ශ්‍රී ලංකා ක්‍රිකට් සංවිධානය කළ අන්තර් ක්‍රීඩා සමාජ Major Emerging ක්‍රිකට් තරගාවලියේ අවසාන මහා තරගයේ දී පළමු ඉනිමේ ජයග්‍රහණයක් ලැබූ හැව්ලොක් ටවුන්, කෝල්ට්ස් ක්‍රිකට් සමාජය මෙවර ශූරතාව දිනා ගැනීමට සමත් විය.
ජෙහාන්, විශාද් සහ ධනංජයගෙන් කෝල්ට්ස් වෙනුවෙන් අර්ධ ශතක
ශ්‍රී ලංකා ක්‍රිකට් විසින් සංවිධානය කරන අන්තර් ක්‍රීඩා සමාජය Major Emerging ක්‍රිකට් තරගාවලියේ…
තෙදින තරගයක් ලෙසින් පසුගිය 24 වනදා ආරම්භ වූ මෙම තරගය අද (26) දින කොළඹ ආර්. ප්‍රේමදාස ජාත්‍යන්තර ක්‍රිකට් ක්‍රීඩාංගණයේ දී අවසන් වූයේ හලාවත මේරියන්ස් ක්‍රිකට් සමාජයට අනුශූරතාව හිමිකර දෙමිනි.
කාසියේ වාසිය දිනාගත් කෝල්ට්ස් නායකයා විසින් පළමුවෙන් පන්දුවට පහර දීමේ අවස්ථාව හලාවත මේරියන්ස් කණ්ඩායම සතුකළ අතර ඒ අනුව පිටියට පිවිසි ඔවුන්ට තම පළමු ඉනිම වෙනුවෙන් සියලු දෙනා දැවී ලබාගත හැකි වූයේ ලකුණු 143ක් පමණි. ඊට පිළිතුරු ලෙසින් කෝල්ට්ස් ක්‍රිකට් ක්‍රීඩකයෝ තම පළමු ඉනිමට සියලු දෙනා දැවී ලකුණු 316ක් රැස්කර ගත්හ. අද දින තරගය නතර වීමට පැය 2කට ආසන්න ප්‍රමාණයක් තිබිය දී වර්ෂාව හේතුවෙන් තරගය නතර කරන විට තම දෙවන ඉනිමට පන්දුවට පහර දෙමින් සිටි හලාවත මේරියන්ස් ක්‍රීඩකයෝ කඩුලු 6ක් දැවී ලකුණු 153ක් ලබා සිටියහ.
අද දින තරගය ආරම්භ වූයේ කෝල්ට්ස් ඉනිමේ කඩුලු 3ක් දැවී ලකුණු 250ක් ලෙසින් ලකුණු පුවරුව සැරසෙමින් තිබිය දීය. ඒ වනවිට නොදැවී පිටියේ රැඳී සිටි ජෙහාන් ඩැනියෙල් (83*) සහ විශාද් රන්දික (62*) ශතක සබඳතාවක් වාර්තා කරමින් හලාවත ක්‍රීඩකයන්ට හිසරදයක් වෙමින් සිටියහ. එහෙත් දිනයේ 7 වන ලකුණ, ලකුණු පුවරුවට එක්වන විට විශාද් රන්දික ලකුණු 63කට දවා ගැනීමට ප්‍රතිවාදීන් සමත් වූහ. විශාද්ගේ ඉනිම පන්දු 108කින් සමන්විත වූ අතර හතරේ පහර 7ක් එම ඉනිමට ඇතුළත් විය. විශාද් සහ ජෙහාන් අතර සිව්වන කඩුල්ලට පන්දු 239ක දී එක්වූ ලකුණු සංඛ්‍යාව 132කි.
අනතුරුව එතෙක් වේලා පිටියේ රැඳී සිටි ජෙහාන් ඩැනියෙල්ගේ කඩුල්ල ද දවා ගැනීමට මේරියන්ස් පන්දු යවන්නෝ සමත් වූහ. ජෙහාන් ඒ වනවිට පන්දු 164කට මුහුණ දෙමින් හතරේ පහර 5ක් සහ හයේ පහර 2ක් සමඟින් ලකුණු 89ක් ලබා සිටියේය. අනතුරුව කෝල්ට්ස් ඉනිමට සැලකිය යුතු ලකුණු ප්‍රමාණයක් එක්කළේ කවිශ්ක අංජුල ය. ඔහු ලකුණු 20ක් රැස්කර ගැනීමට සමත් විය.
