සිඩ්නි දුමාරය මැද ගෞරවය සොයා යන්නට නවසීලන්තය සැරසෙයි

ලැව් ගිනි නිසා ඇතිවූ දුමාරයෙන් බාධා විය හැකි නමුත් ඕස්ට්‍රේලියානු සංචාරයේ දී නැති වුණු ගෞරවය සොයා යන්නට නවසිලන්ත ක්‍රිකට් කණ්ඩායම එළඹෙන සතියේ දී ඕස්ට්‍රේලියාව සමඟ තෙවැනි හා අවසන් ටෙස්ට් තරගයට සිඩ්නි හිදී මුහුණ දෙනු ඇත.

ඉන්දියාවට බැටදෙන්න ශ්‍රී ලංකාවෙන් හොඳ සංචිතයක්

ශ්‍රී ලංකා කණ්ඩායමේ ඉන්දීය තරග සංචාරය එළඹෙන ජනවාරි මස 5 වැනිදා……

ඕස්ට්‍රේලියාවේ නිව් සවුත් වේල්ස් ප්‍රාන්තය පුරා ලැව් ගිනි පැතිර යද්දී එළඹෙන සෙනසුරාදා පැවැත්වෙන තරගයේ දෙවන දිනයට අධික රශ්මියෙන් හා දුමාරයෙන් බාධා වනු ඇති බවට කාලගුණ බලධාරීන් සැක පල කරනවා.

දුමාරය නිසා ඇති වන ගැටලුව වඩා සංකීර්ණ වන්නේ අන්තර්ජාතික ක්‍රිකට් කවුන්සිලයෙන්, ප්‍රාන්ත රජයෙන් හා ඕස්ට්‍රේලියානු ක්‍රීඩා වෛද්‍ය ආයතනයෙන් ලබා දෙන නියමයන්ට අනුව කටයුතු කීරීමට සිදු වන නිසාවෙනි. 

කෙසේ වෙතත් ශරීරයට අයහපත් දුම් මට්ටම නිසි ලෙස අර්ථ දක්වා නොමැති බැවින් ඕස්ට්‍රේලියානු ක්‍රිකට් ආයතනය ක්‍රීඩකයින් සමඟ එක්ව එම මට්ටම් තීරණය කිරීම සඳහා නිසි ක්‍රියාදාම හා වැඩ පිළිවෙළවල් සකස් කරන බව වාර්තා වේ. 

කැන්බරා හි පැවැත්වීමට නියමිතව තිබුණු බිග් බෑෂ් තරගයක් ද ලැව් ගිනි හේතුවෙන් ඇතිවූ විෂ සහිත දුම නිසා අතහැර දැමුණා.

මේ වන විට වායු දූෂණය නිසා බාධා වූ තරගයක් ඉදිරියට පවත්වා ගෙන යා හැකි දැයි විනිසුරුවන් තීරණය කරන්නේ කිසිදු උපමානයක් හෝ කිසිදු උපකරණයක් නොමැතිවයි.

පර්ත් හි හා මෙල්බර්න් හි පැවැත්වුණු පළමු ටෙස්ට් තරග දෙකෙන් නවසීලන්තය දින හතරක් තුළ ඕස්ට්‍රේලියාව හමුවේ පරාජය වුනා.

2019 ඇත්තටම නරක ද?

ගෙවී ගිය 2019 වසර ශ්‍රී ලංකා ක්‍රිකට් කණ්ඩායමට එතරම් සුබදායක අයුරින්…..

පුහුණුකරු ගැරී ස්ටෙඩ් පවසා සිටියේ බ්ලැක් කැප්ස් කණ්ඩායම “ඕස්ට්‍රේලියාවෙන් නැවත පහර කෑ” බව ය. ඔවුන් මෙල්බර්න් හිදී ලකුණු 247කින් පරාජය වුනේ සිතන්නට යමක් ඉතිරි කරමින්.

“අපි හොයා ගන්න ඕන යම් කිසි දේවල් කිහිපයක් අපිට දිගටම කරමින් ඕස්ට්‍රේලියාව අමාරුවේ දාන්න පුළුවන් උපක්‍රම කිහිපයක්.” ඔහු පවසා සිටියා.

“ඕස්ට්‍රේලියාව අපිට යෙදුවා වගේ පීඩනයකට ඔබ ලක් වුනාම, ඔබ ඔබ ගැනම ප්‍රශ්න කරනවා අපි මොනවාද මේ කරන්නේ කියලා.”

