සිංගප්පූරුවේ පැවැත්වෙන Nations Cup 2023 තරගාවලිය ආරම්භ කරමින් ඊයේ (22) කැනඩාව සමඟ පැවති තරගයෙන් ලකුණු 50-46ක පරාජයකට උරුමකම් කියන්නට ශ්‍රී ලංකා ක්‍රීඩිකාවන්ට සිදු වුනා.
මෙවර තරගාවලියට සහභාගී වන ශ්‍රී ලංකා කණ්ඩායමට නවක ක්‍රීඩිකාවන් රැසක් ද ඇතුළත් වූ අතර එම කණ්ඩායමේ නායකත්වය හිමිව තිබුණේ දුලංගි වන්නිතිලක හටයි.
මෙම තරගය ආරම්භයේ සිටම කැනඩා ක්‍රීඩිකාවන්ගෙන් ශ්‍රී ලංකා ක්‍රීඩිකාවන්ට දැඩි අභියෝගයක් එල්ල වූ අතර තරගයේ පළමු කාර්තුව ලකුණු 16-12ක් ලෙස ජයග්‍රහණය කිරීමට ඔවුන්ට හැකි වුනා.
- දැල්පන්දුවේත්, පැසිපන්දුවේත් රැජින “මල්මි”
- 2023 දැල්පන්දු ලෝක කුසලානය ඕස්ට්‍රේලියාවට!
- සුපිරි දැල්පන්දු ක්‍රීඩිකාව ශ්‍රී ලංකා දැල්පන්දුවට ආයුබෝවන් කියයි
- ශ්‍රී ලංකාව දැල්පන්දු ලෝක කුසලානයේ 16 වැනි ස්ථානයට
දෙවැනි කාර්තුවේ දී ශ්‍රී ලංකා ක්‍රීඩිකාවන් දැඩි පීඩනයක් එල්ල කිරීමට සමත් වූවත්, තියුණු සටනකින් පසුව 14-12ක් ලෙස එම කාර්තුවේ පෙරමුණ ගැනීමට කැනඩා ක්‍රීඩිකාවන් සමත් වුනා.
ඒ අනුව තරගයේ පළමු අර්ධය අවසන් වන විට ලකුණු 30-24ක් ලෙස පෙරමුණේ සිටියේ කැනඩාවයි.
තරගයේ තෙවැනි කාර්තුවේ පෙරමුණ ලබා ගැනීමට ශ්‍රී ලංකා ක්‍රීඩිකාවන්ට හැකි වූ අතර ඉතා තියුණු සටනක් දක්නට ලැබූ එම කාර්තුවේ අවසන් ලකුණු තත්වය දැක්වුණේ ලකුණු 10-09ක් ලෙසයි.
තීරණාත්මක සිව්වැනි අවසන් වටය ලකුණු 12-11ක් ලෙස පෙරමුණ ගැනීමට ශ්‍රී ලංකාවට හැකි වූවත්, ලකුණු 50-46ක් ලෙස ලකුණු 4කින් පෙරමුණේ සිටිමින් තරගයේ ජයග්‍රහණය තහවුරු කර ගැනීමට කැනඩා ක්‍රීඩිකාවන්ට හැකි වුනා.
අවසන් ලකුණු තත්වය– කැනඩාව 50 – 46 ශ්‍රී ලංකාව
තරගාවලියේ ශ්‍රී ලංකාව සහභාගී වන මීළඟ තරගය අද (23) සිංගප්පූරු A කණ්ඩායම සමඟ පැවැත්වීමට නියමිතයි. එම තරගයේ ඇතුළු තරගාවලියේ සියලු පුවත් සඳහා රැඳී සිටින්න ශ්‍රී ලංකාවේ අංක 01 ක්‍රීඩා වෙබ් අඩවිය වන ThePapare.com සමඟ.
>> තවත් ක්‍රීඩා පුවත් සඳහා පිවිසෙන්න <<
 කැනඩාව සමඟ පැවති තරගයෙන් ලකුණු 50-46ක් ලෙස පරාජය ලැබීමට ශ්‍රී ලංකා ක්‍රීඩිකාවන්ට සිදු වුනා.){kind=link}