බොලිවුඩ් නිළි අනුෂ්කා ශර්මා විසින් විරාත් කෝලිගේ කොණ්ඩය කැපීමේ සිට රවීන්ද්‍ර ජඩේජා අශ්වයෙකුගේ පිටේ යාම දක්වා ඉන්දියාවේ සුපිරි ක්‍රිකට් ක්‍රීඩකයෝ තමන් මුහුණ දී ඇති ‘අගුලු දැමීමේ’ විවේකයෙන් උපරිම ප්‍රයෝජන ගනිමින් සිටිති.
මෙන්ඩිස් ඇතුළු ක්‍රිකට් තරු වැඩිහිටි සහ ළමා නිවාස කිහිපයක් සඳහා සරණ වෙයි
ලොව පුරා මෙන්ම ශ්‍රී ලංකාවට ද වසංගතයක් වෙමින් පැතිර යන Covid-19 වයිරසය නිසාවෙන් දිවයින පුරා උද්ගතව…..
නව කොරෝනා හෙවත් COVID-19 වයිරසය නිසා ඉන්දියාව පසුගිය දා ‘පූර්ණ වසා දැමීමකට’ ලක් කළ අතර කොරෝනා වසංගතය නොවන්නට මෙම කාලය ‘ඉන්දීය ප්‍රිමියර් ලීග්’ තරගාවලිය උද්වේගකර ආකාරයෙන් ක්‍රියාත්මක වන කාලයක් වීමට ඉඩ තිබුණි.
විරාත් කෝලි විසින් වයිරසය පැතිරීම නැවැත්වීම සඳහා ගෘහස්ථව රැඳී සිටින ලෙස ජනතාවට දන්වමින් වීඩියෝ පණිවුඩ ගණනාවක් සමාජ මාධ්‍ය වෙත එක්කර තිබූ අතර කෝලි එක්කළ වීඩියෝ අතරින් වැඩි අවධානයක් යොමු වූයේ ඔහුගේ බිරිඳ අනුෂ්කා ශර්මා විසින් ඔහුගේ කොණ්ඩය කැපීම පෙන්වන වීඩියෝවයි. එම වීඩියෝව සඳහා likes 100000ක් පමණ ලැබී තිබුණි.
Meanwhile, in quarantine.. ??♂??♀ pic.twitter.com/XO0UJ7NmSU
— Anushka Sharma (@AnushkaSharma) March 28, 2020
ඒ අතරම 31 හැවිරිදි කෝලි, හිටපු එංගලන්ත තරුවක් වන කෙවින් පීටර්සන් සමඟ Instagram හි සජීවව කතාබස් කරමින් මේ මොහොතේ ලොව පුරා සිදු වෙමින් පවතින දේ ගැන සහ ඔවුන් එකිනෙකා හඳුනන කාලය පිළිබඳව සිදු කළ සාකච්ඡාවක් ද දැඩි අවධානයට ලක්විය.
ඉන්දියාවේ මෙන්ම ලොව පුරා ප්‍රබල ක්‍රිකට් ක්‍රීඩකයින්ට නොවරදවාම ගමන් කාලසටහනක් ඇති අතර බොහෝ දෙනෙකුට එය අවලංගු කිරීම දුෂ්කර වේ. කෙසේ වෙතත් මේ තත්ත්වය සම්බන්ධයෙන් ඕස්ට්‍රේලියානු පුහුණුකරු ජස්ටින් ලැංගර් පැවසුවේ තම ක්‍රීඩකයින්ට නිවසේ දී දීර්ඝ විවේකයක් ලබා ගැනීමට අවස්ථාව හිමි වීම ඉතා හොඳ දෙයක් බවයි.
ඉන්දීය ක්‍රීඩක ජඩේජා තමන් තුළ අශ්වයන්ට ඇති ආදරය පෙන්වීමට සමත්ව ඇත. ඔහු සුදු අශ්වයෙක් පදවන වීඩියෝවක් සමාජ මාධ්‍ය ඔස්සේ පළකර තිබුණි. තුන් ඉරියව් ක්‍රීඩකයෙකු වන ඔහු ට්‍රෙඩ්මිල් උපකරණයක් මත වේගයෙන් දිව යන අයුරු ද දැකගත හැකි විය.
