පසුගිය දා නිමා වූ ශ්‍රී ලංකා නවසීලන්ත විස්සයි විස්ස තරගාවලිය වාර්තා රැසකින් සමන්විත වූ අතර එම තරගාවලියේ දී කණ්ඩායම් දෙකේම ක්‍රීඩකයන් දැක්වූ දක්ෂතා ලෝක විස්සයි විස්ස ශ්‍රේණිගත කිරීම්වල වෙනස්කම් කීපයක්ම සිදු කිරීමට සමත්ව ඇත.
ශ්‍රී ලංකාවේ විශිෂ්ටතම පන්දු යවන්නා වන ලසිත් මාලිංග, කුසල් මෙන්ඩිස්, නිරෝශන් දික්වැල්ල, ඉසුරු උදාන මෙන්ම ලක්ශාන් සඳකැන් ද, නවසීලන්තයේ තුන් ඉරියව් ක්‍රීඩක මිචෙල් සැන්ට්නර්, නායක ටිම් සවුති, කොලින් ඩී ග්‍රැන්ඩ්හොම් ද එහි දී කැපී පෙනෙන වර්ධනයක් ලබාගෙන ඇත.
Mali Trick එකෙන් උණුසුම් වුන මුහුණු පොතේ ප්‍රබලයෝ දක්වපු අදහස්!
ශ්‍රී ලංකා නවසීලන්ත තුන්වැනි විස්සයි විස්ස තරගය ඊයේ (6) නිමා වූයේ ශ්‍රී ලංකා කණ්ඩායමට ජයග්‍රහණය හිමිකර දෙමිනි.
මාලිංග අවසන් තරගයේ දී ලබා ගත් කඩුලු 5ට පිට පිට ලබා ගත් කඩුලු 4ක් ද ඇතුළත් වූ අතර ඔහු තරගාවලියේ ලබා ගත් මුළු කඩුලු සංඛ්‍යාව 7කි. මාලිංග තරගාවලියට පෙර විස්සයි විස්ස ශ්‍රේණිගත කිරීම්වල 41 වැනි ස්ථානයේ පසු වූ අතර නවතම ශ්‍රේණිගත කිරීම්වල ඔහුට 21 වැනි ස්ථානය හිමිව ඇත.
සැන්ට්නර් තරගාවලියේ දී කඩුලු 4ක් ලබා ගත් අතර එම දක්ෂතා ඔහුට ශ්‍රේණිගත කිරීම්වල මුල් 5 දෙනා අතරට පැමිණීමට හේතුවී ඇත. මීට පෙර ඔහු 11 වැනි ස්ථානයේ පසුවිය. නවසීලන්ත නායක ටිම් සවුති ස්ථාන 14ක් ඉදිරියට පැමිණෙමින් 15 වැනි ස්ථානය ලබාගෙන ඇති අතර කොලින් ඩී ග්‍රැන්ඩ්හොම් පිතිකරුවන් ලැයිස්තුවේ 80 වැනි ස්ථානය ලබාගෙන ඇත.
ශ්‍රී ලංකා කණ්ඩායම වෙනුවෙන් කුසල් මෙන්ඩිස් ස්ථාන 33ක් ඉදිරියට පැමිණෙමින් 40 වැනි ස්ථානයට පත්ව ඇති අතර නිරෝශන් දික්වැල්ල ස්ථාන 28ක් ඉදිරියට පැමිණෙමින් 54 වැනි ස්ථානය ලබාගෙන ඇත. පන්දු යවන්නන්ගේ ශ්‍රේණිගත කිරීම්වල ඉසුරු උදාන 50 වැනි ස්ථානයට ද, ලක්ශාන් සඳකැන් 70 වැනි ස්ථානය ද ලබාගෙන ඇත.
විස්සයි විස්ස කණ්ඩායම් ශ්‍රේණිගත කිරීම්වල පෙරමුණ තවමත් පාකිස්තානය සතුවන අතර නවසීලන්තය හයවැනි ස්ථානයේ ද ශ්‍රී ලංකා කණ්ඩායම අටවන ස්ථානයේ ද රැඳී සිටී.
රංගනලා 176 බස් එකේ නැගලා ගියේ කොහේද?
