இசிபத்தன கல்லூரிக்கு எதிராக 56 ஆவது சகோதரர்கள் சமரில் ரனேஷ் சில்வாவின் சதம் மற்றும் சந்தரு டயஸின் அதிரடி பந்துவீச்சு மூலம் தர்ஸ்டன் கல்லூரி 27 ஆண்டுகளின் பின் வெற்றியை சுவைத்துள்ளது.
கொழும்பு, SSC மைதானத்தில் இன்று (23) நிறைவுற்ற இரண்டு நாள் கொண்ட போட்டியில் சகல துறையிலும் சோபித்த தர்ஸ்டன் கல்லூரி 10 விக்கெட்டுகள் வித்தியாசத்தில் வெற்றி பெற்றதன் மூலம் இசிபத்தன கல்லூரியின் ஆதிக்கத்தை முறியடித்தது. இந்த இரு அணிகளுக்கும் இடையிலான சகோதரர் சமரில் முடிவொன்று கிடைத்திருப்பது 20 ஆண்டுகளில் இது முதல் முறை என்பது குறிப்பிடத்தக்கது.
தென்னாபிரிக்க மண்ணில் வரலாற்று வெற்றியினை பதிவு செய்துள்ள இலங்கை
சுற்றுலா இலங்கை மற்றும் தென்னாபிரிக்க அணிகள் இடையே இன்று…
இதில் இரண்டாவது நாளான இன்று தனது முதல் இன்னிங்ஸை தொடர்ந்த கொழும்பு தர்ஸ்டன் கல்லூரி சார்பில் ரனேஷ் சில்வா 109 ஓட்டங்களை பெற்றதோடு அன்ஜு கருணாநாயக்க 70 ஓட்டங்களை பெற்றார். இதன் மூலம் தர்ஸ்டன் கல்லூரி முதல் இன்னிங்ஸில் 276 ஓட்டங்களை பெற்றது.
இசிபத்தன கல்லூரி முதல் இன்னிங்ஸில் 169 ஓட்டங்களை பெற்ற நிலையில் 107 ஓட்டங்கள் பின்தங்கியே இரண்டாவது இன்னிங்ஸை ஆரம்பித்தது. எனினும் அந்த அணி வீரர்கள் முக்கிய தருணங்களில் விக்கெட்டுகளை பறிகொடுத்ததால் 144 ஓட்டங்களுக்கு சகல விக்கெட்டுகளையும் இழந்தது.
இசிபத்தன கல்லூரி சார்பில் மத்திய வரிசையில் ரவிந்து ரத்னாயக்க 49 ஓட்டங்களை பெற்று அரைச் சதத்தை ஒரு ஓட்டத்தால் தவறவிட்டார்.
குறிப்பாக தர்ஸ்டன் கல்லூரியின் சந்தரு டயஸ் 6 விக்கெட்டுகளை பதம்பார்த்தார். இதன் மூலம் அவர் இந்தப் போட்டியில் மொத்தம் 10 விக்கெட்டுகளை வீழ்த்தியமை குறிப்பிடத்தக்கது.
இதன் மூலம் தர்ஸ்டன் கல்லூரி நிர்ணயிக்கப்பட்ட 38 ஓட்ட வெற்றி இலக்கையும் விக்கெட் இழப்பின்றி இலகுவாக எட்டியது.
Photos: Thurstan College vs Isipathana College | 56th Battle of the Brothers – Day 2
ஸ்கோர் விபரம்
முடிவு – தர்ஸ்டன் கல்லூரி 10 விக்கெட்டுகளால் வெற்றி
