Major Club එක්දින තරගාවලිය 27 දා සිට

ශ්‍රී ලංකා ක්‍රිකට් සංවිධානය කරන Major Club එක්දින පන්දුවාර ක්‍රිකට් තරගාවලිය මේ මස 27 වැනිදා සිට එළැඹෙන ජූලි මස 29 වැනිදා දක්වා පැවැත්වීමට යෝජිතයි. 

කාණ්ඩ 2ක යටතේ එක් වෙන මෙම තරගාවලිය සඳහා එක් කාණ්ඩයකට කණ්ඩායම් 7ක් ඇතුලත් අතර පළමු වටයේ දී එක් එක් කාණ්ඩායම් අනෙකුත් කණ්ඩායම් සමඟ තරග වැදීමට නියමිතයි.  

මෙවර තරගාවලිය සඳහා පසුගිය වසරේ ශූරයන් වූ ACE Capital CC කණ්ඩායම A කාණ්ඩයෙන් මෙවර තරගාවලියට එක් වීමට නියමිත අතර පසුගිය වසරේ අනුශූරයන් වූ CCC කණ්ඩායම B කාණ්ඩයෙන් තරගාවලියට එක් වීමට නියමිතයි.  

A කාණ්ඩය –  

ACE Capital CC, NCC, Baduraliya CC, Tamil Union C & AC, Chilaw MCC, Police SC සහ Panadura SC 

 

B කාණ්ඩය –  

CCC, Moors SC, BRC, Colts CC, Nugegoda S & WC, Bloomfield C & AC සහ Kurunegala YCC 

• Major Clubs T20 පිටිය ගිනි තැබූ අය
• කොදෙව්වන් 2 වැනි තරගය ජය ගනී
• වනිඳුලා Major Clubs T20 ශූරතාව දිනා ගනී
• තුන් කල් දුටු Tier B පිටිය
• Malay ක්‍රීඩකයෝ SSC පරාජය කරයි

තරගාවලියේ පළමු වටයේ තරග ජුලි මස 21 වැනිදා අවසන් වන අතර ඒ අනුව සැකසෙන ප්‍රසාද ලකුණු පුවරුවේ එක් එක් කාණ්ඩයේ පළමු ස්ථාන ද්විත්වයට පත් කණ්ඩායම් අවසන් පූර්ව වටය සඳහා සුදුසුකම් ලබා ගන්නා අතර එම තරග ජුලි මස 25 වැනිදා පැවැත්වේ.  

අවසන් පූර්ව වටයේ දී ජයග්‍රහණය කරන කණ්ඩායම් ද්විත්වය අතර පැවැත්වෙන අවසන් මහා තරගය ජුලි මස 29 වැනිදා පැවැත්වෙන අතර තරගයට වර්ෂාවෙන් බාධා එල්ල වෙන්නේ නම් එය ඊට පසුදාට, එනම් ජුලි මස 30 වැනිදා දක්වා දික් කිරීමට ද සංවිධායකයෝ බලාපොරොත්තු වෙනවා.  

තරගාවලියේ කාල සටහන 

දෙස් විදෙස් ක්‍රීඩා පිටියේ උණුසුම් පුවත් දැන ගැනීමට රැදී සිටින්න ThePapare.com අප සමඟ ම. 

>> තවත් ක්‍රිකට් පුවත් සඳහා පිවිසෙන්න <<