இலங்கையின் மகளிர் கிரிக்கெட் வீராங்கனை ஹர்சிதா சமரவிக்ரம ஜூலை மாதத்திற்கான சர்வதேச கிரிக்கெட் வாரியத்தின் (ஐ.சி.சி.) மகளிர் சிறந்த வீராங்கனை விருதுக்கான பரிந்துரையில் இடம்பெற்றுள்ளார்.
பாகிஸ்தானுக்கு எதிரான ஒருநாள் தொடரை இலங்கை 2-1 என கைப்பற்ற உறுதுணையாக இருந்து, தொடர் நாயகி விருதை வென்றதன் மூலம் ஹர்சிதா சமரவிக்ரம இந்த பரிந்துரைக்கு தெரிவு செய்யப்பட்டிருக்கின்றார்.
>>சாய் சுதர்ஷனுக்குப் பதிலாக இந்திய டெஸ்ட் குழாத்தில் சர்பராஸ் கான்<<
இடதுகை துடுப்பாட்ட வீராங்கனையான ஹர்சிதா சமரவிக்ரம பாகிஸ்தான் ஒருநாள் தொடரின் முதல் போட்டியில் குறைந்த ஓட்டங்களில் ஆட்டமிழந்த போதிலும், இரண்டாவது போட்டியில் சதம் விளாசி 119 பந்துகளில் 100 ஓட்டங்களையும், தீர்மானம் கொண்ட இறுதிப் போட்டியில் ஆட்டமிழக்காமல் 71 ஓட்டங்களையும் குவித்தமை குறிப்பிடத்தக்கது. அத்துடன் ஹர்சிதா சமரவிக்ரம பாகிஸ்தான் ஒருநாள் தொடரினை 173 என்கிற துடுப்பாட்ட சராசரியுடன் மொத்தம் 173 ஓட்டங்கள் பெற்று நிறைவு செய்திருந்தார்.
அதேநேரம் மேற்கிந்திய தீவுகள் தரப்பின் நட்சத்திர சகலதுறை வீராங்கனை ஹேய்லி மெதிவ்ஸ் மற்றும் இங்கிலாந்தின் நேட் சிவர்-பிரண்ட் ஆகியோரும், ஒருநாள் போட்டிகள் மற்றும் T20 உலகக் கிண்ணத் தொடர்களில் வெளிப்படுத்திய சிறந்த தனிநபர் ஆட்டங்களின் அடிப்படையில் மாதத்திற்கான சிறந்த வீராங்கனைகள் பட்டியலில் இடம்பெற்றுள்ளனர்.
இதில் ஹேய்லி மெதிவ்ஸ் அயர்லாந்துக்கு எதிரான மூன்று போட்டிகள் கொண்ட ஒருநாள் தொடரில் சகலதுறைகளிலும் திறமையினை வெளிப்படுத்தியிருந்தார். அவர் குறிப்பிட்ட தொடரில் இரண்டு சதங்கள் அடங்கலாக 265 ஓட்டங்கள் குவித்ததோடு தனது சுழற்பந்துவீச்சின் மூலம் 7 விக்கெட்டுகளையும் வீழ்த்தினார்.
>>சாய் சுதர்ஷனுக்குப் பதிலாக இந்திய டெஸ்ட் குழாத்தில் சர்பராஸ் கான்<<
இதேவேளை இங்கிலாந்தின் நேட் தனது அணியை 2026ஆம் ஆண்டிற்கான ஐ.சி.சி. மகளிர் T20 உலகக் கிண்ண இறுதிப் போட்டிக்கு அழைத்துச் சென்றிருந்தமை குறிப்பிடத்தக்கது. இங்கிலாந்து மகளிர் கிரிக்கெட் அணி மகளிர் T20 உலகக் கிண்ணத்தினை நழுவ விட்டிருந்த போதும் நேட் இறுதிப் போட்டியில் 58 ஓட்டங்கள் குவித்து தனது தரப்பில் அதிகபட்ச தனிநபர் ஓட்டங்களைப் பதிவு செய்தார். அவர் அத்துடன் நொக்அவுட் சுற்றுகளில் மொத்தம் 133 ஓட்டங்களை பெற்றிருந்தமை குறிப்பிடத்தக்கது.
>>மேலும் கிரிக்கெட் செய்திகளைப் படிக்க<<
 மகளிர் சிறந்த வீராங்கனை விருதுக்கான பரிந்துரையில் இடம்பெற்றுள்ளார்.){kind=link}