My all time favourite ? pic.twitter.com/DjQWAP6Cze
— Ravindrasinh jadeja (@imjadeja) March 31, 2020
ඉන්දීය කණ්ඩායමේ වේගපන්දු යවන ක්‍රීඩක ජස්ප්‍රිට් බුම්රා තමන් පැළෑටිවලට වතුර දැමීමෙන් සෑහීමට පත්වන බවත්, මේ කාලය ඔහුගේ ජීවිතයේ සැබවින්ම වැදගත් වන අංගයන් හඳුනා ගැනීමටත්, නව විනෝදාංශ කිහිපයක් තෝරා ගැනීමටත් යොදා ගන්නා බව පවසා ඇත.
විශිෂ්ට පන්දු රැකීම සහ කොරෝනාවෙන් රට රැකීම
පන්දුවට පහර දීමේ දී වඩාත් නුවණට හුරු වුනේ මෙම පන්දු රකින්නන්ට හැකිතාක් ඈතින් පන්දුව ස්ථානගත කිරීම ය.
බොහෝ ධනවත් හා මධ්‍යම පාන්තික ඉන්දියානුවන්ට ඔවුන්ගේ ගෘහ සේවකයින්ට වැඩට පැමිණීමට නොහැකි නිසා ගෙදර දොරේ වැඩ කටයුතු ඔවුන්ටම සිදුකර ගැනීමට සිදුව ඇත. ජස්ප්‍රිට් බුම්රා ද ඔහු බිම පිරිසිදු කරන වීඩියෝවක් සමාජ මාධ්‍ය ඔස්සේ පළ කළේය.
“මගේ අලුත්ම අභ්‍යාස මඟින් නිවස පිරිසිදුව තබා ගන්න පුළුවන් වුනා. ඒ වගේම මගේ මව ඉතා සතුටට පත්වෙලා ඉන්නේ. (ප.ලි. මට නැවත සෙරෙප්පු නොමැතිව සියල්ල කිරීමට සිදු විය.)” 26 හැවිරිදි ජස්ප්‍රිට් බුම්රා වීඩියෝව සමඟ ට්විටර් හි සඳහන් කර ඇත.
My modified mobility drills are keeping the house clean and my mother very happy. ??? (P.s – I had to do everything again without the slippers.??) pic.twitter.com/gFDrovK59t
— Jasprit Bumrah (@Jaspritbumrah93) March 30, 2020
ඉන්දීය අග්‍රාමාත්‍යවරයාගේ කොරෝනා වයිරස සහන අරමුදලට ඩොලර් මිලියන 6.8ක් පරිත්‍යාග කිරීමට ඉන්දීය ක්‍රිකට් පාලක මණ්ඩලය පසුගිය දා එක්විය. එමෙන්ම ඇඳිරි නීති සමයේ ක්‍රීඩකයින්ගේ ප්‍රවෘත්ති සමඟ සිය ට්විටර් ගිණුම සක්‍රීයව පවත්වා ගැනීමට ද ඔවුන් ක්‍රියා කර ඇත.
ටෙස්ට් පිතිකරු චෙටේශ්වර් පුජාරා සිය බිරිඳ සහ දියණිය සමඟ සිටින ඡායාරූපයක් ඉන්දීය ක්‍රිකට් ආයතනය පසුගිය දා සමාජ මාධ්‍ය වෙත එක්කර තිබේ.
“පුජාරා පවුල නිවසේ ගුණාත්මක කාලයක් ගත කරයි. ඔවුන් සමහර ගෙදර දොරේ වැඩ සහ කුඩා දරුවා සමඟ විනෝදජනක වේලාවක් ගත කරනවා. නිවසේ රැඳී සිටින්න ආරක්ෂිතව සිටින්න.” යනුවෙන් එහි සඳහන් වේ.
