வெற்றியுடன் லீக் சுற்றை நிறைவுசெய்த சீ ஹோக்ஸ்!

சுப்பர் லீக்கின் இறுதி லீக் போட்டியில் ப்ளூ ஈகல்ஸ் அணியை 2-0 என்ற கோல்கள் கணக்கில் சீ ஹோக்ஸ் அணி வீழ்த்தி வெற்றியினை பதிவுசெய்தது. 

ரத்னம் அணிக்கு எதிரான போட்டியை 3-1 என்ற கோல்கள் கணக்கில் வெற்றிக்கொண்ட ப்ளூ ஸ்டார் அணியினர் சுப்பர் 6 சுற்றுக்கு தகுதிப்பெற்ற நிலையில், துரதிஷ்டவசமாக ப்ளூ ஈகல்ஸ் அணி அடுத்த சுற்றுக்கு தகுதிபெறும் வாய்ப்பை இழந்தது. 

ரினோனை வீழ்த்தி 9 வெற்றிகளுடன் சுப்பர் 6 சுற்றில் அப்கண்ட்ரி லயன்ஸ்

இவ்வாறான நிலையில் ஆரம்பித்த இந்தப் போட்டியில் சீ ஹோக்ஸ் அணி தங்களுடைய ஆதிக்கத்தை செலுத்தியிருந்தது. சீ ஹோக்ஸ் அதிகநேரம் பந்தினை தக்கவைத்து பறிமாற்றி ஆடியபோதும், ப்ளூ ஈகல்ஸ் அணி பந்தினை தங்களிடம் தக்கவைக்கும் நேரம் குறைவாகவே இருந்தது. 

சீ ஹோக்ஸ் அணி சில வாய்ப்புகளை தவறவிட்ட போதும், ஆட்டத்தின் 12ஆவது நிமிடத்தில் பெனால்டி எல்லைக்கு வெளியிலிருந்து சீ ஹோக்ஸ் அணியின் மொஹமட் ஹஸ்மீர் பெனால்டி எல்லைக்குள் எடுத்துவந்து தட்டிக்கொடுத்த பந்தை டேவிட் கெண்டி கோலுக்குள் புகுத்தி அணியின் முதல் கோலை பதிவுசேய்தார். 

தொடர்ந்துவந்த சில வாய்ப்புகள் சீ ஹாக்ஸ் அணியால் தவறவிடப்பட, மனரம் பெரேரா பெனால்டி கட்டத்துக்கு வெளியிலிருந்து வேகமாக உதைத்த பந்தினை மிகச்சிறப்பாக தன்னுடைய வலது பக்கம் பாய்ந்து ப்ளூ ஈகல்ஸ் அணியின் கோல் காப்பாளர் தடுத்திருந்தார்.  

முதல் பாதி – சீ ஹோக்ஸ் எப்.சி 1-0 ப்ளூ ஈகல்ஸ் வி.க 

பின்னர் ஆரம்பித்த இரண்டாவது பாதியிலும் சீ ஹாக்ஸ் அணி ஆதிக்கத்தை செலுத்த, ப்ளூ ஈகல்ஸ் அணியினர் வாய்ப்புகளை உருவாக்குவதற்கு தவறியிருந்தனர். இதில் பெனால்டி எல்லைக்கு அருகில் கிடைத்த பிரீ கிக் வாய்ப்பொன்றையும் ப்ளூ ஈகல்ஸ் அணியினர் கோலாக தவறியிருந்தனர். 

மறுபக்கம் சீ ஹோக்ஸ் அணியினர் தொடர்ச்சியாக வாய்ப்புகளை உருவாக்கியிருந்தனர். இதின்மூலம், இரண்டாவது பாதி ஆரம்பித்த 19 நிமிடங்களுக்கு பிறகு, நவிந்து சில்வா பந்தை எடுத்துவந்து பெனால்டி எல்லைக்குள் இருந்த இஷகில் பெட்ரிக்குக்கு பரிமாற்ற, ப்ளூ ஈகல்ஸ் அணியின் பின்வரிசை வீரர்களின் பாதுகாப்பை தாண்டி இஷகில் அதனை கோலாக மாற்றினார். 

இரண்டாவது பாதியில் போட்டியை சமப்படுத்திய ரெட் ஸ்டார்

இந்த கோலுடன் 2-0 என சீ ஹோக்ஸ் அணி முன்னிலை பெற்றது. முன்னிலையின் பிறகும் பல கோல் முயற்சிகளை மேற்கொண்ட போதும், ப்ளூ ஈகல்ஸ் அணியின் கோல் காப்பாளர் மொஹமட் முர்ஷீத் சிறப்பாக அனைத்து வாய்ப்புகளையும் தடுத்திருந்தார். எனவே மேலதிக கோல்களின்றி போட்டியில் 2-0 என்ற கோல்கள் கணக்கில் சீ ஹோக்ஸ் அணி வெற்றிபெற்றது. 

சீ ஹோக்ஸ் அணி இந்த வெற்றியுடன் புள்ளிப்பட்டியலில் 18 புள்ளிகளுடன் இரண்டாவது இடத்தை பிடித்துக்கொண்டதுடன், 7ஆவது இடத்தை பிடித்த ப்ளூ ஈகல்ஸ் அணி சுப்பர் சிக்ஸ் சுற்றுக்கான வாய்ப்பை இழந்தது. 

• முழுநேரம் – சீ ஹோக்ஸ் எப்.சி 2-0 ப்ளூ ஈகல்ஸ் வி.க 
• கோல் பெற்றவர்கள் – டேவிட் கெண்டி 12’, பெட்ரிக் இஷகில் 64’ 

>> மேலும் கால்பந்து செய்திகளுக்கு <<