இலங்கை வளர்ந்து வரும் கிரிக்கெட் அணிக்கும் மேற்கிந்தியத் தீவுகள் கிரிக்கெட் பயிற்சியக அணிக்கும் இடையிலான இரண்டு போட்டிகள் கொண்ட நான்கு நாள் கிரிக்கெட் தொடரின் முதலாவது போட்டி நேற்று (11 ஆம் திகதி) எந்தவித முடிவும் இன்றி சமநிலையில் நிறைவடைந்தது.
இப்போட்டியில் 22 வயது இளம் விக்கெட் காப்பு துடுப்பாட்ட வீரர் அஞ்சல பண்டார அடுத்தடுத்து பெற்ற இரண்டு அதிரடி சதங்கள் உட்பட, ஒட்டுமொத்தமாக இரு அணிகளாலும் 3 சதங்கள் மற்றும் 3 அரைச் சதங்கள் விளாசப்பட்டமை குறிப்பிடத்தக்கது.
கடந்த 8 ஆம் திகதி ஹம்பாந்தோட்டை மஹிந்த ராஜபக்ஷ மைதானத்தில் ஆரம்பமான இப்போட்டியில், நாணய சுழற்சியில் வென்று முதலில் துடுப்பெடுத்தாடிய இலங்கை அணி தனது முதல் இன்னிங்ஸிற்காக 90.2 ஓவர்கள் நிறைவில் அனைத்து விக்கெட்டுகளையும் இழந்து 356 ஓட்டங்களைப் பெற்றது. இலங்கை அணி சார்பாக அபாரமாக விளையாடிய அஞ்சல பண்டார 163 ஓட்டங்களைக் குவித்தார்.
இதனையடுத்து தனது முதல் இன்னிங்ஸைத் தொடங்கிய மேற்கிந்தியத் தீவுகள் கிரிக்கெட் பயிற்சியக அணி, 103.4 ஓவர்கள் விளையாடி அனைத்து விக்கெட்டுகளையும் இழந்து 381 ஓட்டங்களைப் பெற்றது. மேற்கிந்தியத் தீவுகள் அணி சார்பாக ரிவால்டோ கிளார்க் 127 ஓட்டங்களையும், மவிந்திரா டிண்டியால் 60 ஓட்டங்களையும் பெற்றனர். பந்துவீச்சில் இலங்கை அணியின் சக்தி உதார 102 ஓட்டங்களுக்கு 6 விக்கெட்டுகளைக் கைப்பற்றி அசத்தினார்.
- இலங்கை வரும் மேற்கிந்தியத் தீவுகள் வளர்ந்து வரும் கிரிக்கெட் அணி
- விறுவிறுப்பான போட்டியில் வெற்றியீட்டிய இந்தியா A அணி
- இலங்கைக்கு சுற்றுப்பயணம் மேற்கொள்ளவுள்ள பாக். மகளிர் அணி
மேற்கிந்தியத் தீவுகள் அணியை விட 25 ஓட்டங்கள் பின்தங்கிய நிலையில் தனது இரண்டாவது இன்னிங்ஸைத் தொடங்கிய இலங்கை அணி, நேற்றைய (11) நான்காவது கடைசி நாளில் ஆட்ட நேர முடிவின் போது 116 ஓவர்களில் 8 விக்கெட்டுகளை இழந்து 401 ஓட்டங்களைப் பெற்றிருந்தது. இதன் மூலம் மேற்கிந்தியத் தீவுகள் அணியை விட இலங்கை அணி 376 ஓட்டங்கள் முன்னிலையில் இருந்தது. எனினும், இறுதி நாளில் நிலவிய மோசமான வானிலை காரணமாக போட்டி நிறுத்தப்பட்டு, சமநிலையில் முடிவடைந்ததாக அறிவிக்கப்பட்டது.
இலங்கை அணியின் இரண்டாவது இன்னிங்ஸிலும் தூணாக நின்று விளையாடிய அஞ்சல பண்டார ஆட்டமிழக்காமல் 189 ஓட்டங்களைப் பெற்றார். (அவர் முதல் இன்னிங்ஸில் 19 பவுண்டரிகளையும், இரண்டாவது இன்னிங்ஸில் 13 பவுண்டரிகளையும் விளாசினார்). மேலும் புலிந்து பெரேரா 87 ஓட்டங்களையும், நிர்மால் 41 ஓட்டங்களையும் பெற்றனர்.
இரு அணிகளுக்கும் இடையிலான இரண்டாவது நான்கு நாள் போட்டி எதிர்வரும் 15 ஆம் திகதி இதே மைதானத்தில் நடைபெறவுள்ளது.
போட்டியின் சுருக்கம்
இலங்கை அணி முதலாவது இன்னிங்ஸ்: 356/10 (90.2) – அஞ்சல பண்டார 163, நிசல அபயரத்ன 48, அசித வன்னினாயக்க 41, சாருஜன் சண்முகநாதன் 25, ரையன் பெண்டோ 45/3, ஜொஹான் லைனி 68/3, ஜேட் பிளேட்ஸ் 83/2, அமாரி கொட்ரிட்ஜ் 40/1
மேற்கிந்தியத் தீவுகள் கிரிக்கெட் பயிற்சியக அணி முதலாவது இன்னிங்ஸ்: 381/10 (103.4) – ரிவால்டோ கிளார்க் 127, மவிந்திரா டிண்டியால் 60, ஷகீல் பாரிஸ் 55, ஜொஹான் லைனி 35, டிமெல் எவ்லின் 35, அமாரி கொட்ரிட்ஜ் 28. சக்தி உதார 102/6, சமோத் பெத்தகே 65/2, நிசல அபயரத்ன 76/2
இலங்கை அணி இரண்டாவது இன்னிங்ஸ்: 401/8 (116) – அஞ்சல பண்டார 189*, புலிந்து பெரேரா 87, தரிந்து நிர்மால் 41, தினுர களுபஹன 25, சக்தி உதார 12, ஜொஹான் லைனி 61/3, ஜேட் பிளேட்ஸ் 43/2, மவிந்திரா டிண்டியால் 22/1, அமாரி கொட்ரிட்ஜ் 40/1, ரையன் பெண்டோ 10/1
>>மேலும் கிரிக்கெட் செய்திகளைப் படிக்க<<
 எந்தவித முடிவும் இன்றி சமநிலையில் நிறைவடைந்தது.){kind=link}