நேற்று (08) கொழும்பு ஆர். பிரேமதாச சர்வதேச கிரிக்கெட் மைதானத்தில் நடைபெற்று முடிந்திருக்கும் 2026 லங்கா பிரீமியர் லீக் (LPL) தொடரின் இறுதிப்போட்டியில் ஜப்னா கிங்ஸ் அணியை 5 விக்கெட்டுக்கள் வித்தியாசத்தில் வீழ்த்தி கோல் கெலன்ட்ஸ் அணி தனது முதல் LPL சம்பியன் பட்டத்தை சுவீகரித்துள்ளது.   இரண்டாவது அணியாக LPL 2026 இறுதிப் போட்டியில் கோல் கெலன்ட்ஸ் முன்னதாக ஜப்னா கிங்ஸ் போட்டியின் நாணய சுழற்சியில் வென்று முதலில் துடுப்பாட்டத்தினை தெரிவு செய்து கொண்டது. முதலில் துடுப்பாட்டத்தினை தெரிவு செய்த ஜப்னா கிங்ஸ், கோல் கெலன்ட்ஸ் அணியின் சிறந்த பந்துவீச்சு காரணமாக ஆரம்பம் முதலே விக்கெட்டுக்களை இழந்து தவித்த நிலையில் அவர்கள் 19.3 ஓவர்களில் அனைத்து விக்கெட்டுக்களையும் இழந்து 123 ஓட்டங்கள் மாத்திரம் பெற்றனர்.   ஜப்னா அணியின் துடுப்பாட்டத்தில் கமில் மிஷார அதிகபட்சமாக 32 பந்துகளில் 5 பௌண்டரிகளுடன் 41 ஓட்டங்கள் எடுத்தார். கோல் அணியின் பந்துவீச்சில் சரித் அசலன்க மற்றும் எஷான் மாலிங்க ஆகிய இருவரும் தலா 3 விக்கெட்டுக்களையும், தரிந்து ரத்நாயக்க 2 விக்கெட்டுக்களையும் சுருட்டினர்.   பின்னர் சவால் குறைந்த 124 ஓட்டங்களை பெற்றால் வெற்றி என களமிறங்கிய கோல் கெலன்ட்ஸ் அணி, ஆரம்பத்தில் ஒரு சரிவை சந்தித்த போதும் 15.5 ஓவர்களில் 5 விக்கெட் இழப்பிற்கு 126 ஓட்டங்கள் எடுத்து போட்டியில் வெற்றி பெற்றது.  இலங்கை டெஸ்ட் தொடரில் இவ்வாரம் இணையும் சுதர்ஷன் அணியின் வெற்றியினை சிக்ஸர் ஒன்றின் மூலம் உறுதி செய்த தசுன் ஷானக  9 பந்துகளில் 2 பௌண்டரிகள் மற்றும் ஒரு சிக்ஸர் அடங்கலாக 20 ஓட்டங்கள் பெற்றார்.  அத்துடன் தோமஸ் ரோஜர்ஸ் 5 பௌண்டரிகள் அடங்கலாக 27 பந்துகளில் 34 ஓட்டங்கள் எடுத்தார்.   ஜப்னா அணியின் பந்துவீச்சில் ட்ரவின் மெதிவ் மற்றும் சகீப் அல் ஹசன் ஆகியோர் தலா 2 விக்கெட்டுக்கள் வீதம் கைப்பற்றியும் அது வீணாகியது. போட்டியின் ஆட்டநாயகனாக கோல் அணியின் சரித் அசலங்கவும், தொடர் நாயகனாக ஜப்னா அணியின் கமில் மிஷாரவும் தெரிவாகினர்.    ஸ்கோர் விபரம்  >>மேலும் கிரிக்கெட் செய்திகளைப் படிக்க<<  

கொழும்பு ஆர். பிரேமதாச சர்வதேச கிரிக்கெட் மைதானத்தில் நேற்று (07) நடைபெற்ற லங்கா பிரீமியர் லீக் (LPL) 2026 தொடரின் இரண்டாவது கொலிபையர் (Qualifier 2) போட்டியில் கொழும்பு கேப்ஸ் அணியை 6...

ICC Fan Parks වැඩසටහන පසුගිය පෙබරවාරි මස 08 වන දා සිට මාර්තු මස 08 වන දා දක්වා මාසයක් පුරාවට 2026 විස්සයි විස්ස පිරිමි ලෝක කුසලානයට සමඟාමීව දිවයිනේ...

The ICC Fan Parks – ICC Men’s T20 World Cup 2026 program was held in agrand manner on Sunday, March 8th at Muttavelli Stadium, Jaffna, alongside...