லீட்ஸ் ஹெடிங்லி மைதானத்தில் நேற்று (24) நடைபெற்ற இலங்கை – இங்கிலாந்து அணிகள் இடையிலான இரண்டாவது ஒருநாள் போட்டியில் இலங்கை அணி 16 ஓட்டங்கள் வித்தியாசத்தில் இங்கிலாந்தை வீழ்த்தி திரில் வெற்றி பெற்றது.
>>2027 ஐ.பி.எல் ஏலம் நடைபெறும் இடமாக கோவா நகர் தெரிவு<<
இன்னும் இந்த வெற்றியின் மூலம் 3 போட்டிகள் கொண்ட ஒருநாள் தொடரை இலங்கை அணி 1-1 என சமநிலைப்படுத்தியிருக்கின்றது. முன்னதாக போட்டியின் நாணய சுழற்சியில் வென்ற இலங்கை அணி முதலில் துடுப்பெடுத்தாடத் தீர்மானித்தது. ஆரம்ப துடுப்பாட்ட வீரர் பெதும் நிஸ்ஸங்க 25 ஓட்டங்களுடன் வெளியேறினாலும், அதன் பின் இணைந்த தலைவர் குசல் மெண்டிஸ் மற்றும் கமிந்து மெண்டிஸ் ஆகியோர் இங்கிலாந்து பந்துவீச்சை சிறப்பாக எதிர்கொண்டனர்.
இதில் அதிரடி கலந்த நிதானத்துடன் ஆடிய குசல் மெண்டிஸ் தன்னுடைய 7ஆவது ஒருநாள் சதத்துடன் 100 பந்துகளில் 14 பௌண்டரிகள் மற்றும் 3 சிக்ஸர்கள் அடங்கலாக 121 ஓட்டங்கள் குவித்தார்.
>>சர்வதேச கிரிக்கெட்டிலிருந்து ஓய்வை அறிவித்தார் மார்க் வூட்<<
கமிந்து மெண்டிஸ் பொறுப்புடன் துடுப்பெடுத்தாடி 65 பந்துகளில் 54 ஓட்டங்கள் எடுத்தார். அதேவேளை இருவரும் இலங்கை அணியின் இரண்டாம் விக்கெட் இணைப்பாட்டமாக 137 ஓட்டங்கள் பெற்றது.
பின்னர் பவன் ரத்நாயக்க மற்றும் ஜனித் லியனகே அதிரடி காட்ட, இலங்கை அணி 50 ஓவர்களில் 6 விக்கெட் இழப்பிற்கு 321 ஓட்டங்கள் பெற்றது.
இலங்கை அணியின் துடுப்பாட்டத்தில் பவன் ரத்நாயக்க 39 பந்துகளில் 2 பௌண்டரிகள் மற்றும் ஒரு சிக்ஸர் அடங்கலாக 48 ஓட்டங்களையும், ஜனித் லியனகே 32 ஓட்டங்களும் பெற்றனர்.
இங்கிலாந்து அணியின் பந்துவீச்சில் ரெஹான் அஹமட் மற்றும் கஸ் அட்கின்ஸன் ஆகியோர் தலா இரண்டு விக்கெட்டுக்கள் வீதம் கைப்பற்றினர்.
பின்னர் 322 என்ற வெற்றி இலக்குடன் களமிறங்கிய இங்கிலாந்து அணிக்கு டொம் பென்டன் மற்றும் பென் டக்கட் ஜோடி மிகவும் அதிரடியான ஆரம்பம் வழங்கியது. இரு வீரர்களும் முதல் விக்கெட் இணைப்பாட்டமாக வெறும்19.4 ஓவர்களில் 143 ஓட்டங்கள் பெற்றது.
எனினும், நடுப்பகுதியில் இலங்கை சுழற்பந்து வீச்சாளர்கள் அற்புதமாக பந்துவீசி இங்கிலாந்தின் விக்கெட்டுகளை அடுத்தடுத்து வீழ்த்தினர். அணியின் முதல் விக்கெட்டாக துனித் வெல்லாலகேவின் பந்துவீச்சில் பென்டன் 73 ஓட்டங்கள் பெற்ற நிலையிலும், பென் டக்கட் 67 ஓட்டங்கள் எடுத்த நிலையிலும் ஆட்டமிழந்து சென்றனர்.
>>வில் ஜேக்ஸின் சகலதுறை ஆட்டத்தோடு முதல் ஒருநாள் போட்டியில் இங்கிலாந்து வெற்றி<<
அதன் பின்னர் ஜோ ரூட் (15), ஹர்ரி புரூக் (1) ஆகியோரது விக்கெட்டுக்களும் அடுத்தடுத்து பறிபோனது.
எனினும் ஜோஸ் பட்லர், வில் ஜேக்ஸ் ஆகியோர் அதிரடியாக ஆடி வெற்றிக்கு முயற்சித்தனர். ஆனால் இலங்கையின் கட்டுக்கோப்பான பந்துவீச்சால் இங்கிலாந்து அணி 50 ஓவர்களில் 9 விக்கெட் இழப்பிற்கு 305 ஓட்டங்கள் மட்டுமே பெற்று போட்டியில் தோல்வியடைந்தது.
இங்கிலாந்து துடுப்பாட்டத்தில் ஜோஸ் பட்லர் 49 பந்துகளில் 5 சிக்ஸர்கள் மற்றும் 5 பௌண்டரிகள் அடங்கலாக 69 ஓட்டங்கள் எடுத்து போராடியிருந்தார். அதேநேரம் வில் ஜேக்ஸ் 52 ஓட்டங்கள் எடுத்தமை குறிப்பிடத்தக்கது.
