ஜப்பானில் நடைபெறும் ஆசிய விளையாட்டுப் போட்டிகளில் உள்ளடக்கப்பட்டிருக்கும் ஆடவர் T20 கிரிக்கெட் தொடரிற்கு தகுதி பெற்றுள்ள அணிகளும், உத்தியோகபூர்வ போட்டி அட்டவணையும் வெளியிடப்பட்டுள்ளது.
>>ஹர்ஷிதாவின் பொறுப்பான ஆட்டத்தால் இலங்கை மகளிருக்கு ஹெட்ரிக் வெற்றி<<
செப்டம்பர் 24 முதல் ஒக்டோபர் 3 வரை நடைபெறவுள்ள இந்த T20 தொடரில் ஆசியாவின் முன்னணி அணிகள் பலப்பரீட்சை நடத்தவுள்ளன.
குழுநிலைப் போட்டிகள்
மொத்தம் ஆறு அணிகள் பங்கெடுக்கும் இந்த தொடரில் குழுநிலைச் சுற்றில் பங்கேற்கும் அணிகள் இரண்டு பிரிவுகளாகப் பிரிக்கப்பட்டுள்ளன.
குழு A இல் ஆப்கானிஸ்தான், நேபாளம் மற்றும் போட்டியை நடத்தும் ஜப்பான் அணிகளும், குழு A இல் ஹொங்கொங், மலேஷியா மற்றும் ஓமான் ஆகிய அணிகளும் இடம்பெற்றுள்ளன. செப்டம்பர் 24ஆம் திகதி தொடங்கும் முதல் போட்டியில் ஆப்கானிஸ்தான் அணியை எதிர்த்து ஜப்பான் விளையாடுகின்றன.
பின்னர் தொடரின் நொக்அவுட் சுற்று (காலிறுதிப் போட்டிகள்) நடைபெறவுள்ளது. சர்வதேச T20 அணிகள் தரவரிசையின் அடிப்படையில் இந்தியா, பாகிஸ்தான், இலங்கை மற்றும் பங்களாதேஷ் ஆகிய நான்கு அணிகள் நேரடியாக காலிறுதி சுற்றுக்குத் தகுதி பெற்றுள்ளன.
செப்டம்பர் 28 ஆம் திகதி முதல் காலிறுதி ஆட்டத்தில் பாகிஸ்தான் அணியும், அதே தினத்தில் பின்னர் நடைபெறும் இரண்டாவது காலிறுதியில் இந்திய அணியும் களமிறங்குகின்றன. செப்டம்பர் 29 இலங்கை மற்றும் பங்களாதேஷ் ஆகிய அணிகள் தங்களின் காலிறுதி ஆட்டங்களில் விளையாடவுள்ளன.
இதனையடுத்து ஒக்டோபர் 1ஆம் திகதி அரையிறுதி ஆட்டங்கள் நடைபெறவுள்ளன. இறுதிப்போட்டி மற்றும் வெண்கலப் பதக்கத்திற்கான போட்டிகள் ஒக்டோபர் 3 ஆம் திகதி நடைபெறத் திட்டமிடப்பட்டுள்ளது.
முழுமையான போட்டி அட்டவணை
>>மேலும் கிரிக்கெட் செய்திகளைப் படிக்க<<
