කවින් බණ්ඩාර ශතයක් ලබා ගනී

ශ්‍රී ලංකා ක්‍රිකට් සංවිධානය කරන Major Club විස්සයි විස්ස ක්‍රිකට් තරගාවලියේ මංගල ශතකය වාර්තා කිරීමට NCC කණ්ඩායමේ කවීන් බණ්ඩාර අද (16) සමත් වුණා.

ඔහු Badureliya SC කණ්ඩායමට එරෙහි ව පන්දු 54කට මුහුණ දෙමින් හතරේ පහර 7ක් සහ හයේ පහර 8ක් සමඟින් නොදැවී ලකුණු 103ක් ලබා ගත්තා. එය ඔහුගේ විස්සයි විස්ස තරග දිවියේ මංගල ශතකයයි.

ඔහු සහන් ආරච්චිගේ සමඟ 3 වැනි කඩුල්ලට පන්දු 66ක දී නොදැවී ලකුණු 152ක සබඳතාවක් ද ගොඩ නගනවා. එහි දී සහන් ආරච්චිගේ පන්දු 27ක දී හයේ පහර 5ක් සහ හතරේ පහර 3ක් සමඟින් නොදැවී ලකුණු 61ක් ලබා ගත්තා.

ඔවුන්ට අමතර ව CCC කණ්ඩායමේ දුල්නිත් සිගේරා (61), Tamil Union C & AC කණ්ඩායමේ නවෝද් පරණවිතාන (63) සහ Bloomfield C & AC කණ්ඩායමේ රවිඳු ප්‍රනාන්දු (58) අර්ධ ශතක ඉනිම් වාර්තා කළා.

• ආසියානු කුසලානයට යන ශ්‍රී ලංකා කණ්ඩායම නම් කරයි
• ශෙවෝන් සහ හේෂාන් දක්ෂතා දක්වයි
• පෙසඳු සහ ආදිත්‍ය ශතක ලබා ගනී
• යොවුන් පිටිය බැබළවූ සඳරු, හිරාන්, මල්ෂ සහ තරුශ්ක
• පළමු දිනයේ ම මොවින්ගෙන් මල්වෙඩිවන් ඉනිමක්

අද පැවැති තරගවල කෙටි ලකුණු පුවරු

Tamil Union C & AC සහ CCC අතර තරගය කොළඹ, ආර්. ප්‍රේමදාස ජාත්‍යන්තර ක්‍රිකට් ක්‍රීඩාංගණයේ දී.

• CCC – කඩුලු 7ක් දැවී 139 (18.0)දුල්නිත් සිගේරා 61, පවන් රත්නායක 22, අශේන් බණ්ඩාර 21, ලහිරු සමරකෝන් 3/26, විජයකාන්ත් වියස්කාන්ත් 2/25
• Tamil Union C & AC – කඩුලු 2ක් දැවී 108 (11.5) සිනෙත් ජයවර්ධන 26, නවෝද් පරණවිතාන 63

Tamil Union C & AC කණ්ඩායමට ඩක්වර්ත් ලුවිස් න්‍යාය මත ලකුණු 24ක ජයක්.

Colts CC සහ Ace Capital CC අතර තරගය කොළඹ, පොලිස් උද්‍යාන ක්‍රීඩාංගණයේ දී.

• Colts CC – සියලුම දෙනා දැවී 56 (15.1) රචින්ත ද සිල්වා 3/12, වනුජ සහන් 2/11, ට්‍රවීන් මැතිව් 3/09
• Ace Capital CC – කඩුලු 3ක් දැවී 60 (9.2) කෞෂික කුමාරසිංහ 17, රනේෂ් සිල්වා නොදැවී 14, මුදිත ලක්ෂාන් 2/21

Ace Capital CC කණ්ඩායමට කඩුලු 7ක ජයක්.

Kurunegala Youth CC සහ Moors SC අතර තරගය මග්ගොන, Surrey ක්‍රිකට් ක්‍රීඩාංගණයේ දී.

• Kurunegala Youth CC – කඩුලු 9ක් දැවී 143 (20.0) ගයන වීරසිංහ 37, කෙනත් ලියනගේ 20, අමේෂ් තෙන්නකෝන් නොදැවී 44, සංතුශ් ලියනගේ 2/27, ශිරාන් ප්‍රනාන්දු 2/30, මල්ෂ තරුපති 2/11
• Moors SC – කඩුලු 2ක් දැවී 144 (17.3) ඔමේෂ් මෙන්ඩිස් 29, සොහාන් ද ලිවේරා 49, ජනිශ්ක පෙරේරා නොදැවී 32, සිතාර ගිම්හාන් නොදැවී 24

Moors SC කණ්ඩායමට කඩුලු 8ක ජයක්.

Panadura SC සහ Bloomfield C & AC අතර තරගය මග්ගොන, Surrey ක්‍රිකට් ක්‍රීඩාංගණයේ දී.

• Bloomfield C & AC – කඩුලු 8ක් දැවී 180 (20.0) චමරිඳු නෙත්සර 33, රවිඳු ප්‍රනාන්ද 58, හංසමාන ද සිල්වා 20, දුලාජ් සමුදිත 28, නවිඳු ප්‍රභාෂ් 2/32, කලන පෙරේරා 3/37, ගිමඳු මැල්කම් 2/42
• Panadura SC – කඩුලු 6ක් දැවී 110 (9.3) තවීෂ අභිශේක් 27, ශාලිත් ප්‍රනාන්දු ප්‍රනාන්දු නොදැවී 49, සුපුන් කාවින්ද 3/12

Panadura SC කණ්ඩායමට ඩක්වර්ත් ලුවිස් න්‍යාය මත කඩුලු 4ක ජයක්.

NCC සහ Badureliya SC අතර තරගය කොළඹ, ආර්. ප්‍රේමදාස ජාත්‍යන්තර ක්‍රිකට් ක්‍රීඩාංගණයේ දී.

• NCC – කඩුලු 2ක් දැවී 232 (20.0) ජීවක සශින් 32, කවින් බණ්ඩාර නොදැවී 103, සහන් ආරච්චිගේ නොදැවී 61
• Badureliya SC – කඩුලු 7ක් දැවී 138 (20.0) යශෝධ ලංකා 26, අවීෂ සමාශ් 39, අලංකාර අසංක නොදැවී 21, කවිඳු පතිරත්න 3/23

NCC කණ්ඩායමට ලකුණු 94ක ජයක්.

Major Club විස්සයි විස්ස ක්‍රිකට් තරගාවලියේ උණුසුම් පුවත් සහ දෙස් විදෙස් ක්‍රීඩා පිටියේ උණුසුම් පුවත් දැන ගැනීමට රැදී සිටින්න ThePapare.com අප සමඟ ම.

>> තවත් ක්‍රිකට් පුවත් සඳහා පිවිසෙන්න <<