රග්බි තරග 800කට වැඩි ප්‍රමාණයකට විනිසුරුකරණයෙන් දායකත්වය දැක්වූ ශ්‍රී ලංකාවේ ප්‍රවීණ රග්බි විනිසුරුවරයෙකු වන ඩින්කා පීරිස් මෙවර මයිලෝ ජනාධිපති කුසලාන පිළිමළුන් පිටුදැකීමේ තරගාවලියේ අවසන් මහා තරගයෙන් පසු තම විනිසුරු දිවියෙන් විශ්‍රාම යන බව දන්වා ඇත.
ආනන්දයට වැඩ වරදී!
2019 මයිලෝ ප්‍රිමියර් කුසලාන පිළිමළුන් පිටුදැකීමේ තරගාවලියේ අවසන් පූර්ව….
විනිසුරු ඩින්කා පීරිස් 1999 සිට 2019 දක්වා දශක දෙකක් පුරාවට ශ්‍රී ලංකා රග්බි ක්‍රීඩාවට විනිසුරුවරයෙක් වශයෙන් විශාල සේවයක් ඉටු කළ අයෙකි. මොරටුව වේල්ස් කුමර විදුහලෙන් ප්‍රාථමික අධ්‍යාපනය ලැබූ ඩින්කා පීරිස්, පාසල් වියේ දී ක්‍රිකට් ක්‍රීඩකයෙකු විය.
පාසල් වියේ දී ඔහු රග්බි ක්‍රීඩාවේ නියැලුණේ නැතත් පාසල් වියේ සිටම කොළඹ දී පැවැත්වෙන ඕනෑම රග්බි තරගයක් නැරඹීමට යාම ඔහුට පුරුද්දක්ව තිබුණි.
ශ්‍රී ලාංකේය රග්බි ක්‍රීඩාවට මහත් ඇල්මක් දැක්වූ ඩින්කා පීරිස් රග්බි ක්‍රීඩාවට හඳුන්වා දුන්නේ Freight Links ආයතනයේ ගාමිණී ගුණරත්න මහතා ය (ඔමල්ක ගුණරත්නගේ පියා). Freight Links ආයතනය වෙනුවෙන් 1994 සහ 1995 යන වසරවල දී වෙළඳසේවා සත් සාමාජික රග්බි කණ්ඩායමේ Scrum Half ක්‍රීඩකයා වූයේ ඩින්කා පීරිස් ය. ඩින්කා පීරිස් ඔහුගේ පළමු රග්බි තරගය ක්‍රීඩා කරන්නේ 1994 වසරේ දී ය.
වැරදුනේ කොතනද?
කොළඹ ඉසිපතන විද්‍යාලය යනු ‘ශ්‍රී ලංකාවට වැඩියෙන්ම රග්බි ක්‍රීඩකයින්….
1999 වර්ෂයේ දී ශ්‍රී ලංකා රග්බි විනිසුරුවන්ගේ සංගමයට බැඳුණු ඩින්කා ඒ පිළිබඳව අදහස් දැක්වූයේ මෙසේය.
“මම 1999 දී පුවත්පතක දැන්වීමක් දැක්කා ශ්‍රී ලංකා රග්බි විනිසුරුවන්ට ඇබෑර්තු තිබෙනවා කියලා. ඉතින් මං හිතුවා රග්බි විනිසුරුවරයෙකු වෙන්න”
එතැන් පටන් අද දක්වා ඔහු දේශීය මෙන්ම විදේශීය තරගාවලි විශාල ප්‍රමාණයක විනිසුරුවරයෙකු ලෙස ක්‍රියා කර තිබෙන්නේ ශ්‍රී ලංකාවට විශාල කීර්තියක් ද ගෙන එමිනි.