නිපුන්ලා සමඟ එක්වූ අංජුල මේරියන්ස්ලා පාලනය කරයි
ශ්‍රී ලංකා ක්‍රිකට් ආයතනය විසින් සංවිධානය කරන අන්තර් ක්‍රීඩා සමාජය Major Emerging ක්‍රිකට්…
කඩුලු ලබා ගැනීමේ දී වේගපන්දු යවන ක්‍රීඩක අසිත ප්‍රනාන්දු පන්දුවාර 25ක් යවමින් නිලකුණු පන්දුවාර 3ක් සමඟින් ලකුණු 65කට කඩුලු 5ක් දවා ගත්තේය. ඊට අමතරව නිම්සර අතරගල්ල පන්දුවාර 16ක් යවමින් ලකුණු 81කට කඩුලු 4ක් දවා ගැනීමට සමත් විය.
ලකුණු 173ක් පිටුපස සිටිමින් තම දෙවන ඉනිමට පිටියට පිවිසි මේරියන්ස් ක්‍රීඩකයන්ගේ කඩුලු 5ක් ලකුණු 39කට දවා ගැනීමට කෝල්ට්ස් පන්දු යවන්නෝ සමත් වූහ. එම තත්ත්වයෙන් මේරියන්ස් ඉනිම මුදවා ගැනීමට හැකි වූයේ ඩිල්ශාන් සංජීව විසින් රැස්කර ගත් අර්ධ ශතකය හේතුවෙනි. ඔහු තරගය අතරමග නතර කරන විට පන්දු 61කට මුහුණ දෙමින් හතරේ පහර 6ක් සහ හයේ පහර 2ක් සමඟින් නොදැවී ලකුණු 50ක් ලබා සිටියේය.
ඩිල්ශාන් සංජීව සහ නිමේෂ් විමුක්ති එක්ව මේරියන්ස් ඉනිමේ 6 වැනි කඩුල්ලට පන්දු 68ක දී ලකුණු 64ක සබඳතාවක් එක් නොකරන්නට ඔවුන්ගේ ඉරණම මීට හාත්පසින්ම වෙනස් වෙන්නට ඉඩ තිබුනි. නිමේෂ් විමුක්ති පන්දු 53කට මුහුණ දෙමින් හතරේ පහර 5ක් සහ හයේ පහර 2ක් සමඟින් ලකුණු 42ක් ලබා ගත්තේය.
අනතුරුව 7 වැනි කඩුල්ලට නොබිඳුණු ලකුණු 50ක සබඳතාවක් එක් කිරීමට ඩිල්ශාන් සංජීව සහ කවිඳු බණ්ඩාර සමත් වීම ද කැපී පෙනුනි. කවිඳු බණ්ඩාර තරගය නතර කරන විට පන්දු 33කට මුහුණ දෙමින් හතරේ පහරක් සහ හයේ පහරක් සමඟින් නොදැවී ලකුණු 30ක් ලබා ලබා සිටියේය.
කඩුලු ලබා ගැනීමේ දී නිපුන් රන්සික ලකුණු 16කට කඩුලු 2ක් දවා ගත්තේය.
මාලිංගගේ කණ්ඩායම ශූරයන් වෙද්දී තිසර තුන්වැනි තැනට
අබුඩාබි T10 තරගාවලියේ අවසන් මහා තරගය ඊයේ (24) අබුඩාබි හිදී නිමා වූ අතර එහි දී ඩෙකෑන්…
හලාවත මේරියන්ස් ක්‍රිකට් සමාජය : පළමු ඉනිම සියලු දෙනා දැවී 143 (43.5) නිමේෂ් විමුක්ති 25, ඩිල්ශාන් සංජීව 46, දසුන් සෙනෙවිරත්න 19, නිපුන් රන්සික 4/28, කවිශ්ක අංජුල 3/43, නිපුන් මාලිංග 2/29.
කෝල්ට්ස් ක්‍රිකට් සමාජය : පළමු ඉනිම (පළමු දින තරගය නතර කරන විට පන්දුවාර 22ක දී කිසිවෙක් නොදැවී 77 සහ දෙවැනි දින තරගය නතර කරන විට පන්දුවාර 71.5ක දී කඩුලු 3ක් දැවී 250) සියලුම දෙනා දැවී 316 (97.3) ධනංජය ලක්ෂාන් 61, සංතුශ් ගුණතිලක 21, ජෙහාන් ඩැනියෙල් 89, විශාද් රන්දික 63, කවිශ්ක අංජුල 20, අසිත ප්‍රනාන්දු 5/65, නිම්සර අතරගල්ල 4/81.හලාවත මේරියන්ස් ක්‍රිකට් සමාජය : දෙවැනි ඉනිම කඩුලු 6ක් දැවී 153 (41.4) නිමේෂ් විමුක්ති 42, ඩිල්ශාන් සංජීව නොදැවී 50, කවිඳු බණ්ඩාර නොදැවී 30, නිපුන් රන්සික 2/16.
>> තවත් ක්‍රිකට් පුවත් සඳහා පිවිසෙන්න <<
