லஹிரு உதாரவின் அதிரடியில் கண்டி ரோயல்ஸ் அசத்தல் வெற்றி

கண்டியில் நேற்று (30) நடைபெற்று முடிந்திருக்கும் லங்கா பிரீமியர் லீக் (LPL) தொடரின் 18ஆவது போட்டியில் கண்டி ரோயல்ஸ் அணியினை ஜப்னா கிங்ஸ் 21 ஓட்டங்களால் வீழ்த்தி அபார வெற்றியை பெற்றுள்ளது.

>>பாகிஸ்தானுக்கு எதிரான T20I தொடருக்கான இலங்கை மகளிர் குழாம் அறிவிப்பு<<

போட்டியின் நாணய சுழற்சியில் வென்று முதலில் கண்டி அணியினால் துடுப்பாடப் பணிக்கப்பட்ட ஜப்னா கிங்ஸ், ஆரம்ப வீரர்கள் அவிஷ்க பெர்னாண்டோ மற்றும் கமில் மிஷார மூலம் சிறந்த ஆரம்பம் பெற்றுக் கொண்டது. பின்னர் மத்திய வரிசையில் சமிந்து விக்ரமசிங்கவும் அதிரடி காட்ட ஜப்னா வீரர்கள் 20 ஓவர்கள் நிறைவில் 6 விக்கெட்டுக்களை இழந்து 221 ஓட்டங்கள் எடுத்தது.

ஜப்னா அணியின் துடுப்பாட்டத்தில் கமில் மிஷார 49 ஓட்டங்களும், சமிந்து விக்ரமசிங்க வெறும் 15 பந்துகளில் 4 சிக்ஸர்கள் மற்றும் 3 பெளண்டரிகள் அடங்கலாக 45 ஓட்டங்கள் பெற்றார். அதேநேரம் அவிஷ்க பெர்னாண்டோ 36 ஓட்டங்கள் எடுத்தார்.

கண்டி அணியின் பந்துவீச்சில் மொயின் அலி மற்றும் வனிந்து ஹஸரங்க ஆகியோர் தலா 2 விக்கெட்டுக்க்ள வீதம் கைப்பற்றியிருந்தனர்.

பின்னர் போட்டியின் வெற்றி இலக்கை நோக்கி ஆடிய கண்டி வீரர்கள் 20 ஓவர்களில் அனைத்து விக்கெட்டுக்களையும் இழந்து 200 ஓட்டங்கள் மட்டுமே பெற்றனர்.

கண்டி அணியின் துடுப்பாட்டத்தில் அதிகபட்சமாக பவான் சந்தேஷ் 21 பந்துகளில் 4 சிக்ஸர்கள் மற்றும் 5 பௌண்டரிகள் அடங்கலாக 48 ஓட்டங்கள் பெற்றார்.

ஜப்னா பந்துவீச்சில் துனித் வெல்லாலகே மற்றும் சகீப் அல் ஹசன் ஆகியோர் தலா 3 விக்கெட்டுக்கள் வீதம் கைப்பற்ற,  டில்சான் மதுசங்க மற்றும் ஸஹூர் கான் ஆகியோர் தலா 2 விக்கெட்டுக்கள் கைப்பற்றினர். போட்டியின் ஆட்டநாயகன் விருதினை சமிந்து விக்ரமசிங்க வென்றார்.

>>மேலும் கிரிக்கெட் செய்திகளைப் படிக்க<<