“මම විනිසුරුවරයෙකු විදිහට 1999 දී මුලින්ම සහභාගී වුනේ Club 7s Tournament එකකට, ඒ Goal Touch Judge Cadet Ref කෙනෙක් විදිහට. 2013 වසරේ දී මම ලෝක රග්බි විනිසුරුවන්ගෙන් 3 වැනි මට්ටමේ විනිසුරුවරයෙකු වශයෙන් සුදුසුකම් ලැබුවා. ඒ වගේම මම බ්‍රැඩ්බි තරග 4ක, ඒ කියන්නේ 2015, 2016, 2017, 2018 යන වර්ෂවල දී පළමු අදියරේ තරග විනිසුරුවරයෙකු වශයෙන් ද ක්‍රියා කර තිබෙනවා. පසුව 2018 වර්ෂයේ ලෝක රග්බි විනිසුරුවන්ගෙන් පළමු මට්ටමේ CMO (ප්‍රධාන තරග නිලධාරි) කෙනෙකු වශයෙන් ද සුදුසුකම් ලැබුවා”
“මම Dubai 7s, Malaysian Cobra 7s, Singapore Saints 7s වැනි ආසියානු රග්බි පාපන්දු සංගමයේ තරගාවලි විශාල ප්‍රමාණයක සහය විනිසුරු වශයෙන් ද ක්‍රියා කර තිබෙනවා”
“පාසල් රග්බි තරගවලට බාධාවක් නෑ!” – රංජිත් චන්ද්‍රසේකර
පාසල් රග්බි තරග සඳහා විනිසුරුවන් ලබා දීම තාවකාලිකව අත්හීටුවීම….
ඔහු ශ්‍රී ලංකාවේ විනිසුරුවරයෙකු ලෙස කටයුතු කළ තරග ගැන පැවසුවේ මෙසේය.
“මම මුලින්ම විනිසුරුවරයෙකු ලෙස ක්‍රියා කළ ශ්‍රී ලංකා පාසල් A කාණ්ඩයේ තරගය වුනේ 2001 වසරේ ජුනි පළමුවැනි දා තර්ස්ටන් ක්‍රීඩාංගණයේ දී පැවැත්වුණු මහානාම හා විද්‍යාර්ථ විදුහල් අතර තරගය. මුලින්ම අන්තර් සමාජ මට්ටමින් A කාණ්ඩයේ විනිශ්චය කරපු තරගය වුනේ 2004 වසරේ ජුනි 11 වැනිදා OZSC සහ CH&FC කණ්ඩායම් අතර පැවති තරගය. මගේ විනිසුරු දිවියේ මම ප්‍රධාන විනිසුරු, සහය විනිසුරු සහ ජ්‍යෙෂ්ඨ නිලධාරි ලෙස තරග 800කට වැඩි ප්‍රමාණයක ක්‍රියා කර තිබෙනවා”
ලබන 20 වැනිදායින් පසුව ඩින්කා පීරිස්ගේ සේවය නැවතත් රග්බි පිටියට නොලැබෙන නමුත් ඔහුගේ වසර 20ක සේවයෙන් ශ්‍රී ලංකා රග්බි රසිකයන් වන අපට ලැබුණු දේ බොහොමයකි.
වසර 20ක් මුළුල්ලේ ශ්‍රී ලාංකේය රග්බි විනිසුරුවරයෙකු ලෙසින් ක්‍රියා කළ විනිසුරු ඩින්කා පීරිස් විනිසුරුවරයෙකු ලෙස සහභාගී වන අවසන් තරගය වන මයිලෝ ජනාධිපති කුසලාන පිළිමළුන් පිටුදැකීමේ තරගාවලියේ අවසන් මහා තරගය වෙස්ලි විදුහල හා සාන්ත පීතර විදුහල අතර ලබන 20 වැනිදා පස්වරු 3.45 සිට ThePapare.com ඔස්සේ සජීවීව ඔබ වෙත ගෙන ඒමට අප සූදානම්. රැඳී සිටින්න ThePapare.com සමඟින්.
>> තවත් රග්බි පුවත් සඳහා පිවිසෙන්න – රග්බි පිටුවට <<
