கோலகலமாக ஆரம்பித்த ஆறாவது பருவத்திற்கான லங்கா பிரீமியர் லீக் (LPL) T20 தொடரின் முதல் போட்டியில் கோல் கெலன்ட்ஸ், ஜப்னா கிங்ஸ் அணியினை 36 ஓட்டங்களால் வீழ்த்தியிருக்கின்றது.
>>இலங்கை கிரிக்கெட்டுக்கு ஐ.சி.சி. இன் வேண்டுகோள்<<
கொழும்பு SSC மைதானத்தில் நேற்று (17) மாலை தொடங்கியிருந்த இந்தப் போட்டியில் தசுன் ஷானக்க தலைமையிலான கோல் கெலன்ட்ஸ் வீரர்கள், ஜப்னா கிங்ஸ் அணியை எதிர்கொண்டனர்.
போட்டியின் நாணய சுழற்சியில் வென்ற ஜப்னா கிங்ஸ் தலைவர் பானுக்க ராஜபக்ஷ, கோல் வீரர்களை முதலில் துடுப்பாடப் பணித்தார். அதன்படி போட்டியில் முதலில் துடுப்பாடிய கோல் கெலன்ட்ஸ் அணியானது 20 ஓவர்கள் நிறைவில் 6 விக்கெட்டுக்களை இழந்து 213 ஓட்டங்கள் குவித்தது.
கோல் கெலன்ட்ஸ் துடுப்பாட்டம் சார்பில் சரித் அசலன்க அதிகபட்சமாக 3 சிக்ஸர்கள் மற்றும் 7 பௌண்டரிகள் அடங்கலாக 38 பந்துகளில் 65 ஓட்டங்கள் பெற்றார். மறுமுனையில் இறுதிநேர அதிரடி காட்டிய தசுன் ஷானக்க வெறும் 09 பந்துகளில் ஆட்டமிழக்காது 3 சிக்ஸர்கள் மற்றும் 2 பௌண்டரிகள் அடங்கலாக 31 ஓட்டங்கள் பெற்றார்.
ஜப்னா கிங்ஸ் பந்துவீச்சில் லிசாட் வில்லியம்ஸ் மற்றும் பியூஸ் சாவ்லா ஆகியோர் தலா 2 விக்கெட்டுக்கள் வீதம் சாய்த்தனர்.
>>500 ட்ரோன்கள், இசை நிகழ்ச்சியுடன் பிரம்மாண்டமாகத் தொடங்குகிறது 2026 LPL<<
பின்னர் போட்டியின் வெற்றி இலக்காக நிர்ணயம் செய்யப்பட்ட 214 ஓட்டங்களை அடைய பதிலுக்கு ஆடிய ஜப்னா கிங்ஸ் 19.4 ஓவர்களில் அனைத்து விக்கெட்டுக்களையும் இழந்து 177 ஓட்டங்கள் மட்டும் பெற்று போட்டியில் தோல்வி அடைந்தது.
ஜப்னா அணியின் துடுப்பாட்டத்தில் துனித் வெல்லாலகே 24 பந்துகளில் 2 சிக்ஸர்கள் மற்றும் 4 பௌண்டரிகள் அடங்கலாக 40 ஓட்டங்கள் பெற்றார். கோல் கெலன்ட்ஸ் பந்துவீச்சில் எசான் மாலிங்க வெறும் 26 ஓட்டங்களுக்கு 4 விக்கெட்டுக்களைச் சாய்த்தும், ஆகீப் ஜாவிட் 2 விக்கெட்டுக்கள் சாய்த்தும் தமது தரப்பு வெற்றியினை உறுதி செய்தனர்.
போட்டியின் ஆட்டநாயகனாக சரித் அசலன்க தெரிவாகியிருந்தார்.
>>மேலும் கிரிக்கெட் செய்திகளைப் படிக்க<<
 T20 தொடரின் முதல் போட்டியில் கோல் கெலன்ட்ஸ், ஜப்னா கிங்ஸ் அணியினை 36 ஓட்டங்களால் வீழ்த்தியிருக்கின்றது.){kind=link}