එංගලන්ත දේශීය ක්‍රිකට් ගැන ඇන්ඩර්සන් බියෙන්

39
 

එංගලන්ත වේගපන්දු යවන්නෙකු වන ජේම්ස් ඇන්ඩර්සන් මේ දිනවල පැතිර යන කොරෝනා වයිරසය නිසාවෙන් දේශීය හා ජාත්‍යන්තර ක්‍රිකට් තරගාවලි මුළුමනින්ම අතහැර දැමීමට සිදු වේ යැයි මත පලකර තිබේ. 

2020 ග්‍රීෂ්ම සෘතුව සඳහා පවත්නා ව්‍යුහය පවත්වා ගත හැකි ද යන්න සොයා බැලීම සඳහා එංගලන්ත හා වේල්ස් ක්‍රිකට් මණ්ඩලය ඊයේ (19) පළමු කාණ්ඩයේ ප්‍රාන්ත 18 සමඟ සාකච්ඡා කිරීමට නියමිතව තිබුණි. 

විනෝදාත්මක ක්‍රීඩා අත්හිටුවීම නිර්දේශ කිරීමට එංගලන්ත ක්‍රිකට් ආයතනය පසුගිය බදාදා (18) තීරණය කළේය. ඉන් අනතුරුව මෙම සාකච්ඡාව පැවැත්වීම විශේෂත්වයකි.

අතරමග නැවතුණු ශ්‍රී ලංකා ක්‍රිකට් තරගාවලි

පසුගිය වසරේ දෙසැම්බරයේ දී ලොව පුරා පැතිර යාම ආරම්භ කල නව කොරෝනා වයිරසය අද …….

County ශූරතාවලිය අප්‍රේල් මස 12 වැනිදා ආරම්භ කිරීමට අදහස් කළ නමුත්, මේ පවතින තත්ත්වය අනුව එය වැඩි වැඩියෙන් ප්‍රමාද වීම පෙනෙන්නට තිබුණි. මහජන රැස්වීම් වළක්වා ගැනීම සඳහා බ්‍රිතාන්‍ය රජයේ උපදෙස් අනුව සියලු ක්‍රීඩා නවතා දැමීමට එංගලන්ත ක්‍රිකට් ආයතනයට සිදුවි ය.

“ක්‍රිකට් සහ ක්‍රීඩාව යනු සියල්ලම නොවිය යුතු අතර සියල්ල අවසන් කළ යුතු නමුත් එය මගේ ජීවනෝපායයි. මම දන්නේ එපමණයි.” ඇන්ඩර්සන් BBC Tailenders පෝඩ්කාස්ට් වෙත පැවසීය.

“තරග සමය ආරම්භ කිරීමට අපහසුයි. සිදුවීමට යන්නේ කුමක්ද යන්න ටිකක් අවුල් සහගතය. මෙම ගිම්හානයේ දී අපට බෝලයක් වත් නොයැවීමට අවස්ථාවක් තිබෙනවා.”

එංගලන්තය වෙනුවෙන් ටෙස්ට් තරග 151ක් ක්‍රීඩා කර ඇති ඇන්ඩර්සන් පසුගිය ජනවාරි මාසයේ දී කේප් ටවුන්හිදී දකුණු අප්‍රිකාවට එරෙහිව අවසන් වරට ක්‍රීඩා කළේය. ඉල ඇටයක් කැඩී ආබාධයකට ලක්වීම නිසා ඔහුට තරගාවලියේ අවසන් තරග දෙක ක්‍රීඩා කිරීමට නොහැකි විය. 

37 හැවිරිදි ඔහු ශ්‍රී ලංකා තරගමාලාව සඳහා ඇතුලත්ව නොසිටි අතර ඔහු දේශීය තරග වාරය ආරම්භය සඳහා පූර්ණ සුවය ලබා ගනු ඇතැයි බලාපොරොත්තු විය. 

එංගලන්තයේ ප්‍රමුඛ පෙළේ වේගපන්දු ‍යවන්නෙකු හා වැඩිම ටෙස්ට් කඩුලු ලාභියා වන ලැන්කෂයර් වේගපන්දු යවන්නා තවදුරටත් මෙසේ පැවසීය: “මට ටිකක් කනස්සල්ලක් දැනෙනවා. ක්‍රිකට් අනාගතය පිළිබඳව නොදැන සිටීම මට ටිකක් කනස්සල්ලක් ගෙන දෙනවා.” 

