මඟ හැරුණු දඬුවම් පහරෙන් කන්ද උඩරට බිඳ වැටේ

196

ThePapare.com අනුග්‍රහයෙන් පැවැත්වුණු, කොළඹ පාසල් කණ්ඩායම (Colombo Blues කණ්ඩායම) හා මහනුවර පාසල් කණ්ඩායම (Kandy Reds කණ්ඩායම) අතර සුහද රග්බි තරගය අද (12) මහනුවර නිත්තවෙල ක්‍රීඩාංගණයේ දී අවසන් වූයේ තියුණු තරගයකට පසු ලකුණු 14-12ක් ලෙස කොළඹ කණ්ඩායමට ජය හිමි කර දෙමිනි.

කන්ද උඩරටට එදිරිව අගනුවර ගැටෙන මහා සංග්‍රාමයට පෙර

පාසල් රග්බි පිටියේ අවසන් සංග්‍රාමයට මේ වන විට සියල්ලෝම සූදානම්ව සිටිති. අගනුවර…

කොළඹ හා මහනුවර පාසල්වල දක්ෂතා දැක්වූ ක්‍රීඩකයින්ගේ සහභාගිත්වයෙන් මෙම සුහද තරගය පැවැත්වුණු අතර ඉදිරියේ දී පැවැත්වීමට නියමිත වයස අවුරුදු 19න් පහළ ආසියානු රග්බි තරගාවලියට තේරීම් තරගාවලියක් ලෙස ද මෙම තරගාවලිය යොදා ගැනුණි.

නිත්තවෙල ක්‍රීඩාංගණයට ඇද හැලුණු මහා වැසි මධ්‍යයේ මහනුවර ක්‍රීඩකයින්ගේ පා පහරින් තරගය ආරම්භ වූ අතර පළමු මිනිත්තු දෙක තුළම මහනුවර ක්‍රීඩකයින් උත්සාහක දිනුමක් වාර්තා කළේ ප්‍රබල කොළඹ කණ්ඩායම අන්දමන්ද කරමිනි.

නවීන් රාජරත්නම්ගේ දක්ෂ පන්දු යොමු කිරීමක් ක්ෂණිකව ග්‍රහණය කර ගත් ‘Center’ දවුලගල උත්සාහක දිනුම් සීමාව පහසුවෙන් ඉක්මවා ගියේ මහනුවර පසුපෙළේ වේගය මනාව ප්‍රදර්ශනය කරමිනි. ඉෂාර හේරත් එහි ප්‍රවර්තනය අලංකාර ලෙස ගෝල කණු අතරින් යොමු කිරීමට සමත් විය. (මහනුවර 7-0 කොළඹ)

කන්ද උඩරටට එදිරිව අගනුවර ගැටෙන මහා සංග්‍රාමයට පෙර

පාසල් රග්බි පිටියේ අවසන් සංග්‍රාමයට මේ වන විට සියල්ලෝම සූදානම්ව සිටිති. අගනුවර…

අනතුරුව මලීෂ මධුමෙවන් කොළඹ කණ්ඩායම වෙනුවෙන් මහනුවර ක්‍රීඩකයෙකුගේ පා පහරක් වළක්වමින් පන්දුව පසුපස හඹා ගොස් උත්සාහක දිනුමක් වාර්තා කිරීමට උත්සහ කළ ද එම උත්සාහය සාර්ථක කර ගැනීමට ඔහුට හැකි වූයේ නැත.

අධික වර්ෂාව නිසා කණ්ඩායම් දෙකේම ක්‍රීඩකයින් අතින් අතපසු වීම් රාශියක් වූ අතර තරගය පුරා ‘Scrum’ අවස්ථා විස්සකට වැඩියෙන් වාර්තා වීම ඊට මනා උදාහරණයකි.

මහනුවර ක්‍රීඩකයින් දිගින් දිගටම කොළඹ ක්‍රීඩකයින්ට දඬුවම් පහර ලබා දුන්නත් කොළඹ ක්‍රීඩකයින් කිහිපවරක්ම ලකුණු ලබාගත හැකිව තිබූ අවස්ථා මග හැර ගත්තේ අනවශ්‍ය කලබලය නිසාය. අනෙක් අතට මහනුවර ක්‍රීඩකයින් පන්දුව හුවමාරු කිරීමට අකමැත්තක් පෙන්වූ අතර තනි තනිව ඉදිරියට යාමට උත්සහ කිරීම නිසා ඔවුන්ට ද අනගි අවස්ථා කිහිපයක්ම මගහැරිනි.

“Reds” හා “Blues” සටනට බාලගිරි දෝෂය

ඔක්තෝබර් 05 වැනිදා මහනුවර නිත්තවෙල දී පැවැත්වීමට නියමිතව තිබූ කොළඹ “Blues”…

19 වන මිනිත්තුවේ දී ක්‍රියාත්මක වූ රුක්ෂාන් මදුශංක මහනුවර ක්‍රීඩකයින් කිහිප දෙනෙකු පෙරළමින් විශිෂ්ට ධාවනයක නිරත වූයේ පළමු කොළඹ උත්සාහක දිනුම සම්පූර්ණ කරමිනි. රුක්ෂාන්ගේ උත්සාහක දිනුම පහසුවෙන් ප්‍රවර්තනය කිරීමට තුවාන් සාමිල් සමත් වූයේ තරගයේ ලකුණු සම කරමිනි. (මහනුවර 7-7 කොළඹ)

ඉතා ඉක්මනින් කොළඹට ප්‍රතිචාර දැක්වූ මහනුවර ක්‍රීඩකයෝ 25 වන මිනිත්තුවේ දී තවත් උත්සාහක දිනුමක් වාර්තා කළේ තරගය තමන් දෙසට හරවා ගනිමිනි.

