ஐ.சி.சி ஆடவர் T20 உலகக் கிண்ணத் தொடரில் அயர்லாந்துக்கு எதிரான லீக் போட்டியில் இலங்கை 20 ஓட்டங்களால் த்ரில் வெற்றியினைப் பதிவு செய்துள்ள இலங்கை அணி, இம்முறை உலகக் கிண்ணத் தொடரை வெற்றியுடன் ஆரம்பித்துள்ளது.
>> எசான் மாலிங்க நீக்கம்; அணியில் இணையும் வேகப்பந்துவீச்சாளர்
இந்த உலகக் கிண்ணத் தொடரில் தொடரின் 6ஆவது லீக் போட்டியாக அமைந்த இந்த குழு B அணிகளின் இந்தப் போட்டி, முன்னதாக கொழும்பு ஆர். பிரேமதாச மைதானத்தில் ஞாயிற்றுக்கிழமை (08) ஆரம்பமாகியது. போட்டியின் நாணய சுழற்சியில் வென்ற அயர்லாந்து அணியின் தலைவர் போல் ஸ்டிர்லிங் முதலில் களத்தடுப்பினைத் தீர்மானித்தார்.
இலங்கை XI:
பெதும் நிஸ்ஸங்க, கமில் மிஷார, குசல் மெண்டிஸ், பவன் ரத்நாயக்க, கமிந்து மெண்டிஸ், தசுன் ஷானக்க (தலைவர்), துனித் வெல்லாலகே, வனிந்து ஹசரங்க, மகீஷ் தீக்ஸன, துஷ்மன்த சமீர, மதீஷ பத்திரண.
பின்னர் முதலில் துடுப்பாடத் தொடங்கிய இலங்கை அணிக்கு ஆரம்பம் மந்தமாகவே அமைந்தது. கமில் மிஷார 14 ஓட்டங்களுடனும், பெதும் நிஸ்ஸங்க 24 ஓட்டங்களுடனும் ஆட்டமிழக்க, இலங்கை அணி ஒரு கட்டத்தில் 86 ஓட்டங்களுக்கு 4 விக்கெட்டுகளை இழந்து தடுமாறியது.
இருப்பினும், அனுபவ வீரர் குசல் மெண்டிஸ் மற்றும் கமிந்து மெண்டிஸ் ஜோடி நிதானம் கலந்த அதிரடியோடு அணியின் ஓட்டங்களை உயர்த்தினர்.
இதில் வெறும் 19 பந்துகளை மாத்திரம் எதிர்கொண்ட கமிந்து மெண்டிஸ் 2 சிக்ஸர்கள் மற்றும் 4 பௌண்டரிகள் அடங்கலாக 44 ஓட்டங்களை விளாசி ஆட்டத்தின் போக்கையே மாற்றினார். மறுமுனையில் இறுதிவரை ஆட்டமிழக்காது துடுப்பாடிய குசல் மெண்டிஸ் 5 பௌண்டரிகள் அடங்கலாக 56 ஓட்டங்களைப் பெற்றுக்கொடுக்க, இலங்கை அணி 20 ஓவர்கள் நிறைவில் 6 விக்கெட்டுகளை இழந்து 163 ஓட்டங்களைக் குவித்தது. மெண்டிஸ் இந்தப் போட்டியில் தன்னுடைய 18ஆவது T20I அரைச்சதத்தினை பூர்த்தி செய்திருந்தமை குறிப்பிடத்தக்கது.
>> 2026 டயலொக் மாபெரும் கிரிக்கெட் சமர் பருவகாலம் மார்ச்சில் ஆரம்பம்
அயர்லாந்து அணியின் பந்துவீச்சில் ஜோர்ஜ் டொக்ரெல் 17 ஓட்டங்களுக்கு 2 விக்கெட்டுகளையும், கரேத் டெலானி 40 ஓட்டங்களுக்கு 2 விக்கெட்டுக்களையும் கைப்பற்றினர்.
பின்னர் 164 என்ற சவாலான வெற்றி இலக்கை நோக்கிப் பதிலுக்குத் துடுப்பாடிய அயர்லாந்து அணிக்கு ஆரம்ப வீரர் ரோஸ் அடய்ர் மற்றும் ஹர்ரி டெக்டர் ஆகியோர் சிறப்பான அடித்தளமிட்டனர். ஒரு கட்டத்தில் 105 ஓட்டங்களுக்கு 2 விக்கெட்டுகள் என்ற பலமான நிலையில் இருந்த அயர்லாந்து, வெற்றியை நோக்கி மிக இலகுவாக நகர்ந்து கொண்டிருந்தது.
எனினும் பின்னர் போட்டியின் இலங்கையின் சுழல்வீரர்கள் போட்டியின் திசையினை மாற்றினர். வனிந்து ஹசரங்க மற்றும் மகீஷ் தீக்ஸன ஆகியோரின் மாயாஜால சுழலில் சிக்கிய அயர்லாந்து வரிசையாக விக்கெட்டுகளைப் இழந்தது. அதன்படி 120 ஓட்டங்களுக்கு 4 விக்கெட்டுகள் என்ற நிலையில் இருந்த அயர்லாந்து அணியானது அடுத்த 23 ஓட்டங்களுக்குள் எஞ்சிய 6 விக்கெட்டுகளையும் பறிகொடுத்து 19.5 ஓவர்களில் 143 ஓட்டங்களுக்கு அனைத்து விக்கெட்டுக்களையும் இழந்து போட்டியில் தோல்வியினைத் தழுவியது.
