ආසියානු රග්බි පිටියේ විවේකය දීර්ඝ කෙරේ

126

පැතිර යන කොරෝනා වයිරස තත්වය සැලකිල්ලට ගනිමින් 2020 වසරේ තෙවැනි කාර්තුවේ දී පැවැත්වීමට නියමිතව තිබූ සියලුම රග්බි තරගාවලි සහ තරග කාලසටහන් අවලංගු කිරීමට ආසියානු රග්බි සංගමය පසුගිය දා තීරණය කරන ලදි.

Investec Super Rugby නැරඹීමට ප්‍රේක්‍ෂකයින්ටත් අවස්ථාව

ඒ අනුව මෙම වසරේ තුන්වැනි කාර්තුව අවසානය දක්වා පැවැත්වීමට නියමිත තරග සියල්ල අවලංගු වන අතර නව තරගාවලි කාලසටහනක් අගෝස්තු මස 01 වැනිදා ප්‍රකාශයට පත් කිරීමට නියමිතව ඇත.

ලෝක රග්බි සංගමය මගින් සියලුම රග්බි සංවිධාන සඳහා නැවත ක්‍රීඩා කිරීම සඳහා මාර්ගෝපදේශයක් නිකුත් කර තිබූ නමුත් තරගකරුවන්, ප්‍රේක්ෂකයන් ඇතුළු ක්‍රීඩාවට සම්බන්ධ වන සියලුම පාර්ශවයන්ගේ ආරක්ෂාව වෙනුවෙන් ආසියානු රග්බි සංගමය විසින් මෙම තීරණය ගෙන ඇති අතර ඒ පිළිබඳව අදහස් දක්වමින් ආසියානු රග්බි සංගමයේ සභාපතිවරයා ප්‍රකාශ කර සිටියේ තරගකරුවන්, ප්‍රේක්ෂකයන් ඇතුළු සියලුම දෙනාගේ සෞඛ්‍ය සහ ආරක්ෂාව තම සංගමයේ මූලික අරමුණ බවයි.

රග්බි පුහුණුකරු ගෙදර යවයි

මෙම තීරණය, ආසියානු රග්බි පිටියේ ඉහළ දස්කම් දැක්වීමේ අරමුණින් පසුගිය දා නම් කළ ශ්‍රී ලංකා පුහුණු සංචිතවලට ද බලපෑම් එල්ල කරන අතර ඉදිරි තරගාවලි අවලංගු වීම නිසාවෙන් ශ්‍රී ලංකා රග්බි සම්මේලනයට තම නව සැලසුම් ක්‍රියාත්මක කිරීමට තවත් කාලයක් බලාසිටීමට සිදු වනු ඇත.

මීට අමතරව ශ්‍රී ලංකා ජාතික කණ්ඩායමේ හිටපු පුහුණුකරු වන මැට් ලී මහතා ද පසුගිය මාසයේ දී සිය ධූරයෙන් ඉවත් කරන ලදි.

>> තවත් රග්බි පුවත් සඳහා පිවිසෙන්න – රග්බි පිටුවට <<