ஆப்கானிஸ்தான் T20 தொடர் மற்றும் ஆசிய விளையாட்டுப் போட்டிகளுக்கான இந்திய குழாத்தில் வேகப்பந்துவீச்சாளரான யாஷ் தாக்கூருக்கு வாய்ப்பு வழங்கப்பட்டிருக்கின்றது.
>>இலங்கை கிரிக்கெட்டினால் 900 பாடசாலைகளுக்கு இலவச கிரிக்கெட் பந்துகள்<<
ஜிம்பாப்வே தொடரில் கடந்த மாதம் T20 அறிமுகம் பெற்றிருந்த யாஷ் தாக்கூர் தசை உபாதையில் இருந்து முழுமையாக குணமடையாத ஹர்ஷித் ரணாவின் பிரதியீட்டு வீரராகவே, இந்திய குழாத்தில் உள்வாங்கப்பட்டிருக்கின்றமை குறிப்பிடத்தக்கது.
அதேநேரம் பூரண உடற்தகுதியினை எதிர்பார்த்திருந்த நிதிஷ் ரெட்டி, வொஷிங்டன் சுந்தர் மற்றும் ஜஸ்பிரிட் பும்ரா வீரர்களும் அதில் தேறி மாற்றம் செய்யப்பட்டிருக்கும் இந்திய குழாத்தில் இணைக்கப்பட்டுள்ளனர்.
மேலும், ஆசிய விளையாட்டுப் போட்டிக்கு முன்னதாக இந்தியா ஜப்பானுக்கு எதிராக வரலாற்றுச் சிறப்புமிக்க T20 போட்டி ஒன்றிலும் விளையாட திட்டமிடப்பட்டுள்ளது. இந்தப் போட்டி இம்மாதம் 22ஆம் திகதி டோகிச்சியில் நடைபெறுகின்றது.
இந்திய – ஆப்கானிஸ்தான் அணிகள் இடையிலான மூன்று போட்டிகள் கொண்ட T20 தொடர் ஞாயிற்றுக்கிழமை (13) ஆரம்பமாகுவதோடு, ஆசிய விளையாட்டுப் போட்டிகளில் நேரடி காலிறுதித் தகுதியுடன் இந்தியா செப்டம்பர் 28ஆம் திகதி விளையாடவிருக்கின்றது.
>>ஆசிய விளையாட்டுப் போட்டிகள் 2026; ஆடவர் T20 தொடர் அட்டவணை வெளியீடு<<
இந்திய குழாம்
ஸ்ரேயஸ் ஐயர் (தலைவர்), அபிஷேக் சர்மா, வைபவ் சூர்யவன்ஷி, சஞ்சு ஷம்சன், இஷான் கிஷன், திலக் வர்மா, சிவம் டூபே, நிதிஷ் குமார் ரெட்டி, அக்ஷார் பட்டேல், வொஷிங்டன் சுந்தர், வருண் சக்கரவர்த்தி, ரவி பிஷ்னோய், ஜஸ்ப்ரீட் பும்ரா, அர்ஷ்தீப் சிங், யாஷ் தாக்கூர்
>>மேலும் கிரிக்கெட் செய்திகளைப் படிக்க<<