இலங்கை பந்துவீச்சில் அபாரமாகச் செயற்பட்ட மகீஷ் தீக்ஸன 23 ஓட்டங்களுக்கு 3 விக்கெட்டுகளையும், வனிந்து ஹசரங்க 25 ஓட்டங்களுக்கு 3 விக்கெட்டுகளையும் வீழ்த்தியிருந்தனர். அதேநேரம் மதீஷ பதிரண 2 விக்கெட்டுகளைச் சாய்த்திருந்தார். போட்டியின் ஆட்டநாயகனாக அதிரடி காட்டிய கமிந்து மெண்டிஸ் தெரிவானார்.
இலங்கை அணியானது இந்த T20 உலகக் கிண்ணத் தொடரில் அடுத்ததாக ஓமானை வியாழன் (12) எதிர்கொள்கின்மை சுட்டிக்காட்டத்தக்கது.
போட்டியின் சுருக்கம்
Result
| Batsmen | R | B | 4s | 6s | SR | |
|---|---|---|---|---|---|---|
| Pathum Nissanka | c Paul Stirling b George Dockrell | 24 | 23 | 1 | 1 | 104.35 |
| Kamil Mishara | c Barry McCarthy b Mark Adair | 14 | 11 | 1 | 0 | 127.27 |
| Kusal Mendis | not out | 56 | 43 | 5 | 0 | 130.23 |
| Pavan Rathnayake | b George Dockrell | 5 | 9 | 0 | 0 | 55.56 |
| Dunith Wellalage | c George Dockrell b Gareth Delany | 10 | 13 | 0 | 0 | 76.92 |
| Kamindu Mendis | c George Dockrell b Barry McCarthy | 44 | 19 | 4 | 0 | 231.58 |
| Dasun Shanaka | c Mark Adair b Barry McCarthy | 0 | 1 | 0 | 0 | 0.00 |
| Wanindu Hasaranga | not out | 1 | 2 | 0 | 0 | 50.00 |
| Extras | 9 (b 0 , lb 0 , nb 1, w 8, pen 0) |
| Total | 163/6 (20 Overs, RR: 8.15) |
| Bowling | O | M | R | W | Econ | |
|---|---|---|---|---|---|---|
| Matthew Humphreys | 4 | 0 | 44 | 0 | 11.00 | |
| Mark Adair | 4 | 0 | 33 | 1 | 8.25 | |
| Barry McCarthy | 3 | 0 | 40 | 2 | 13.33 | |
| George Dockrell | 4 | 0 | 17 | 2 | 4.25 | |
| Gareth Delany | 4 | 0 | 24 | 1 | 6.00 | |
| Harry Tector | 1 | 0 | 5 | 0 | 5.00 | |
| Batsmen | R | B | 4s | 6s | SR | |
|---|---|---|---|---|---|---|
| Paul Stirling | b Maheesh Theekshana | 6 | 13 | 1 | 0 | 46.15 |
| Mark Adair | b Wanindu Hasaranga | 34 | 23 | 5 | 1 | 147.83 |
| Harry Tector | c Pavan Rathnayake b Wanindu Hasaranga | 40 | 34 | 1 | 0 | 117.65 |
| Lorcan Tucker | c Kamil Mishara b Dunith Wellalage | 21 | 18 | 2 | 0 | 116.67 |
| Curtis Campher | c Dasun Shanaka b Dunith Wellalage | 13 | 11 | 0 | 0 | 118.18 |
| Ben Calitz | st Kusal Mendis b Maheesh Theekshana | 4 | 4 | 0 | 0 | 100.00 |
| Gareth Delany | c Dushmantha Chameera b Maheesh Theekshana | 0 | 1 | 0 | 0 | 0.00 |
| George Dockrell | not out | 3 | 4 | 0 | 0 | 75.00 |
| Mark Adair | c Dasun Shanaka b Dushmantha Chameera | 10 | 5 | 1 | 0 | 200.00 |
| Matthew Humphreys | b Matheesha Pathirana | 0 | 2 | 0 | 0 | 0.00 |
| Extras | 6 (b 1 , lb 3 , nb 0, w 2, pen 0) |
| Total | 137/9 (19.5 Overs, RR: 6.91) |
| Bowling | O | M | R | W | Econ | |
|---|---|---|---|---|---|---|
| Dushmantha Chameera | 3 | 0 | 25 | 1 | 8.33 | |
| Mahesh Theekshana | 4 | 0 | 23 | 3 | 5.75 | |
| Matheesha Pathirana | 2.5 | 0 | 26 | 2 | 10.40 | |
| Dunith Wellalage | 4 | 0 | 28 | 1 | 7.00 | |
| Wanindu Hasaranga | 4 | 0 | 25 | 3 | 6.25 | |
| Dasun Shanaka | 2 | 0 | 12 | 0 | 6.00 | |
>> மேலும் கிரிக்கெட் செய்திகளைப் படிக்க <<
