இந்திய அணியுடனான இரண்டாவது டெஸ்ட் போட்டிக்கான இலங்கை குழாத்தில் முன்வரிசை துடுப்பாட்ட வீரர் கமில் மிஷார மற்றும் சகலதுறைவீரர் சஹான் ஆராச்சிகே ஆகியோர் இணைக்கப்பட்டிருக்கின்றனர்.
பாகிஸ்தான் செல்லும் இலங்கை அணி; போட்டி அட்டவணை வெளியானது!
இலங்கை அணியுடனான முதல் டெஸ்ட் போட்டியில் இந்தியா 1-0 என முன்னிலை அடைந்துள்ளது. இந்த நிலையில் தீர்மானம் கொண்ட இரண்டாவது டெஸ்ட் போட்டியைக் கருத்திற் கொண்டும், முதல் டெஸ்ட் போட்டியில் உபாதைக்குள்ளாகியிருந்த தினேஷ் சந்திமால் இரண்டாவது போட்டியில் ஆடுவது சந்தேகமாகியிருக்கும் தருணத்தினை கருத்திற் கொண்டும் இலங்கை கிரிக்கெட் முகாமைத்துவம் இரண்டு வீரர்களுக்கும் வாய்ப்பு வழங்கியிருக்கின்றது.
அதேநேரம் ஆரம்ப துடுப்பாட்ட வீரர் நிஷான் மதுஷ்கவின் ஆட்டத்திறன் திருப்திகரமாக அமையாத காரணத்தினால், அவருக்குப் பதிலாக கமில் மிஷார டெஸ்ட் போட்டிகளில் அறிமுகம் பெறுவார் எனவும் எதிர்பார்க்கப்படுகின்றது. மிஷார மற்றும் சஹான் ஆராச்சிகே ஆகிய இருவரும் உள்ளூர் போட்டிகளில் தொடர்ச்சியாக சிறப்பான ஆட்டத்தை வெளிப்படுத்தி வருகின்றமை குறிப்பிடத்தக்கது.
இலங்கை மற்றும் இந்திய அணிகள் இடையிலான இரண்டாவதும் இறுதியுமான டெஸ்ட் போட்டி இந்த ஞாயிற்றுக்கிழமை (23) கொழும்பு SSC மைதானத்தில் ஆரம்பமாகுகின்றமை குறிப்பிடத்தக்கது.
>>மேலும் கிரிக்கெட் செய்திகளைப் படிக்க<<
