இங்கிலாந்து அணியின் முன்னணி வேகப்பந்துவீச்சாளர்களில் ஒருவரான மார்க் வூட் சர்வதேச கிரிக்கெட்டிலிருந்து ஓய்வுபெறவுள்ளதாக உத்தியோகபூர்வமாக அறிவித்துள்ளார்
மார்க் வூட் (36 வயது) இங்கிலாந்து கிரிக்கெட் அணியில் 150 கிலோமீற்றர் வேகத்துக்கும் அதிகமாக பந்தினை வீசும் திறனை வைத்திருந்ததுடன், இங்கிலாந்து அணியின் பல முக்கிய வெற்றிகளிலும் பங்காற்றியிருந்தார்.
ஜமைக்காவை வீழ்த்தி முதல் தடவையாக கரீபியன் பிரீமியர் லீக் சம்பியனாகியது அன்டிகுவா
எனினும் தொடர் உபாதைகள் இவருடைய கிரிக்கெட் வாழ்க்கையை பாதித்திருந்த நிலையில், தொடர்ச்சியாக போட்டிகளில் விளையாட முடியாத நிலை ஏற்பட்டது. எவ்வாறாயினும் தனக்கு கிடைத்த வாய்ப்புகளில் சிறப்பாக பந்துவீசி இங்கிலாந்து அணிக்காக விக்கெட்டுகளை வீழ்த்தியிருந்தார்.
மார்க் வூட் 2019ஆம் ஆண்டு தங்களுடைய சொந்த மண்ணில் இங்கிலாந்து அணி கிண்ணம் வெல்வதற்கு காரணமாக இருந்ததுடன் (18 விக்கெட்டுகள்), 4 ஆஷஷ் கிண்ணங்களை வெல்வதற்கும் காரணமாக இருந்துள்ளார். அதேநேரம், 2022ஆம் ஆண்டு இங்கிலாந்து அணி T20 உலகக்கிண்ணத்தை வெல்லும் அணியிலும் இவர் இடம்பெற்று சிறப்பாக பிரகாசித்திருந்தார்.
மார்க் வூட் 38 டெஸ்ட் போட்டிகளில் 119 விக்கெட்டுகளையும், 70 ஒருநாள் போட்டிகளில் 80 விக்கெட்டுகளையும், 38 களையும், 38 T20I போட்டிகளில் 54 விக்கெட்டுகளையும் வீழ்த்தியுள்ளார் என்பது குறிப்பிடத்தக்கது.
>>மேலும் கிரிக்கெட் செய்திகளைப் படிக்க<<
