காலி சர்வதேச கிரிக்கெட் மைதானத்தில் இன்று (15) தொடங்கிய இலங்கை மற்றும் இந்திய அணிகளுக்கு இடையிலான முதலாவது டெஸ்ட் போட்டியின் முதல் நாள் ஆட்ட முடிவில், இந்திய கிரிக்கெட் அணியானது அணி டேவ்தத் படிக்கல் மற்றும் KL ராகுலின் பொறுப்பான ஆட்டத்துடன் முதல் இன்னிங்ஸில் பலம் பெற்றுள்ளது.
>>ஆசிய கிண்ண கிரிக்கெட் தொடருக்கான இலங்கை குழாத்தில் மீண்டும் காவ்யா காவிந்தி
முன்னதாக போட்டியின் நாணய சுழற்சியில் வென்ற இந்திய அணியின் தலைவர் சுப்மான் கில் முதலில் துடுப்பாடத் தீர்மானித்தார். இலங்கை அணி இப்போட்டியில் சுழல்பந்துவீச்சாளரான கேஷர நுவன்தவினை அறிமுகம் செய்திருந்தது. அத்துடன் சுமார் மூன்று ஆண்டு இடைவெளியின் பின்னர் நிரோஷன் டிக்வல்ல அணியில் இணைக்கப்பட்டார்.
இலங்கை XI
லஹிரு உதார, நிஷான் மதுஷ்க, தினேஷ் சந்திமால்,கமிந்து மெண்டிஸ், தனஞ்சய டி சில்வா (தலைவர்), சொனால் தினுஷ, நிரோஷன் டிக்வெல்ல, கேஷர நுவன்த, பிரபாத் ஜயசூரிய, லஹிரு குமார, அசித பெர்னாண்டோ
ஆரம்பத் துடுப்பாட்டவீரர்களாக களமிறங்கிய யஷஸ்வி ஜெய்ஸ்வால் மற்றும் KL ராகுல் ஜோடி நிதானமாகவும் நேர்த்தியாகவும் இன்னிங்ஸைத் தொடங்கியிருந்தனர்.
தொடர்ந்து யஷஸ்வி ஜெய்ஸ்வால் 37 பந்துகளில் 5 பௌண்டரிகளுடன் 32 ஓட்டங்கள் எடுத்திருந்த நிலையில் எதிர்பாராத ரன் அவுட் முறையில் ஆட்டமிழந்தார்.
இதனையடுத்து மூன்றாம் இலக்கத்தில் களமிறங்கிய டேவ்தத் படிக்கல், KL ராகுலுடன் இணைந்து இலங்கை சுழற்பந்துவீச்சாளர்களின் சவாலை சிறப்பாக முகம் கொடுத்து, 150 ஓட்டங்கள் வரை இரண்டாம் இணைப்பாட்டமாக பகிரப்பட்டிருந்தது. இந்த சந்தர்ப்பத்தில் KL ராகுல் சிறிய உபாதை ஆபத்தினை எதிர்கொண்ட நிலையில் மைதானத்தினை விட்டு வெளியேறியிருந்தார். அவர் மைதானத்தினை விட்டு வெளியேறும் போது 62 பந்துகளில் 9 பௌண்டரிகள் மற்றும் ஒரு சிக்ஸர் அடங்கலாக 77 ஓட்டங்கள் எடுத்திருந்தார்.
மறுமுனையில் அபாரமான ஆட்டத்தை வெளிப்படுத்திய டேவ்தத் படிக்கல் டெஸ்ட் அரங்கில் தனது கன்னி சதத்தினைப் பூர்த்தி செய்தார். படிக்கலின் சதத்தோடு இந்தியா முதல் நாள் ஆட்டநிறைவில் 73 ஓவர்களுக்கு 2 விக்கெட்டுக்களை இழந்து 288 ஓட்டங்கள் பெற்றுள்ளது. டேவ்தட் படிக்கல் 131 ஓட்டங்களுடன் ஆட்டமிழக்காமல் இருக்க, ரிசாப் பாண்ட் 27 ஓட்டங்களுடன் காணப்படுகின்றார். இலங்கை அணியின் பந்துவீச்சு சார்பில் பிரபாத் ஜயசூரிய மட்டுமே ஒரு விக்கெட்டைக் கைப்பற்றினார்.
ஸ்கோர் சுருக்கம்
இந்தியா (முதல் இன்னிங்ஸ்) – 288/2 (73.0)தேவ்தத் படிக்கல் 131* (178), KL ராகுல் 77 (162), பிரபாத் ஜயசூர்யா 77/1
முதல்நாள் ஆட்டம் நிறைவு
Stumps
| Batsmen | R | B | 4s | 6s | SR | |
|---|---|---|---|---|---|---|
| Yashasvi Jaiswal | run out (Prabath Jayasuriya) | 32 | 37 | 5 | 0 | 86.49 |
| KL Rahul | not out | 77 | 162 | 9 | 1 | 47.53 |
| Devdutt Padikkal | not out | 131 | 178 | 12 | 1 | 73.60 |
| Shubman Gill | c Lahiru Igalagamage b Prabath Jayasuriya | 16 | 28 | 2 | 0 | 57.14 |
| Rishabh Pant | not out | 27 | 36 | 3 | 1 | 75.00 |
| Extras | 5 (b 0 , lb 2 , nb 3, w 0, pen 0) |
| Total | 288/2 (73 Overs, RR: 3.95) |
| Bowling | O | M | R | W | Econ | |
|---|---|---|---|---|---|---|
| Asitha Fernando | 10 | 1 | 28 | 0 | 2.80 | |
| Lahiru Kumara | 10 | 1 | 51 | 0 | 5.10 | |
| Keshara Nuwantha | 21 | 0 | 98 | 0 | 4.67 | |
| Prabath Jayasuriya | 24 | 4 | 77 | 1 | 3.21 | |
| Dhananjaya de Silva | 4 | 0 | 15 | 0 | 3.75 | |
| Sonal Dinusha | 4 | 0 | 17 | 0 | 4.25 | |
>>மேலும் கிரிக்கெட் செய்திகளைப் படிக்க<<
 தொடங்கிய இலங்கை மற்றும் இந்திய அணிகளுக்கு இடையிலான முதலாவது டெஸ்ட் போட்டியின் முதல் நாள் ஆட்ட முடிவில், இந்திய கிரிக்கெட் அணியானது அணி டேவ்தத் படிக்கல் மற்றும் KL ராகுலின் பொறுப்பான ஆட்டத்துடன் முதல் இன்னிங்ஸில் பலம் பெற்றுள்ளது.){kind=link}