உலகின் சிறந்த தடகள வீரர் விருதுக்கான பரிந்துரைப் பட்டியலில் ருமேஷ் தரங்க

இலங்கையின் நட்சத்திர ஈட்டி எறிதல் வீரர் ருமேஷ் தரங்க இந்த ஆண்டுக்கான உலகின் சிறந்த தடகள வீரருக்கான (ஆண்கள்) பட்டியலில் பரிந்துரைக்கப்பட்டுள்ளார். 

உலக மெய்வல்லுனர் சம்மேளனம் 2026ஆம் ஆண்டுக்கான சிறந்த தடகள வீரரை பெயரிடும் முகமாக சர்வதேசத்தின் சிறந்த 10 வீரர்களின் பெயர்களை வெளியிட்டுள்ளது. 

ஆசிய விளையாட்டு விழாவில் தங்கம் வென்று சாதனை படைத்தார் ருமேஷ் தரங்க

இந்த பட்டியலில் இலங்கை அணியை பிரதிநிதித்துவப்படுத்தி சர்வதேச அளவில் வெற்றிகளை குவித்துள்ள ஈட்டி எறிதல் வீரர் ருமேஷ் தரங்கவின் பெயரும் இடம்பெற்றுள்ளது. 

ருமேஷ் தரங்க இந்த ஆண்டு 14 போட்டித் தொடர்களில் பங்கேற்று 13 போட்டிகளில் வெற்றியினை தனதாக்கியுள்ளார். இதில் அல்டிமேட் சம்பியன்ஷிப், டயமண்ட் லீக், ஆசிய விளையாட்டு விழா, பொதுநலவாய விளையாட்டு விழா போன்ற முக்கியமான வெற்றிகளையும் பதிவுசெய்துள்ளார். அதேநேரம் இந்த ஆண்டின் சிறந்த ஈட்டி எறிதல் சாதனையாக 92.62 மீற்றர் தூரத்தினையும் பதிவுசெய்திருந்தார். 

ருமேஷ் தரங்கவுடன் சர்வதேசத்தில் மிகச்சிறந்த பிரகாசிப்புகளை வெளிப்படுத்திய முன்னணி வீரர்களும் இந்த 10 வீரர்களில் உள்வாங்கப்பட்டுள்ளனர். 

உலக மெய்வல்லுனர் ரசிகர்கள், இந்த ஆண்டு உலக மெய்வல்லுனர் தொடர்களில் பங்கேற்ற வீரர்கள், உலக மெய்வல்லுனர் குடும்பம் (அங்கத்தவர்கள்) மற்றும் ஊடகவியலாளர்களின் வாக்குகளின் அடிப்படையில் இந்த ஆண்டுக்கான சிறந்த தடகள வீரர் தெரிவுசெய்யப்படுார் என்பது குறிப்பிடத்தக்கது. 

பரிந்துரைக்கப்பட்ட வீரர்கள் (ஆண்கள்) 

கெனெத் பெட்னெர்க் (அமெரிக்கா), கிரிஷ்ட்ஜன் சே (ஸ்லோவேனியா), எண்டி டயஸ் ஹெர்னாண்ட்ஷி (இத்தாலி), அலிஷன் டோஸ் செண்டோஸ் (பிரேசில்), மொண்டோ டுப்ளண்டிஸ் (சுவீடன்), கொலென் கெபினாட்ஷிபி (பொட்ஸ்வானா), ஜோஷ் கெர் (பிரிட்டன்), ருமேஷ் தரங்க (இலங்கை), செபஸ்டியன் செவே (கென்யா), ஜகோபே தார்ப் (அமெரிக்கா) 

>>மேலும் பல மெய்வல்லுனர் செய்திகளைப் படிக்க<<