“ඕස්ට්‍රේලියාවට සිටිනවා පැයට කිලෝමීටර 145කට වැඩි වේගයෙන් පන්දු යවන පන්දු යවන්නන් තිදෙනෙක් හා ටෙස්ට් කඩුලු 300කට වඩා ලබා ගත් දඟපන්දු යවන්නෙක්. ඔබට හැම තිස්සෙම එය ලොකු අභියෝගයක්.”

මෙල්බර්න් හිදී නවසීලන්තයට වුණු එකම හොඳ දෙය නම් ආරම්භක පිතිකරු ටොම් බ්ලන්ඩෙල්ගේ ශතකයත් ඔහු හා ටොම් ලේතම් යළි රිද්මයට පැමිණීමත් පමණයි. 

නායක කේන් විලියම්සන් හට මෙවර තරග වාරයේ දී නම් එතරම් සාර්ථක වෙන්නට හැකියාවක් ලැබුණේ නැහැ.

නිව්සීලන්ඩ් හෙරල්ඩ් පුවත්පත වාර්තා කළේ නායක කේන් විලියම්සන් හට උණ රෝගය වැළඳීම නිසා බදාදා පැවැත්වුණු පුහුණුවීම් මඟ හැරුණු බවයි. පිතිකරු හෙන්රි නිකොල්ස් ද එවැනිම රෝග ලක්ෂණ වලින් පෙළෙන බව සඳහන්.

අතිරේක පිතිකරුවෙක් ලෙස සිටින එකම ක්‍රීඩකයා ජීට් රවාල් වන අතර ඔහුත් දිගින් දිගටම අසාර්ථක වීම නිසා මෙල්බර්න් හි ටෙස්ට් තරගයට එක්වූ කණ්ඩායමෙන් ඉවත් කර තිබුණා.

ඕස්ට්‍රේලියා වේදිකාවෙන් බැස යන පීටර් සිඩ්ල්

ඕස්ට්‍රේලියාවේ ප්‍රවීණ වේගපන්දු යවන ක්‍රීඩක පීටර් සිඩ්ල් වසර 11කට පසු…..

ඕස්ට්‍රේලියානු නායක ටීම් පේන් පවසා සිටියේ තරගාවලිය ජය ගත්තත් තමන් ක්‍රීඩා කරන ක්‍රීඩා විලාශය වෙනස් නොකරන බවයි. ඇතැම් විට තමන් පන්දු යවන්නන් පස් දෙනෙක් ක්‍රීඩා කිරීමට ඉඩ ඇති බව ද ඔහු සඳහා කළා.

තණතිල්ල අනුව ඔවුන් විශේෂඥ දඟපන්දු යවන්නන් දෙදෙනෙක් හා වේගපන්දු යවන්නන් වන පැට් කමින්ස්, මිචෙල් ස්ටාර්ක් හා ජේම්ස් පැටින්සන් ක්‍රීඩා කරනු ඇත.

දඟපන්දු යවන ක්‍රීඩක මිචෙල් ස්වෙප්සන් කණ්ඩායමට කැඳවා ඇති අතර ඔහු සිය මංගල තරගය ක්‍රීඩා කිරීමට මඟ බලා සිටිනවා.

“කණ්ඩායම ඉතා හොඳින් ක්‍රීඩා කරනවා. ඒ නිසාම අලුත් ක්‍රීඩකයෙක්ට කණ්ඩායමට එන්නට ඉතා අමාරුයි.” ස්වෙප්සන් පවසා සිටියා. “නමුත් මම ක්‍රීඩා කරන්නට සුදානම් වෙනවා. එය තමා මට කරන්න පුළුවන් එකම දෙය.”

නවසීලන්තයට ඔවුන්ගේ ප්‍රධානතම තුරුම්පුවක් වන ට්‍රෙන්ට් බෝල්ට් අහිමි වී තිබෙන්නේ මිචෙල් ස්ටාර්ක් ගේ පන්දුවක් අතේ වැදීම නිසා ඔහු ආබාධයකට ලක්ව ඇති නිසයි.ඒ වෙනුවට පිට දඟපන්දු යවන්නෙක් වන විල් සමර්විලේ කණ්ඩායමට ඇතුළු වනු ඇත.

>> තවත් ක්‍රිකට් පුවත් සඳහා පිවිසෙන්න <<