වේගපන්දු යවන ක්‍රීඩක මොහොමඩ් ශාමි සිය සුරතල් සුනඛයා වන ජැක් සමඟ වඩාත්ම විස්මිත කාලයක් ගත කරමින් සිටින අතර ආරම්භක පිතිකරු ශිකර් ධවාන් තම බිරිඳගෙන් අණ ලබා ගනිමින් ගෙදර දොරේ වැඩ කටයුතු කරන බවට වීඩියෝවක් පළකර ඇත.
මෙම කොරෝනා වයිරසය නිසාවෙන් රෝගීන් 1,965ක් සහ මරණ 50ක් වාර්තා වී ඇති ඉන්දියාව, දින 25ක අගුළු දැමීමක් මාර්තු 25 වැනිදා ආරම්භ කළේය. මේ නිසා ඉන්දීය ක්‍රිකට් විචාරකයින් ද නිදහසේ කාලය ගත කරයි.
ඉන්දීය විස්තර විචාරක සංජේ මංජේකාර් එළවළු කපන වීඩියෝවක් සමාජ මාධ්‍ය ඔස්සේ පළ කළේය.
ජාති ආගම් භේද නොසලකා මහරූෆ් වැඩට බසියි
ලොව පුරා මෙන්ම ශ්‍රී ලංකාවට ද වසංගතයක් වෙමින් පැතිර යන Covid-19 වයිරසය නිසාවෙන් දිවයින පුරා උද්ගතව…..
ක්‍රිකට් ක්‍රීඩාවේ විශාලතම විස්සයි විස්ස ලීගය වන ‘ඉන්දීය ප්‍රිමියර් ලීග්’ තරගාවලිය නිල වශයෙන් අප්‍රේල් 15 වැනිදා දක්වා කල් තබා ඇති නමුත් එය තව දුරටත් කල් දැමීම, දැඩි ලෙස කප්පාදු කිරීම හෝ සම්පූර්ණයෙන්ම අවලංගු කිරීමට සිදු වනු ඇත.
ජාත්‍යන්තර ක්‍රිකට් ක්‍රීඩාව ද මේ වන විට සම්පූර්ණයෙන්ම නවතා ඇත. ජාත්‍යන්තර ක්‍රිකට් කවුන්සල ටෙස්ට් ශූරතාවයේ ඉහළින්ම ඉන්දියාව සිටින අතර එක්දින ශ්‍රේණිගත කිරීම්වල එංගලන්තය පෙරමුණ ගෙන ඇත්තේ ඉන්දියාව දෙවන ස්ථානයට පත්කරමිනි. ඉන්දීය කණ්ඩායම විස්සයි විස්ස ශ්‍රේණිගත කිරීම් ලැයිස්තුවේ සිව්වැනි ස්ථානයේ රැඳී සිටියි.
බිලියන 1.3ක ජනතාවත් සමඟින් රට හදිසියේ අගුළු දැමීම නිසා ඉන්දියාවේ ලක්ෂ සංඛ්‍යාත දුප්පතුන් හදිසියේම රැකියා විරහිත වී ඇති අතර ඔවුන්ගෙන් බොහෝ දෙනෙකුට සමහර විට සැතපුම් සිය ගණනක් ආපසු සිය ගම්මාන වෙත පයින්ම යාමට සිදු විය.
“බොහෝ දෙනෙකුගේ දුක් වේදනා දෙස බලන විට අපගේ හදවත් බිඳී යන අතර අපගේ දායකත්වය යම් ආකාරයකින් අපගේ සෙසු පුරවැසියන්ගේ වේදනාව සමනය කිරීමට උපකාරී වනු ඇතැයි අපි බලාපොරොත්තු වෙනවා.” යනුවෙන් කෝලි ට්විටර් පණිවුඩයක් මඟින් කියා සිටියේය. විරත් කෝලි හා අනුෂ්කා ශර්මා සහන අරමුදල් සඳහා විශාල ආධාර හා මුදල් පරිත්‍යාගයක් සිදුකර ඇත.
>> තවත් ක්‍රිකට් පුවත් සඳහා පිවිසෙන්න <<
