2025ஆம் ஆண்டுக்கான டயலொக் கிரிக்கெட் விருதுகள் அறிவிப்பு

டயலொக் ஆசியாட்டா (Dialog Axiata) நிறுவனத்தின் பிரதான அனுசரணையிலான 2025ஆம் ஆண்டின் இலங்கை கிரிக்கெட் விருதுகள் நிகழ்வு நேற்று (06) வெற்றிகரமாக நடைபெற்றிருக்கின்றது.

>>இந்திய அணியுடன் மோதவுள்ள SLC XI குழாம் அறிவிப்பு<<

இந்த நிகழ்வில் கடந்த ஆண்டு (2025) சர்வதேச மற்றும் உள்ளூர் கிரிக்கெட்டில் சிறந்த முறையில் செயற்பட்டிருந்த இலங்கையின் முன்னணி ஆடவர் மற்றும் மகளிர் கிரிக்கெட் வீர, வீராங்கனைகள் கௌரவிக்கப்பட்டனர்.

குறிப்பிட்ட நிகழ்வில் கடந்த ஆண்டிற்கான சிறந்த கிரிக்கெட் வீரராக பெதும் நிஸ்ஸங்கவும், சிறந்த மகளிர் வீராங்கனையாக சாமரி அத்தபத்துவும் தெரிவு செய்யப்பட்டிருந்தனர்.

அத்துடன் பெதும் நிஸ்ஸங்க டெஸ்ட் மற்றும் T20I போட்டிகளுக்கான  சிறந்த துடுப்பாட்டவீரர் விருதுகளையும் வென்றிருந்தமை குறிப்பிடத்தக்கது.

>>டெல்லி கேபிடல்ஸின் தலைவராக அக்ஸர் படேல் நியமனம்<<

மறுமுனையில் கமில் மிஷார 2025ஆம் ஆண்டின் வளர்ந்து வரும் ஆடவர் வீரராக தெரிவு செய்யப்பட்டிருந்தார். இவை தவிர வெவ்வேறு பிரிவுகளில் ஆடவர் மற்றும் மகளிர் கிரிக்கெட் வீராங்கனைகள் விருதுகள் வழங்கப்பட்டு கௌரவிக்கப்பட்டிருந்தனர்.

ஆடவர் பிரிவு விருதுகள்

• ஆண்டின் சிறந்த ஆடவர் கிரிக்கெட் வீரர்: பெதும் நிஸ்ஸங்க
• ஆண்டின் வளர்ந்து வரும் ஆடவர் வீரர்: கமில் மிஷார
• சிறந்த டெஸ்ட் துடுப்பாட்டவீரர்: பெதும் நிஸ்ஸங்க
• சிறந்த டெஸ்ட் பந்துவீச்சாளர்: பிரபாத் ஜயசூரிய
• சிறந்த டெஸ்ட் சகலதுறைவீரர்: தனஞ்சய டி சில்வா
• சிறந்த ஒருநாள் துடுப்பாட்டவீரர்: சரித் அசலங்க
• சிறந்த ஒருநாள் பந்துவீச்சாளர்: அசித பெர்னாண்டோ
• சிறந்த ஒருநாள் சகலதுறைவீரர்: வனிந்து ஹசரங்க
• சிறந்த T20I துடுப்பாட்டவீரர்: பெதும் நிஸ்ஸங்க
• சிறந்த T20I பந்துவீச்சாளர்: துஷ்மன்த சமீர
• சிறந்த T20I சகலதுறைவீரர்: தசுன் ஷானக

மகளிர் பிரிவு விருதுகள்

• சிறந்த மகளிர் கிரிக்கெட் வீராங்கனை: சாமரி அத்தபத்து
• சிறந்த ஒருநாள் துடுப்பாட்ட வீராங்கனை: ஹர்ஷிதா மாதவி சமரவிக்ரம
• சிறந்த ஒருநாள் பந்துவீச்சாளர்: சாமரி அத்தபத்து
• சிறந்த ஒருநாள் சகலதுறை வீராங்கனை: சாமரி அத்தபத்து
• சிறந்த T20I துடுப்பாட்ட வீராங்கனை: சாமரி அத்தபத்து
• சிறந்த T20I பந்துவீச்சாளர்: கவீஷா டில்ஹாரி
• சிறந்த T20I சகலதுறை வீராங்கனை: சாமரி அத்தபத்து

>> மேலும் கிரிக்கெட் செய்திகளைப் படிக்க<<