LPL එකට රටින් ආපු තවත් අයෙකුට කොරෝනා

ලංකා ප්‍රිමියර් ලීග් ක්‍රිකට් තරගාවලිය - Coverage powered by MyCola

535

Kandy Tuskers කණ්ඩායමේ සිටින විදෙස් ක්‍රීඩකයෙකු වන පාකිස්තානු වේගපන්දු යවන ක්‍රීඩක Sohail Tanvir හට ද කොරෝනා වයිරසය ආසාදනය වී තිබෙන බව වාර්තා වේ.

ඒ සමඟ වහාම ක්‍රියාත්මක වන පරිදි ඔහුව අදාළ ප්‍රතිකාර කටයුතු සඳහා යොමු කර ඇති අතර LPL තරගාවලිය වෙනුවෙන් පැමිණි ක්‍රීඩකයින් අතර කොරෝනා වයිරසය ආසාදනය වී තිබෙන බව තහවුරු වූ දෙවන ක්‍රීඩකයා Sohail Tanvir වේ.

ඊයේ (19) දිනයේ දී Colombo Kings කණ්ඩායමේ ක්‍රීඩක Ravinderpal Singh හට කොරෝනා වයිරසය ආසාදනය වී තිබෙන බව තහවුරු විය. ඒ නිසාවෙන් ඔහු සමඟ ගුවන් යානයේ පැමිණි කිහිප දෙනෙක් ද නිරෝධායනය කර ඇති අතර එලෙස නිරෝධායනයට ලක් කර තිබෙන ක්‍රීඩකයින් අතර Colombo Kings කණ්ඩායමේ Andre Russel ද සිටියි.

“Sohail Tanvir සම්බන්ධයෙන් අපේ සෞඛ්‍ය බලධාරීන් විසින් අවශ්‍ය සියලු පියවර ගනිමින් ඉන්නවා” යැයි Kandy Tuskers කළමනාකරු ෆර්වීස් මහරූෆ් ThePapare.com වෙත තහවුරු කළේය.

එසේම හිටපු ඉන්දීය ක්‍රිකට් ක්‍රීඩක Munaf Patel තවමත් Kandy Tuskers සමඟ සම්බන්ධ වී නොමැති නමුත් ඔහු ඉදිරි දින කිහිපයේ දී ඉතාමත් ඉක්මනින් ශ්‍රී ලංකාවට පැමිණෙන බවත්, Chris Gayle වෙනුවෙන් ආදේශ කර ගන්නා ක්‍රීඩකයා පිළිබඳව තවමත් අවසන් තීරණයකට පැමිණ නොමැති බව ද මහරූෆ් වැඩිදුරටත් පැවසීය.

ලංකා ප්‍රිමියර් ලීග් තරගාවලියේ සියලු තොරතුරු MyCola අනුග්‍රාහකත්වය යටතේ ThePapare.com හරහා ඔබ වෙත ගෙන ඒමට සූදානම්, රැඳී සිටින්න ThePapare.com සමඟින්. 

>> තවත් ක්‍රිකට් පුවත් සඳහා පිවිසෙන්න <<