වසර දෙකකට පසු කරළියට ආ Red Bull Outriggd

Red Bull විසින් සංවිධානය කළ Outriggd ඔරු පැදීමේ තරගාවලිය පසුගිය දා පැවැත්වුනා. ඒ කොළඹ වරාය නගරය පරිශ්‍රයේ දී. මෙම තරගාවලිය පැවැත්වුණේ වසර දෙකකට පසුව වීම විශේෂත්වයක්.

මෙම සුවිශේෂී ඔරු පැදීමේ තරගාවලිය සඳහා කණ්ඩායම් රැසක් සහභාගි වූ අතර ඔවුන් ඉන්දීය සාගරයේ මෙම තරගාවලිය සඳහා සහභාගි වූ පළමු අවස්ථාව ලෙස මෙය සටහන් වුනා.

Red Bull Outriggd සංවිධානය කර තිබුණේ ස්වදේශීය ක්‍රීඩාවක් ලෝකයට ගෙන යාමෙන් ජාතියක් ආස්වාදයක් ලබා දීම වෙනුවෙනි. මෙරට ක්‍රීඩා ප්‍රජාව එකට ගෙන ඒම සහ ශ්‍රී ලාංකිකයන් අතර අද්විතීය ත්‍රාසජනක ක්‍රීඩා සඳහා ඇති ආශාව අවුළුවාලීම මෙම තරගාවලියේ මූලික අරමුණ වී තිබුණා.

නගරයේ සිට දිය ඇලි මායිම් ගම්මාන දක්වා, මෙම සුවිශේෂී ක්‍රීඩා ඉසව්ව අභියෝග හඹායන්නන්, ක්‍රීඩාලෝලීන්, ඔරු පැදීමේ සංගම්, ධීවර ප්‍රජාවන් මෙන්ම සිසුන් පවා ආකර්ෂණය කර තිබුණා.

Red Bull Outriggd තරගාවලියක් පමණක් නොවී සෑම සහභාගිවන්නෙකුටම සහ නරඹන්නෙකු සඳහා ක්‍රියාකාරකම් රැසක් සහිත ඉසව්වක් සහ සැමරුමක් වීම විශේෂත්වයක්.

තරගාවලියේ සියලුම ඉසව් පසුගිය නොවැම්බර් 6 වැනි දින කොළඹ වරාය නගරයේ දී පැවති අතර මෙය ශ්‍රී ලංකාවේ කොළඹ වරාය නගරය තුළ පැවති පළමු ජල ක්‍රීඩා ඉසව්ව වුනා.

Red Bull Outriggd තරගාවලිය සඳහා දිවයින පුරා විසිරී සිටි තරගකරුවන් 70කට වැඩි සංඛ්‍යාවක් සහභාගි වුනා. මෙම අභියෝගය භාර ගැනීමට සාම්ප්‍රදායන් සහ අත්දැකීම් සම්මිශ්‍රණයක් එක්ව තිබුණා. Red Bull Outriggd ධාවන පථය ජය ගැනීමට බාධක කිහිපයකින් සමන්විත වූ අතර එය බැලූ බැල්මට පහසු අභියෝගයක් වුනේ නැහැ.

Red Bull සෑම විටම ඕනෑම ක්‍රීඩාවක් රසවත් කිරීමට කුඩා පෙරළියක් සහ නවෝත්පාදනයක් ලබා දෙන බව නොරහසක්. මෙම තරගාවලිය සහභාගිවන්නන්ට අමතක නොවන අත්දැකීමක් ලබා දීමට සමත්ව තිබුණා.

තරගාවලියේ ඉසව් කීපයක් පැවති අතර එයට පිරිමි යුගල, කාන්තා යුගල සහ මිශ්‍ර යුගල ලෙස කාණ්ඩ කීපයක් ඇතුළත් වුනා.

Red Bull Outriggd තරගාවලියේ පළමු අදියර පසුගිය 2019 වසරේ දී දියවන්නා පරිශ්‍රයේ දී පැවති අතර කොරෝනා වසංගතය නිසා පසුගිය 2020 වසරේ දී එය පැවැත්වීමට හැකියාවක් තිබුණේ නැහැ.

තරගාවලියේ අවසන් ප්‍රතිඵල සටහන දැක්වුණේ මෙසේයි.

>>තවත් ක්‍රීඩා පුවත් සඳහා පිවිසෙන්න<<