2027ஆம் ஆண்டு இந்தியன் பிரீமியர் லீக் (IPL) தொடரின் மினி வீரர்கள் ஏலம் இந்தியாவின் பிரபல சுற்றுலா மையமான கோவா நகரில் இடம் பெறும் என இந்திய கிரிக்கெட் கட்டுப்பாட்டு வாரியம் (BCCI) உறுதி செய்துள்ளது.
>>சாதனை தோல்விக்கு மத்தியில் இலங்கை மகளிருக்கு வெள்ளிப் பதக்கம்<<
கடந்த மூன்று பருவங்களாக ஐ.பி.எல். தொடரின் வீரர்கள் ஏலம் மத்திய கிழக்கு நாடுகளில் நடத்தப்பட்டு வந்த நிலையில், மூன்று ஆண்டுகளின் பின்னர் அது மீண்டும் இந்திய மண்ணிற்குத் திரும்புகின்றது. இதற்கு முன்னதாக இந்தியாவில் ஐ.பி.எல். வீரர்கள் ஏலமானது 2023ஆம் ஆண்டு கொச்சியில் நடைபெற்றிருந்தது.
அதேவேளை இந்த மினி வீரர்கள் ஏலமானது டிசம்பர் மாத நடுப்பகுதியில் நடத்தத் திட்டமிடப்பட்டுள்ளது. ஏலத்தின் திகதிகள் மற்றும் நடைபெறும் இடம் என்பன விரைவில் உறுதி செய்யப்படும்.
வெளிநாடுகளில் ஏலம் இடம்பெற்ற போது ஐ.பில்.எல். அணிகளின் உரிமையாளர் குழுக்கள் மற்றும் நிர்வாகப் பிரதிநிதிகளுக்கு ஏற்பட்ட பயணச் சிக்கல்களைத் தவிர்த்து, மீண்டும் ஏலத்தை நாட்டிற்குள் நடத்த வேண்டும் என அணிகள் வைத்த கோரிக்கையினை ஏற்று BCCI கோவா நகரில் ஏலத்தினை நடாத்தும் முடிவை எடுத்துள்ளதாகத் தெரிவிக்கப்பட்டுள்ளது.
>>மேலும் கிரிக்கெட் செய்திகளைப் படிக்க<<
 தொடரின் மினி வீரர்கள் ஏலம் இந்தியாவின் பிரபல சுற்றுலா மையமான கோவா நகரில் இடம் பெறும் என இந்திய கிரிக்கெட் கட்டுப்பாட்டு வாரியம் (BCCI) உறுதி செய்துள்ளது.){kind=link}