‘Line out’ අවස්ථාවකින් පන්දුව ලබාගෙන ඉවසිලිවන්ත පන්දු හුවමාරු කිරීම් කිහිපයකින් පසු හිමල්ක ධනංජය දක්ෂ ලෙස උත්සාහක දිනුම් සීමාව ඉක්මවා ගියේ කොළඹ ආරක්ෂක වළලු බිඳ දමමිනි. ඉෂාර හට එහි ප්‍රවර්තනය සාර්ථක කර ගැනීමට හැකි වූයේ නැත. (මහනුවර 12-7 කොළඹ)

අනතුරුව 30 වන මිනිත්තුව ආසන්නයේ දුලංජන පියතිස්සගේ දක්ෂ ධාවනයකට පසු හුවමාරු වූ පන්දුව කොළඹ ක්‍රීඩකයින් උත්සාහක දිනුම් සීමාවෙන් එපිටට ගෙන ගියත් එය ‘Forward Pass’ අවස්ථාවක් නිසා නිශ්ප්‍රභ කිරීමට විනිසුරු පියවර ගත්තේ තරගයේ වැදගත් සංධිස්ථානයක් සනිටුහන් කරමිනි.

පළමු අර්ධය: කොළඹ කණ්ඩායම 07 12 මහනුවර කණ්ඩායම

දෙවන අර්ධයේ කණ්ඩායම් දෙකම තෙත පන්දුව නිසා අකරතැබ්බ රැසකට මුහුණ දුන් අතර එකදු කණ්ඩායමක් හෝ පිටියේ හරි හැටි ස්ථාවර වීමට සමත් වූයේ නැත.

කොළඹ ක්‍රීඩකයින් නව ක්‍රීඩකයින් ආදේශ කරමින් සිය ඉදිරිපෙළ ශක්තිමත් කළ අතර 39 වන මිනිත්තුවේ දී කොළඹ ක්‍රීඩකයින් උත්සාහක දිනුම් සීමාව ආසන්නයට ගෙන ගිය පන්දුවට මහනුවර ක්‍රීඩකයෙකු අනවශ්‍ය පා පහරක් එල්ල කිරීමට තැත් කළේ යැයි විනිසුරු කොළඹ කණ්ඩායමට දඬුවම් උත්සාහක දිනුමක් ලබා දුන්නේ ඔවුන් තරගයේ ඉදිරියට ගෙන එමිනි. (මහනුවර 12-14 කොළඹ )

කොළඹ “Blues” කණ්ඩායම නම් කෙරේ

කොළඹ “Blues” කණ්ඩායම සහ මහනුවර “Reds” කණ්ඩායම අතර පැවැත්වෙන…

අනතුරුව මහනුවර ක්‍රීඩකයින් ප්‍රබල උත්සහයක් දරමින් තවත් උත්සාහක දිනුමක් කරා සිය ඉදිරිපෙළ යොමු කළත් 53 වන මිනිත්තුවේ දී ප්‍රබල කොළඹ ප්‍රතිරෝධය හමුවේ පන්දුව ‘Held Up’ අවස්ථාවකට ලක් වූයේ ඉතා ආසන්න අවස්ථාවක් මහනුවරට අහිමි කරමිනි.

අවසන් මිනිත්තු තුනේ ලකුණු දෙකක පරතරය වෙනුවෙන් සටන් කළ මහනුවර ක්‍රීඩකයින්ට වාසනාවන්ත දඬුවම් පහරක් හිමි වූයේ ගෝල කණුවලට දකුණු පසින් වුවත් සාර්ථක කර ගත හැකි දුරකිනුයි. වාසනාවන්ත දඬුවම් පහර අවාසනාවන්ත වෙමින් අවසන් මිනිත්තුවේ තරිඳු හෙට්ටිආරච්චිගේ පාදයෙන් නික්මුණු පන්දුව ගෝල කණු මගහැර ඉවත ගියේ ලකුණු දෙකකින් කොළඹ ජය ස්ථිර කරමිනි.

ThePapare.com තරගයේ වීරයා ලෙස මහනුවර කණ්ඩායමේ ඉෂාර හේරත් නම් කරන ලදි.

අවසන් ලකුණු තත්වය: මහනුවර 12 (2T, 1C) – 14 (1T, 1C, 1PT) කොළඹ

ලකුණු රැස් කළ ක්‍රීඩකයෝ

  • මහනුවර – දවුලගල (1T), ඉෂාර හේරත් (1C), හිමල්ක ධනංජය (1T)
  • කොළඹ – රුක්ෂාන් මදුශංක (1T), තුවාන් සාමිල් (1C)

>> තවත් රග්බි පුවත් සඳහා පිවිසෙන්න – රග්බි පිටුවට <<