පැතිර යන කොරෝනා වයිරස තත්වය නිසාවෙන් මෙම වසරේ මුල් කාර්තු තුනෙහි පැවැත්වීමට නියමිතව තිබූ රග්බි තරගාවලි සියල්ල අවලංගු කිරීමට ආසියානු රග්බි සම්මේලනය පසුගිය දා තීරණය කරන ලදි.
ආසියානු රග්බි පිටියේ විවේකය දීර්ඝ කෙරේ
එම තීරණය පිළිබඳව නිවේදනයක් නිකුත් කරමින් ආසියානු රග්බි සම්මේලනයේ සභාපතිවරයා සඳහන් කර සිටියේ ක්‍රීඩකයන්, ප්‍රේක්ෂකයන් ඇතුළු සියලුම දෙනාගේ සෞඛ්‍ය සහ ආරක්ෂාව පිළිබඳව අවධානය යොමු කරමින් මෙම තීරණය ගත් බවයි.
කෙසේ නමුත් මේ පිළිබඳව ThePapare.com අප වෙත අදහස් දක්වමින් ආසියානු රග්බි සම්මේලනයේ බටහිර ආසියානු කලාපයේ සංවර්ධන කළමනාකරු වන “Ghaith Jaljel” ප්‍රකාශ කර සිටියේ තවමත් ඔවුන් ඉදිරි කාලසටහන පිළිබඳව තීරණ ගන්නා බවයි.
“අදාළ බලධාරීන් සහ සංගම් මගින් 2020 වසරේ සිව්වැනි කාර්තුවට අදාළ තරග කාලසටහන් පිළියෙළ කරමින් සිටින්නේ. ඒ අනුව මොන තරගාවලි ද ඔක්තෝබර් සහ දෙසැම්බර් අතර කාලයේ පවත්වන්නේ කියලා තීරණයක් ගැනීමට නියමිතයි.”
කහ රතු කාඩ්වලට අමතරව තවත් කාඩ්පතක්?
ඒ අනුව ආසියානු රග්බි ප්‍රේක්ෂකයන් හට කෙටි කාලීන ආසියානු සත් සාමාජික රග්බි තරගාවලියක් පිළිබඳව බලාපොරොත්තු තබා ගත හැකි අතර වෙනත් තරගාවලියක් සංවිධානය නොකර මෙම තරගාවලියම සත් සාමාජික රග්බි ලෝක කුසලාන සුදුසුකම් ලබා ගැනීමේ තරගාවලිය ලෙස තෝරාගනු ඇත. තවද මෙම සංකල්පයම ආසියානු XV රග්බි ශූරතාවලිය සඳහා ද අනුගමනය කිරීම මගින් එම තරගාවලි නිෂ්ඵල වීමෙන් වළක්වා ගැනීමට හැකි වේ.
එනමුත් ආසියානු රග්බි සම්මේලනය විසින් එක් එක් රටවල්හි රග්බි සංගම් සඳහා උපදෙස් ලබා දීමක් හෝ මෙම වසර සඳහා වූ නව ක්‍රීඩා කාලසටහන පිළිබඳව දැනුම් දීමක් මේ දක්වා සිදු කර නොමැත.
>> තවත් රග්බි පුවත් සඳහා පිවිසෙන්න – රග්බි පිටුවට <<