ලෝකයේ මෙතෙක් බිහි වූ අංක එකේ වමත් පිතිකරුවා ලෙස කුමාර් සංගක්කාර අවිවාදයෙන් පිළිගැනේ. ඔහුගේ නොනවතින ලකුණු……
නවතම පිතිකරණ ශ්‍රේණිගත කිරීම්
| ස්ථානය | +/- | ක්‍රීඩකයා | කණ්ඩායම | ලකුණු | සාමාන්‍ය |
| 1 | – | බාබර් අසාම් | පාකිස්තානය | 896 | 54.21 |
| 2 | +1 | ග්ලෙන් මැක්ස්වෙල් | ඕස්ට්‍රේලියාව | 815 | 34.40 |
| 3 | -1 | කොලින් මුන්රෝ | නවසීලන්තය | 796 | 31.91 |
| 4 | – | ආරොන් ෆින්ච් | ඕස්ට්‍රේලියාව | 782 | 37.13 |
| 5 | – | සසායි | ඇෆ්ගනිස්තානය | 718 | 75.60 |
| 6 | – | ඩාර්සි ශෝට් | ඕස්ට්‍රේලියාව | 715 | 32.88 |
| 7 | – | ලෝකේශ් රාහුල් | ඉන්දියාව | 689 | 42.80 |
| 8 | – | ෆකර් සමාන් | පාකිස්තානය | 681 | 25.79 |
| 9 | – | රෝහිත් ශර්මා | ඉන්දියාව | 678 | 32.72 |
| 10 | – | ඇලෙක්ස් හේල්ස් | එංගලන්තය | 668 | 31.01 |
| 40 | +33 | කුසල් මෙන්ඩිස් | ශ්‍රී ලංකාව | 496 | 21.85 |
| 54 | +28 | නිරෝශන් දික්වැල්ල | ශ්‍රී ලංකාව | 446 | 21.20 |
| 80 | +43 | කොලින් ඩී ග්‍රැන්ඩ්හොම් | නවසීලන්තය | 361 | 19.15 |
නවතම පන්දු යවන්නන්ගේ ශ්‍රේණිගත කිරීම්
| ස්ථානය | +/- | ක්‍රීඩකයා | කණ්ඩායම | ලකුණු | සාමාන්‍ය |
| 1 | – | රශීඩ් ඛාන් | ඇෆ්ගනිස්තානය | 780 | 11.56 |
| 2 | – | ඉමාඩ් වසීම් | පාකිස්තානය | 710 | 19.53 |
| 3 | – | ශදාබ් ඛාන් | පාකිස්තානය | 706 | 18.59 |
| 4 | – | අඩිල් රශීඩ් | 702 | 24.86 | |
| 5 | +6 | මිචෙල් සැන්ට්නර් | නවසීලන්තය | 673 | 20.71 |
| 6 | -1 | ඇඩම් සැම්පා | ඕස්ට්‍රේලියාව | 672 | 19.43 |
| 7 | -1 | කුල්දීප් ය යාදව් | ඉන්දියාව | 658 | 12.97 |
| 7 | -1 | ශකීබ් අල් හසන් | බංග්ලාදේශය | 658 | 20.15 |
| 9 | – | ඇන්ඩිල් ෆෙලුක්වායෝ | දකුණු අප්‍රිකාව | 649 | 17.92 |
| 10 | – | ෆහීම් අශ්රෆ් | පාකිස්තානය | 641 | 21.91 |
| 15 | +14 | ටිම් සවුති | නවසීලන්තය | 623 | 25.38 |
| 21 | +20 | ලසිත් මාලිංග | ශ්‍රී ලංකාව | 592 | 19.02 |
| 50 | +3 | ඉසුරු උදාන | ශ්‍රී ලංකාව | 472 | 36.66 |
| 70 | +30 | ලක්ශාන් සඳකැන් | ශ්‍රී ලංකාව | 414 | 18.66 |
නවතම තුන් ඉරියව් ක්‍රීඩක ශ්‍රේණිගත කිරීම්
| ස්ථානය | +/- | ක්‍රීඩකයා | කණ්ඩායම | ලකුණු |
| 1 | – | ග්ලෙන් මැක්ස්වෙල් | ඕස්ට්‍රේලියාව | 390 |
| 2 | – | ශකීබ් අල් හසන් | බංග්ලාදේශය | 338 |
| 3 | – | මොහොමඩ් නබි | ඇෆ්ගනිස්තානය | 330 |
| 4 | – | මහමදුල්ලා | බංග්ලාදේශය | 240 |
| 5 | – | ශෝන් විලියම්ස් | සිම්බාබ්වේ | 223 |
ලෝක විස්සයි විස්ස සම්පූර්ණ ශ්‍රේණිගත කිරීම්
>> තවත් ක්‍රිකට් පුවත් සඳහා පිවිසෙන්න <<