එංගලන්තය ඔවුන්ගේ ශ්‍රී ලංකා සංචාරය පසුගිය සතියේ අවලංගු කිරීමට තීරණය කළේය. ඔවුන් මීළඟට බටහිර ඉන්දීය කොදෙව් කණ්ඩායම සමඟින් ටෙස්ට් තරග තුනකින් සමන්විත ටෙස්ට් තරගමාලාවකට එංගලන්තයේ දී ක්‍රීඩා කිරීමට නියමිතය.

නමුත් පැවැත්වීමට නොහැකි නම්, බටහිර ඉන්දීය කොදෙව් ක්‍රිකට් ආයතනය කැරිබියන් දූපතෙහි තරගාවලිය පැවැත්වීමට ඉදිරිපත් වී තිබේ.

කොදෙව් ක්‍රිකට් ආයතනයේ ප්‍රධාන විධායක ජොනී ග්‍රේව් පසුගිය බදාදා පැවසුවේ එංගලන්ත ක්‍රිකට් ආයතනයේ සහකාර ටොම් හැරිසන් සමඟ මේ පිළිබඳව සාකච්ඡා පැවැත්වූ බවයි.

අතරමග නැවතුණු ශ්‍රී ලංකා ක්‍රිකට් තරගාවලි

පසුගිය වසරේ දෙසැම්බරයේ දී ලොව පුරා පැතිර යාම ආරම්භ කල නව කොරෝනා වයිරසය…

“ඔව්, එය පැවැත්වීමට හැකි යැයි සලකන්නේ නම්, අපි කැරිබියන් දූපතෙහි සත්කාරකත්වය සැපයීමට ඉදිරිපත් වුනා.” ග්‍රේව් ESPNcricinfo වෙත පැවසීය.

එම තරගාවලියේ වාණිජ හා විකාශන අයිතීන් එංගලන්ත ක්‍රිකට් ආයතනය විසින් රඳවා ගනු ඇති බවත් ඔහු පවසා තිබිණි. 

මේ අතර හැම්ප්ෂයර් හි සභාපති රොඩ් බ්‍රාන්ස්ග්‍රෝව් පැවසුවේ සියලුම සිදුවීම් සඳහා ප්‍රාන්ත ‍සූදානමින් සිටින බවයි. 

“එය හොඳ අතට හැරීමට පෙර එය වඩාත් නරක අතට හැරෙනු ඇති අතර අපගේ නිගමනය වන්නේ විවිධ අවිනිශ්චිතතාවයන් සඳහා සැලසුම් තිබිය යුතු බවයි” බ්‍රාන්ස්ග්‍රෝව් BBC රේඩියෝ සොලෙන්ට් වෙත පැවසීය.

“මෙම සමය තුළ ඔවුන් කිසිසේත් ක්‍රිකට් ක්‍රීඩාවක් ඇතුළත් කර නැත. නමුත් එය දීර්ඝ කාලීන තීන්දුවක් නොවේ.” 

එංගලන්ත ක්‍රිකට් ආයතනයේ මුදල් සංචිතය ඩොලර් මිලියන 73 (ඩොලර් මිලියන 85, යුරෝ මිලියන 78) සිට ඩොලර් මිලියන 11 දක්වා පහත වැටී ඇත්තේ ප්‍රාන්ත ප්‍රදාන සඳහා වන පිරිවැය නිසාය.

ඔවුන්ගේ නවතම ගිණුම් මගින් “ක්‍රිකට් පාලනයෙන් පිටත සිදුවීම්” හේතුවෙන් තරග අහිමි වීම විශාල අවදානමක් ලෙස හඳුනා ගෙන ඇති අතර, පන්දු 100 තරගාවලිය ඉදිරියට යා යුතු ද නැතිනම් එහි ආරම්භක සමය ලබන වසර දක්වා ප්‍රමාද කළ යුතු ද යන්න තීරණය කිරීමට එංගලන්ත ක්‍රිකට් ආයතනයට දැන් සිදුවනු ඇත.

 >> තවත් ක්‍රිකට් පුවත් සඳහා පිවිසෙන්න <<