சென்னை சுப்பர் கிங்ஸ் தலைமைப் பயிற்சியாளராக ஸஹீர் கான் நியமனம்

இந்திய பிரீமியர் லீக் (IPL) 2027 தொடருக்கான சென்னை சுப்பர் கிங்ஸ் (CSK) அணியின் புதிய தலைமைப் பயிற்சியாளராக இந்திய அணியின் முன்னாள் நட்சத்திர வேகப்பந்துவீச்சாளர் ஸஹீர் கான் நியமிக்கப்பட்டுள்ளார். 

சமரியின் அதிரடியால் இறுதிப்போட்டிக்கு முன்னேறியது இலங்கை மகளிர் அணி

கடந்த 18 ஆண்டுகளாக CSK அணியின் தலைமைப் பயிற்சியாளராகச் செயற்பட்டு வந்த ஸ்டீபன் பிளெமிங், அண்மையில் இங்கிலாந்து டெஸ்ட் அணியின் பயிற்சியாளராகப் பொறுப்பேற்றதால் CSK அணியின் பொறுப்பிலிருந்து விலகினார்.  

அவரின் பிரதியீடாக தற்போது ஸகீர் கானுக்கு புதிய பொறுப்பு வழங்கப்பட்டிருக்கின்றது. இவர் CSK தலைமைப் பயிற்சியாளராக நியமிக்கப்படும் முதல் இந்தியர் என்ற பெருமையினையும் பெற்றிருப்பது குறிப்பிடத்தக்கது.  

2011ஆம் ஆண்டு ஒருநாள் உலகக் கிண்ணம் வென்ற இந்திய அணியின் முக்கிய வீரரான ஸகீர் கான், இதற்கு முன்பு மும்பை இந்தியன்ஸ் அணியின் கிரிக்கெட் செயற்பாட்டு இயக்குனராகவும், லக்னோ சுப்பர் ஜயண்ட்ஸ் அணியின் ஆலோசகராகவும் பணியாற்றிய அனுபவம் கொண்டுள்ளமை சுட்டிக்காட்டத்தக்கது. 

CSK அணியில் இணைந்தமை குறித்துப் பேசிய ஸகீர் கான், IPL வரலாற்றில் வெற்றிகரமான அணிகளில் ஒன்றில் இணைவது தமக்குக் கிடைத்த பெருமை என்றும், சேப்பாக்கம் மைதானத்தில் CSK ரசிகர்களின் உற்சாகத்திற்கு மத்தியில் இந்த வரலாற்றுச் சிறப்புமிக்க அணியுடன் பணியாற்ற ஆவலுடன் காத்திருப்பதாகவும் தெரிவித்துள்ளார். 

>>மேலும் கிரிக்கெட் செய்திகளைப் படிக்க<<