இலங்கை டெஸ்ட் குழாத்தில் சந்திமால், மதுஷ்க நீக்கம்

இந்திய அணிக்கு எதிரான இரண்டாவது டெஸ்ட் போட்டிக்கான 14 பேர் கொண்ட இலங்கை குழாம் இலங்கை கிரிக்கெட் தெரிவுக் குழு மூலம் அறிவிக்கப்பட்டுள்ளது.

>>இந்திய டெஸ்ட் தொடர்; கமில் மிஷார, சஹான் ஆராச்சிகேவிற்கு வாய்ப்பு<<

இந்திய அணி இரு போட்டிகள் கொண்ட டெஸ்ட் தொடரில் 1-0 என முன்னிலை அடைந்திருக்க, தீர்மானம் கொண்ட இரு அணிகளுக்குமிடையிலான இரண்டாவது டெஸ்ட் போட்டி, கொழும்பு SSC மைதானத்தில் ஞாயிற்றுக்கிழமை (23) ஆரம்பமாகின்றது.

இந்தத் தொடர் ஐ.சி.சி உலக டெஸ்ட் சாம்பியன்ஷிப் (2025–2027) அடங்குகின்றமையினால் முக்கிய மாற்றங்களுடன் இலங்கை குழாம் வெளியிடப்பட்டுள்ளது.

அறிவிக்கப்பட்ட அணியில் இருந்து அனுபவ துடுப்பாட்ட வீரர் தினேஷ் சந்திமால் உபாதை காரணமாகவும், ஆரம்ப துடுப்பாட்ட வீரர் நிஷான் மதுஷ்க போதிய துடுப்பாட்ட பிரகாசிப்பின்மை காரணமாகவும் நீக்கப்பட்டுள்ளனர். இவர்கள் ஒரு பக்கமிருக்க இதுவரை டெஸ்ட் அறிமுகம் பெறாத சஹான் ஆராச்சிகே மற்றும் கமில் மிஷார ஆகியோருக்கு வாய்ப்பு வழங்கப்பட்டிருக்கின்றது.

இலங்கை டெஸ்ட் குழாம்:

 

தனஞ்சய டி சில்வா (தலைவர்), கமிந்து மெண்டிஸ் (பிரதி தலைவர்), லஹிரு உதார, கமில் மிஷார, பசிந்து சூரியபண்டார, சஹான் ஆராச்சிகே, சொனால் தினுஷ, நிரோஷன் டிக்வெல்ல, கேஷார நுவன்த, பிரபாத் ஜயசூரிய, மிலான் ரத்நாயக்க, லஹிரு குமார, அசித பெர்னாண்டோ, விஷ்வ பெர்னாண்டோ.

>>மேலும் கிரிக்கெட் செய்திகளைப் படிக்க<<