ரீசா ஹென்ரிக்ஸ் அதிரடியில் தம்புள்ள சிக்ஸர்ஸ் அசத்தல் வெற்றிய

தம்புள்ள சிக்ஸர்ஸ் மற்றும் கண்டி ரோயல்ஸ் இடையே நடைபெற்று முடிந்திருக்கும் லங்கா பிரீமியர் லீக் (LPL) T20 தொடர் போட்டியில் தம்புள்ள சிக்ஸர்ஸ், ஜப்னா கிங்ஸ் அணியினை 18 ஓட்டங்களால் வீழ்த்தி தொடரை வெற்றியுடன் ஆரம்பித்துள்ளது.

>>இலங்கை கிரிக்கெட்டுக்கு ஐ.சி.சி. இன் வேண்டுகோள்<<

கொழும்பு SSC மைதானத்தில் இன்று (18) மாலை தொடங்கியிருந்த இந்தப் போட்டியில் தம்புள்ள சிக்ஸர்ஸ் தரப்பானது நாணய சுழற்சியில் வென்று முதலில் துடுப்பாட்டத்தை தெரிவு செய்தது.

இதன்படி போட்டியில் முதலில் துடுப்பாடிய தம்புள்ள சிக்ஸர்ஸ் அணியானது தடுமாறியதோடு, ஒரு கட்டத்தில் 78 ஓட்டங்களுக்கு 4 விக்கெட்டுக்களை இழந்து தடுமாறியது. எனினும் அவ்வணிக்கு ரீசா ஹென்ரிக்ஸ் கைகொடுக்க அவ்வணி 20 ஓவர்கள் நிறைவில் 6 விக்கெட்டுக்களை இழந்து 205 ஓட்டங்கள் குவித்தது.

தம்புள்ள சிக்ஸர்ஸ் துடுப்பாட்டம் சார்பில் ஹென்ரிக்ஸ் 2 சிக்ஸர்கள் மற்றும் 11 பௌண்டரிகள் அடங்கலாக 87 ஓட்டங்கள் பெற்றார். அதேநேரம் Impact வீரரான குல்படின் நயீப் 23 பந்துகளில் 4 சிக்ஸர்கள் மற்றும் 2 பௌண்டரிகளோடு ஆட்டமிழக்காது 46 ஓட்டங்கள் பெற்றிருந்தார்.

கண்டி ரோயல்ஸ் பந்துவீச்சில் நுவான் துஷார மற்றும் துஷான் ஹேமன்த ஆகியோர் தலா 2 விக்கெட் வீதம் சுருட்டினர்.

>>LPL 2026 தொடரினை வெற்றியுடன் தொடக்கம் செய்த கோல் கெலன்ட்ஸ்<<

பின்னர் போட்டியின் வெற்றி இலக்காக நிர்ணயம் செய்யப்பட்ட 206 ஓட்டங்களை அடைய பதிலுக்கு ஆடிய கண்டி ரோயல்ஸ் 20 ஓவர்களில் 6 விக்கெட்டுக்களை இழந்து 187 ஓட்டங்கள் மட்டும் பெற்று போட்டியில் தோல்வி அடைந்தது.

கண்டி ரோயல்ஸ் துடுப்பாட்டத்தில் டேல் பிலிப்ஸ் 39 ஓட்டங்களுக்கு 52 ஓட்டங்கள் பெற்றார். அதேநேரம் விஜய் சங்கர் 18 பந்துகளில் 3 சிக்ஸர்கள் மற்றும் 3 பௌண்டரிகள் அடங்கலாக 41 ஓட்டங்கள் பெற்று ஆட்டமிழக்காதிருந்தார்.

தம்புள்ள சிக்ஸர்ஸ் பந்துவீச்சில் குல்படின் நயீப் மற்றும் மொஹமட் வஸீம் ஆகியோர் தலா 2 விக்கெட்டுக்கள் வீதம் சாய்த்து தமது தரப்பு வெற்றியினை உறுதி செய்தனர். போட்டியின் ஆட்டநாயகனாக ரீசா ஹென்ரிக்ஸ் தெரிவாகியிருந்தார்.

>>மேலும் கிரிக்கெட் செய்திகளைப் படிக்க<<