ற டெஸ்ட் தொடரின் முதல் போட்டியில் வெற்றி பெற்று தொடரில் 1-0 என முன்னிலை பெற்றிருக்கும் நிலையில் இரண்டு அணிகளும் மோதும் உத்தியாகபூர்வமற்ற டெஸ்ட் தொடரின் இரண்டாவதும் இறுதியுமான போட்டி ஹம்பாந்தோட்டை மஹிந்த ராஜபக்ஷ சர்வதேச மைதானத்தில் எதிர்வரும் 13ஆம் திகதி ஆரம்பமாகின்றது.
ஸ்கோர் விபரம்
போட்டி முடிவு – இலங்கை A அணி 10 விக்கெட்டுக்களால் வெற்றி
>> மேலும் பல கிரிக்கெட் செய்திகளைப் படிக்க <<
