මලල ක්‍රීඩාවෙන් රග්බි ක්‍රීඩාවට ආ නිවංක ප්‍රසාද්

371

රග්බි ක්‍රීඩාව කියන්නේ පුදුමාකාර ක්‍රීඩාවක්. අමුතු ක්‍රීඩා විලාශයක්, අමුතු මානසික තත්වයකින් ක්‍රීඩා කළ යුතු මේ ක්‍රීඩාව ක්‍රීඩා කරන්නෙත් අමුතු හැඩයක් තියෙන පන්දුවකින්.

ලීග් ශූරතාව කරා CH රැගෙන යන්න ප්‍රබලයින් දෙදෙනෙක් සංචිතයට

කලක් අන්තර් සමාජ රග්බි පිටියේ අවසන් ස්ථාන කිහිපය ……..

ඒත් මෙහි විශේෂ කරුණ වන්නේ රග්බි පන්දුව අතින්වත් නොඇල්ලූ ක්‍රීඩකයෙක් ජාතික තලයට ක්‍රීඩා කිරීම. අපි අද කතා කරන්න යන්නේ රග්බි ක්‍රීඩාවට අහම්බෙන් සම්බන්ධ වී නොසිතූ ආකාරයකින් ජාතික තලයේ ක්‍රීඩා කිරීමට අවකාශය ලැබුනු ක්‍රීඩකයෙකු ගැනයි.

සාමාන්‍ය රග්බි ක්‍රීඩකයෙක් නම් පාසල් කාලය තුළ රග්බි ක්‍රීඩා කර පසුව අන්තර් සමාජ මට්ටමින් ක්‍රීඩා කර එහි දක්ෂතා පෙන්වා ඊටත් පසුව ජාතික මට්ටමට සුදුසුකම් ලැබිය යුතු වෙනවා. නමුත් නිවංක ප්‍රසාද් එහෙමත් නැත්තම් “බක්කි” තම පාසල් කාලය තුළදී රග්බි ක්‍රීඩාවට කිසිසේත්ම සම්බන්ධ නොවූ ක්‍රීඩකයෙක්. ඒත් ඔහු අද වනවිට ශ්‍රී ලංකා ජාතික සංචිතයේ ක්‍රීඩකයෙක්. කොහොමද ඔහු මෙතරම් දුරක් ආවේ? ThePapare.com අපි හිතුවා මේ ගැන නිවංකගෙන්ම අහන්න.

නිවංක ප්‍රසාද් පාසල් යන්නේ බියගම ඉඹුල්පේ රණසිංග විද්‍යාලයට. එහි ක්‍රීඩාවක් වශයෙන් රග්බි ක්‍රීඩාව තිබී නැත. තම පාසල් වියෙන් පසු නිවංක කෙළින්ම එක්වන්නේ නාවික හමුදා ක්‍රීඩා සමාජයට. ඒ මලල ක්‍රීඩාව වෙනුවෙන්.

නිවංකව මුලින්ම ශ්‍රී ලංකා රග්බි තේරීම් කමිටුවේ ඇස ගැටෙන්නේ 2016 වසරේ. ඒ ඔහු නාවික හමුදාවේ 2009 වසරේ සිට ක්‍රීඩා කිරීමෙන් අනතුරුවයි. නිවංකගේ වේගවත් මෙල්ල කිරීම්, ජවය හා ශක්තිය ගැන මනා ලෙස පැහැදුනු තේරීම් කමිටුවේ නිලධාරීන් ඔහුව ජාතික සංචිතයේ පුහුණුවීම් වලට කැඳවන්නේ 2016 වසරේ ආසියානු පළමු කාණ්ඩයේ තරග වෙනුවෙන්. එදා නිවංක හිතලාවත් නැතුව ඇති ඔහුට ජාතික තලයේ රග්බි ක්‍රීඩකයෙක් වෙන්න පුළුවන් වෙයි කියලා. නමුත් වාසනාව ඔහුව හොයාගෙන එන්නේ කවුරුත්ම නොසිතූ විදිහකට.

නිවංකගේ පාසල් කාලය ගැන ඔහු අපට කිව්වේ මෙහෙම කතාවක්.

ඔහු පාසලේ මලල ක්‍රීඩකයෙක්. පුංචි නිවංක ඒ දවස් වල පෙරුම් පුරලා තියෙන්නේ ශ්‍රී ලංකාව වෙනුවෙන් මලල ක්‍රීඩාවෙන් දස්කම් පාන්න. ඔහු පාසල් කාලයේ හෙල්ල විසිකිරීම, යගුලිය දැමීම හා කවපෙත්ත විසිකිරීම යන ඉසව් වල ඉහළ දක්ෂතාවයක් පෙන්වූවා. නමුත් ඔහු මේ සියල්ලම කළේ ඔහුගේ පවුලට හොරෙන්. මොකද ඔහු බය වුනා ඔහුගේ විෂය බාහිර ක්‍රියාකාරකම් වලට තම නිවසින් විරුද්ධ වෙයි කියලා. කෙමෙන් කෙමෙන් කලාප, දිස්ත්‍රික්ක හා සමස්ත ලංකා මට්ටම තෙක් ඔහු ඉහළ නගිද්දී ඔහුගේ දෙමාපියන් ඔහුගේ පසුපසින්ම සිට ඔහුව දිරිගන්වන්නේ තම පුතුගේ දක්ෂතා අගයමින්.