இலங்கை அணியின் பந்துவீச்சில் துனித் வெல்லாலகே 10 ஓவர்களில் 49 ஓட்டங்கள் வழங்கி 3 விக்கெட்டுகளையும், டில்ஷான் மதுஷங்க மற்றும் எஷான் மாலிங்க ஆகியோர் தலா 2 விக்கெட்டுக்கள் வீதமும் கைப்பற்றியிருந்தனர். போட்டியின் ஆட்டநாயகனாக குசல் மெண்டிஸ் தெரிவாகியிருந்தார். அடுத்ததாக ஒருநாள் தொடரைத் தீர்மானிக்கும் மூன்றாவது ஒருநாள் போட்டி செப்டம்பர் 27ஆம் திகதி ஓவல் மைதானத்தில் நடைபெறவுள்ளது.
ஸ்கோர் விபரம்
Result
| Batsmen | R | B | 4s | 6s | SR | |
|---|---|---|---|---|---|---|
| Pathum Nissanka | lbw b Gus Atkinson | 25 | 33 | 3 | 1 | 75.76 |
| Kamindu Mendis | c Harry Brook b Gus Atkinson | 54 | 65 | 4 | 3 | 83.08 |
| Kusal Mendis | c Tom Banton b Rehan Ahmed | 121 | 100 | 14 | 3 | 121.00 |
| Pavan Rathnayake | run out (Joe Root) | 48 | 39 | 2 | 1 | 123.08 |
| Charith Asalanka | c Gus Atkinson b Rehan Ahmed | 11 | 18 | 2 | 0 | 61.11 |
| Janith Liyanage | c Joe Root b Jofra Archer | 32 | 26 | 4 | 0 | 123.08 |
| Dunith Wellalage | not out | 16 | 15 | 1 | 0 | 106.67 |
| Sachindu Colombage | not out | 3 | 4 | 0 | 0 | 75.00 |
| Extras | 11 (b 1 , lb 3 , nb 0, w 7, pen 0) |
| Total | 321/6 (50 Overs, RR: 6.42) |
| Bowling | O | M | R | W | Econ | |
|---|---|---|---|---|---|---|
| Jofra Archer | 10 | 0 | 68 | 1 | 6.80 | |
| Gus Atkinson | 10 | 0 | 55 | 2 | 5.50 | |
| Josh Tongue | 7 | 0 | 50 | 0 | 7.14 | |
| Will Jacks | 5 | 0 | 33 | 0 | 6.60 | |
| Jamie Overton | 10 | 0 | 63 | 0 | 6.30 | |
| Rehan Ahmed | 8 | 0 | 48 | 2 | 6.00 | |
| Batsmen | R | B | 4s | 6s | SR | |
|---|---|---|---|---|---|---|
| Tom Banton | st Kamindu Mendis b Dunith Wellalage | 73 | 62 | 7 | 3 | 117.74 |
| Ben Duckett | b Dunith Wellalage | 67 | 63 | 9 | 0 | 106.35 |
| Joe Root | c Pavan Rathnayake b Sachindu Colombage | 15 | 17 | 1 | 0 | 88.24 |
| Harry Brook | lbw b Dunith Wellalage | 1 | 6 | 0 | 0 | 16.67 |
| Jos Buttler | c Kamindu Mendis b Dilshan Madusanka | 69 | 49 | 5 | 5 | 140.82 |
| Will Jacks | c Janith Liyanage b Eshan Malinga | 52 | 61 | 4 | 2 | 85.25 |
| Rehan Ahmed | c Kamindu Mendis b Dilshan Madusanka | 0 | 5 | 0 | 0 | 0.00 |
| Gus Atkinson | c Pavan Rathnayake b Eshan Malinga | 16 | 28 | 0 | 0 | 57.14 |
| Jamie Overton | c Charith Asalanka b Asitha Fernando | 2 | 3 | 0 | 0 | 66.67 |
| Jofra Archer | not out | 0 | 6 | 0 | 0 | 0.00 |
| Josh Tongue | not out | 1 | 1 | 0 | 0 | 100.00 |
| Extras | 9 (b 0 , lb 0 , nb 1, w 8, pen 0) |
| Total | 305/9 (50 Overs, RR: 6.1) |
| Bowling | O | M | R | W | Econ | |
|---|---|---|---|---|---|---|
| Asitha Fernando | 10 | 0 | 68 | 1 | 6.80 | |
| Dilshan Madusanka | 9 | 0 | 54 | 2 | 6.00 | |
| Charith Asalanka | 6 | 0 | 29 | 0 | 4.83 | |
| Eshan Malinga | 9 | 0 | 50 | 2 | 5.56 | |
| Sachindu Colombage | 6 | 0 | 55 | 1 | 9.17 | |
| Dunith Wellalage | 10 | 0 | 49 | 3 | 4.90 | |
>>மேலும் கிரிக்கெட் செய்திகளைப் படிக்க<<
 நடைபெற்ற இலங்கை – இங்கிலாந்து அணிகள் இடையிலான இரண்டாவது ஒருநாள் போட்டியில் இலங்கை அணி 16 ஓட்டங்கள் வித்தியாசத்தில் இங்கிலாந்தை வீழ்த்தி திரில் வெற்றி பெற்றது.){kind=link}