இலங்கை மற்றும் பூட்டான் அணிகள் மோதிய 2026ஆம் ஆண்டுக்கான தெற்காசிய கால்பந்து சம்மேளன (SAFF) சம்பியன்ஷிப் தொடரின் குழு A அணிகளின் போட்டி 2-2 என்ற கோல் கணக்கில் சமநிலையில் முடிவடைந்தது.
2026ஆம் ஆண்டின் SAFF கால்பந்து சம்பியன்ஷிப்; இலங்கை குழாம் வெளியீடு
நேற்று (08) பங்களாதேஷின் டாக்கா தேசிய விளையாட்டரங்கில் நடைபெற்ற இந்தப் போட்டி விறுவிறுப்பாக ஆரம்பமாகியது. இரு அணிகளும் கோல்களுக்காக போராடிய தருணத்தில் முதல் பாதியில் 34ஆவது நிமிடத்தில் தாவா ஷெரிங் அடித்த கோல் மூலம் பூட்டான் அணி முன்னிலை பெற்றது. எனினும், அடுத்த ஒரு நிமிடத்திலேயே ஒலிவர் கெலார்ட் தூரத்திலிருந்து உதைந்த பந்து வலைக்குள் செல்ல இலங்கை அணியானது போட்டியில் சமநிலையை ஏற்படுத்தியது.
தொடர்ந்து தீவிரமாக விளையாடிய இலங்கை அணிக்கு, முதல் பாதி முடிய இரண்டு நிமிடங்கள் இருந்த வேளையில் (43ஆவது நிமிடம்) ஒலிவர் கெலார்ட் வழங்கிய பந்துப் பரிமாற்றத்தை அஹமட் வஸீம் ராசிக் தலையால் முட்டி கோலாக மாற்றினார். இதனால் முதல் பாதியை இலங்கை அணி 2-1 என்ற கோல் கணக்கில் முன்னிலையுடன் நிறைவு செய்தது.
முதல் பாதி: இலங்கை 2 – 1 பூட்டான்
இரண்டாம் பாதியில் ஆட்டத்தை சமன் செய்ய பூட்டான் அணி தீவிரமாகப் போராடியது. மறுமுனையில் இலங்கை அணியும் போட்டியில் வெற்றிக்காக போராடியது. இந்த நிலையில் பூட்டான் அணிக்கு 67ஆவது நிமிடத்தில் பெனால்டி வாய்ப்பு கிடைத்தது. ஆனால் பூட்டான் அணியின் தலைவர் செஞ்சோ கெல்ட்ஷென் அதன் மூலம் கோல் பெற நினைத்த போதும், இலங்கை அணியின் தலைவரும் கோல் காப்பாளருமான சுஜான் பெரேரா அபாரமாக தடுத்து நிறுத்தினார்.
எனினும் முன்னர் விட்ட தவறை சரி செய்த செஞ்சோ கெல்ட்ஷென் 76ஆவது நிமிடத்தில் பூட்டான் அணிக்காக இரண்டாவது கோலைப் பெற்றார். இந்த கோலுடன் ஆட்டம் 2-2 என கணக்கில் சமநிலையை எட்டியது. ஆட்டத்தின் இறுதி நிமிடங்கள் வரை இரு அணிகளும் வெற்றி கோலுக்காக தீவிரமாக முயன்றபோதும், இரு தரப்பினதும் பின்களம் சிறப்பாக இருந்த காரணத்தினால் ஆட்டம் சமநிலையில் முடிவுக்கு வந்தது.
முழு நேரம்: இலங்கை 2 – 2 பூட்டான்
இந்த சமநிலையின் மூலம் குழு A இல் உள்ள பங்களாதேஷ் அணி தனது அரையிறுதி வாய்ப்பை அணியாக உறுதி செய்துள்ளது. தற்போது தலா ஒரு புள்ளியைப் பெற்றுள்ள இலங்கை மற்றும் பூட்டான் அணிகளில், இலங்கை அணி தனது அடுத்த மற்றும் தீர்மானமிக்க லீக் போட்டியில் நவம்பர் 11ஆம் திகதி பங்களாதேஷினை எதிர்கொள்ளவுள்ளது.
கோல்கள் விபரம்
இலங்கை
ஒலிவர் கெலார்ட் 34’ & அஹமட் வஸீம் ராசிக் 43’
பூட்டான்
தாவா செரிங் 33’ & செஞ்சோ யெல்ட்ஷென் 76’
மஞ்சள் அட்டைகள்
பூட்டான் பன்ட்ஸ்டோ ஜிக்மே – 28’ & ஜிக்னம் டோர்ஜி 90’
>>மேலும் கால்பந்து செய்திகளைப் படிக்க<<
 சம்பியன்ஷிப் தொடரின் குழு A அணிகளின் போட்டி 2-2 என்ற கோல் கணக்கில் சமநிலையில் முடிவடைந்தது. ){kind=link}