බෝංචි ඇට සහ බත් කා, ශූරයාව බිම දැමූ ඇන්ඩි රුයිස්

හෙවිවෙයිට් බොක්සිං ඉතිහාසය අනපේක්ෂිත …..


එසේම නාවික හමුදාවට එක්වීමෙන් අනතුරුව ඔහු වේගයෙන් තම දක්ෂතාවය ඔප්නංවමින් “අන්තර් ඒකක ශූරතාවලි” හොබවන්නේ ඉහළ නිලධාරීන්ගේ පැසසුමට ලක්වෙමින්. ඒත් සමඟම ඔහුගේ කාය ශක්තිය හා වෙනත් දක්ෂතා ගැන පැහැදුනු එම නිලධාරීන් ඔහුට රග්බි ක්‍රීඩාව සඳහා ඇරයුම් කරන්නේ ඔහුගේ සැඟවුනු දක්ෂතා එළියට ගැනීමේ අරමුණින්.

2009 වසරට පෙර මලල ක්‍රීඩා ශූරයෙකු වූ නිවංක ප්‍රසාද් අද වනවිට ශ්‍රී ලංකා ජාතික රග්බි සංචිතයේ සාමාජිකයෙකු ලෙස තේරී පත්වෙන්නේ ඔහුත් නොසිතූ විලසින්.

2009 වසර වනවිට නිවංකට රග්බි ක්‍රීඩාව ගැන තිබුනේ ඉතාම අල්ප දැනුමක් පමණයි. ඒත් ඔහුගේ පුහුණුකරුවන් ඔහුට මූලික පුහුණුව ලබාදෙමින් ඔහුව පරිපූර්ණ රග්බි ක්‍රීඩකයෙකු කිරීමේ වගකීම බාරගන්නේ නිවංකට විශාල ශක්තියක් වෙමින්.


නාවික හමුදා ක්‍රීඩා සමාජයේ C කාණ්ඩයේ රග්බි කණ්ඩායමට ක්‍රීඩා කළ නිවංක පසුව කෙමෙන් කෙමෙන් ඔහුගේ දක්ෂතා පෙන්වමින් 2013 වසරේදී නාවික හමුදා රග්බි සංචිතයේ A කාණ්ඩයේ සංචිතයට තමන්ගේ නම ඇතුළත් කරගන්නේ “Flanker” ක්‍රීඩකයෙකු ලෙසින්.

ඒ පිළිබඳව නිවංක අපට කිව්වේ මෙහෙම.

“මගේ දක්ෂතා සියල්ලක්ම වෙනුවෙන්ම මම නාවික හමුදාවට, මගේ පුහුණුකරුවන්ට වගේම මාත් සමඟ ක්‍රීඩා කරන ක්‍රීඩකයින්ට මගේ ස්තූතිය පුද කරනවා. මොකද ඔවුන් නැතිනම් අද මම මෙම ස්ථානයේ නෑ.”

2016 වසර වනවිට නිවංක ප්‍රසාද් කියන්නේ ශ්‍රී ලංකාවේ රග්බි ක්‍රීඩාවේ විශේෂ චරිතයක්. තරග 40කට වැඩි ප්‍රමාණයක් ක්‍රීඩා කර උත්සාහක දිනුමක්ද සමඟින් තම නාමය ඉහළින් රඳවාගත් නිවංක, 2014 වසරේ ලීග ශූරතාව හෙබවූ නාවික හමුදා කණ්ඩායමේ සාමාජිකයෙක්.

වසර 10ක කාලයක් නාවික හමුදාව වෙනුවෙන් ක්‍රීඩා කිරීමෙන් අනතුරුව නිවංක එක්වන්නේ CH&FC ක්‍රීඩා සමාජයටයි. එහිදී ඔහු දස්කම් පාන්නේ “Flanker” ක්‍රීඩකයෙකු ලෙසින් උත්සාහක දිනුම් 4ක්ද වාර්තා කරමින්.

“අඩුපාඩු සියල්ල හදාගන්නවා” – නිසාම් අලී

2023 FIFA ලෝක කුසලානය සඳහා ආසියානු සුදුසුකම් ……..


දැන් නිවංකගේ වයස 32ක්. අද වනවිට ඔහු ශ්‍රී ලංකා කණ්ඩායමට නැතුවම බැරි සාමාජිකයෙක්.

“මගේ හිත හා මගේ ගත ක්‍රියා කරනතාක් කල් මගේ රට වෙනුවෙන් ක්‍රීඩා කරන්නට මම සූදානම්. මලල ක්‍රීඩාවෙන් අන්තර්ජාතික වශයෙක් කිරීමට නොහැකි වූ දේ මම රග්බි ක්‍රීඩාවෙන් කරන්නට සූදානම්.” කියලා නිවංක අපිට කිව්වේ අහිංසක සිනාවක්ද සමඟින්.

 >> තවත් විශේෂාංග ලිපි සඳහා පිවිසෙන්න <<