තහනම් ලෙස උත්තේජනය වූ රුසියාවට තහනමක්?

©timedotcom.files.wordpress.com

රුසියානු මලල ක්‍රීඩක ක්‍රීඩිකාවන්ගේ රුධිර සාම්පල වල ඇති තහනම් උත්තේජක ගැන ඇමරිකානු සහ බ්‍රිතාන්‍ය හිතවාදී මාධ්‍ය තුළින් නොයෙක් වර ප්‍රචාරය වන්නේ එය ක්‍රීඩාමය කාරණාවකට වඩා දේශපාලනික කාරණාවක් වන බැවිනි. නමුත් රුසියානු පාලනාධිකාරය සහ මාධ්‍ය එය ගණනකට නොගෙන ක්‍රියා කිරීම නිසා තත්වය තවත් නරක අතට හැරෙමින් තිබේ.

රුසියානු ක්‍රීඩකයින්ට ඔලිම්පික් සහ ලෝක ශූරතා තරගාවලියේ ඇති ඉඩකඩ ඇහිරීමෙන් පසුව ලෝක තහනම් උත්තේජක මර්දන ඒජන්සිය (World Anti-Doping Agency – “WADA”) විසින් තත්වය පිළිබඳව පැහැදිලි කිරීම සඳහා රුසියාවට සති තුනක කාලයක් ලබා දී තිබේ. රුසියානු විද්‍යාගාර තුළ දී ලබා ගත් වාර්තා වල ඇති විසංගතතාව නිසා එලෙස සිදු කළ බව ඔවුන් පවසයි.

පිහි ඇනුමින් දිවි බේරා ගත් ටෙනිස් ශූරිය – පෙට්‍රා ක්විටෝවා

තම කුඩා පා පැදියෙන් ටෙනිස් පුහුණුවීම් වලට යන ……..

දත්ත මකා දමා ඇති බවට සාක්ෂි තිබෙනවා. WADA අනුමත කිරීමේ කමිටු සභාපති ජොනතන් ටේලර් මහතා BBC වෙබ් අඩවිය වෙත එසේ පවසා තිබේ.

රුසියානු බලධාරීන්ගෙන් පැහැදිලි කිරීමක් ගෙන අප එය තේරුම් ගත යුතුයි.” යනුවෙන් ද ටේලර් මහතා පවසා ඇත.

රුසියානු රාජ්‍ය අනුග්‍රහය ඇතිව සිදු කරන ලද තහනම් උත්තේජක වැඩසටහනකට අදාළව රුසියාවට ජාත්‍යන්තර තරගාවලි  සහභාගී වීමට වසර තුනක තහනමක් පනවා තිබේ. පසුව මොස්කව් හි විද්‍යාගාරයක කරන ලද පර්යේෂණවල වාර්තා ඔවුන් විසින් WADA වෙත යවා ඇත්තේ ජාත්‍යන්තර තරගාවලි වලට නැවත යොමුවීමේ අදහස ඇතිවයි.

එහෙත් එම පර්යේෂණ වාර්තාවල පරස්පරතා පවතින බවයි ටේලර් මහතා පවසන්නේ. රුසියානු තහනම් උත්තේජක නිවාරණ ඒජන්සිය දිගින් දිගටම තම දෘෂ්ටිය මතම පිහිටන්නේ නම් ඔවුන්ට අනුමැතිය නොලැබෙන බව සහ ඔවුන්ට විඳින්නට වන ප්‍රතිඵල ද දැනගන්නට ලැබෙනු ඇතැයි ටෙලට් මහතා වැඩිදුරටත් කීය.

පුටින්ගේ සුව නොවන “ක්‍රීඩා උණ”

ක්‍රීඩාශීලිත්වය රාජ්‍ය පාලනයට කෙතරම් වැදගත් ද? ක්‍රීඩාවෙන් ….

කෙසේ වෙතත් ප්‍රබල රාජ්‍යයක් වන රුසියාවේ ජනාධිපතිවරයා මීට කෙටි කලකට පෙර මේ පිළිබඳව අදහස් පළකරමින් කියා සිටියේ රුසියානු ක්‍රීඩක ක්‍රීඩිකාවන් රහිත ඔලිම්පික් උළෙලක් එතරම් තරගකාරී නොවනු ඇති බවත්, තම රටේ ක්‍රීඩක ක්‍රීඩිකාවන්ට දිගින් දිගටම තරගාවලීන් තහනම් වන්නේ නම් තමන් විසින්ම තරගාවලියක් සංවිධානය කරන බවත් ය.

>> තවත් විශේෂාංග ලිපි සඳහා පිවිසෙන්න <<